„ინტერაქცია „სთრით არტის“ ენაზე“ - ასე დაარქვეს სენაკის ახალგაზრდული საინიციატივო ჯგუფის წევრებმა ქვეგრანტის ფარგლებში განხორციელებულ პროექტს და საზოგადოებასთან ურთიერთობისთვის ქუჩის ხელოვნების ფორმატი გამოიყენეს. ჯგუფის წევრებმა შეიმუშავეს თემატური მაკეტი, შეარჩიეს ფრაზები. შემდეგ იდეამ სენაკის მე-7 სკოლის კედელზე გადაინაცვლა. ახალგაზრდული მესიჯები მშვიდობის, ლიდერობის, განათლების, აქტივიზმის აუცილებლობისკენ მოგვიწოდებენ.
ახალგაზრდებმა ჩაატარეს საჯარო ლექცია, ვორკშოპები, მოიწვიეს სენაკის სხვადასხვა სკოლის მოსწავლეები.
- რა ვიცით თვითმმართველობაზე, მის სტრუქტურაზე, პროგრამებზე, ბიუჯეტზე, რას ნიშნავს დეცენტრალიზაცია - ეს საკითხები მოექცა მონაწილეთა ინტერესის სფეროში.
პროექტი დასრულდა, თუმცა ახალგაზრდები საზოგადოებასთან ინტერაქციას კედელზე დარჩენილი გზავნილებით გააგრძელებენ.
პროექტი ხორციელდება USAID-ის მხარდაჭერით
მომზადდა პუბლიკაცია „ქალებისა და ახალგაზრდების საჭიროებების შეფასება ადრეული გაფრთხილების გენდერზე ორიენტირებული სისტემის (GREWS) მიხედვით“. ეს არის 6 მუნიციპალიტეტში (ქუთაისი, ხონი, წყალტუბო, სენაკი, წალენჯიხა, ზუგდიდი) ჩატარებული კვლევის ანალიზი.
ეს სისტემა მნიშვნელოვანი ინსტრუმენტია საზოგადოებაში არსებულ პრობლემებზე ადრეული რეაგირების, ადამიანური უსაფრთხოების ხარისხის გაუმჯობესების თვალსაზრისით.
საჭიროებათა კვლევის მიზანია 6 მუნიციპალიტეტში ქალებისა და ახალგაზრდების წინაშე არსებული პრობლემების და გამოწვევების იდენტიფიცირება, პრიორიტეტული საკითხების გამოკვეთა და პრობლემების ადვოკატირება ადგილობრივ და ცენტრალურ დონეზე.
პროექტი ხორციელდება USAID-ის მხარდაჭერით
ქუთაისის ახალგაზრდული საინიციატივო ჯგუფის წევრებმა პროექტის „ახალგაზრდული ინიციატივები ჯანსაღი გარემოსთვის“ ფარგლებში ისაუბრეს პროექტის მიმდინარეობასთან დაკავშირებით. აღნიშნეს, რომ მზად აქვთ კლუბის ლოგო, შეუკვეთეს მაისურები, კეპები და აქტიურად განაგრძობენ მუშაობას გაწერილი აქტივობების შესასრულებლად.
ქალთა საინიციატივო ჯგუფი კი ონლაინ შეხვდა ქუთაისის მუნიციპალიტეტის ინფრასტრუქტურის განვითარების, კეთილმოწყობის და დასუფთავების სამსახურის ხელმძღვანელის მოადგილეს კარლო კუხიანიძეს. ჯგუფის წევრებმა კომპეტენტური პირისგან მიიღეს პასუხები მათთვის საინტერესო საკითებზე. მერიის წარმომადგენელი მათ რიგი საკითხების გადამოწმებას და შესაბამის სამსახურებთან შუამდგომლობას დაჰპირდა.
პროექტი ხორციელდება USAID-ის მხარდაჭერით
ხონის მუნიციპალიტეტის ქალთა საინიციატივო ჯგუფთან ჩატარდა ონლაინ შეხვედრა, რომელსაც მერიის წარმომადგენლები ესწრებოდნენ. ქალებმა მათგან მოისმინეს ინფორმაცია, თუ რა ეტაპზეა მათი განცხადება იმ პრობლემასთან დაკავშირებით, რომელსაც ადვოკატირებას უწევენ. მერიის წარმომადგენლების თქმით, საკითხი აქტუალურია და დადებითად გადაიჭრება.
ქალთა მეორე ჯგუფიც შეუდგა პრობლემის ადვოკატირებას. ისინი დევნილთა დასახლებაში ხეების შებელვას ითხოვენ. მათთან ჩატარებულ ონლაინ შეხვედრას მერის მოადგილე მანანა გოფოძე და მერიის წარმომადგენლები ესწრებოდნენ. იმედია, მერიის მხარდაჭერით მათ მიერ დასმული პრობლემა მალე მოგვარდება.
სექტემბერი განსაკუთრებული იყო ხონის ახალგაზრდული საინიციატივო ჯგუფისთვის. ისინი ქვეგრანტების პროგრამის ფარგლებში წარმატებით ახორციელებენ მცირე პროექტს „ჩვენ გვიყვარს აფხაზეთი“.
პროექტი ხორციელდება USAID-ის მხარდაჭერით
ონლაინ შეხვედრებით დასრულდა ახალგაზრდებთან ხუთთვიანი სასწავლო კურსის შეჯამება. 20 სექტემბერს შემაჯამებელ შეხვედრაში მონაწილეობდნენ ქობულეთისა და ჩოხატაურის მუნიციპალიტეტის წარმომადგენლები, 22 სექტემბერს კი - ახალგაზრდები თერჯოლის, სამტრედიის და ბაღდათის მუნიციპალიტეტებიდან.
ახალგაზრდული ცენტრების ლიდერებმა წარმოადგინეს საინტერესო პრეზენტაციები. გაიმართა აქტიური დისკუსიები.
ასეთი იყო მონაწილეთა შეფასების ერთი ნაწილი:
„ჩვენ მზად ვართ, გავაგრძელოთ ფონდ „სოხუმთან“ მჭიდრო თანამშრომლობა“.
„ძალიან აქტიური და ყოჩაღი ახალგაზრდები დავინახეთ, რომლებსაც შეუძლიათ აქტუალურ თემებზე ესაუბრონ თავიანთ თანატოლებს“.
„მე ვხედავდი, როგორი პასუხისმგებლობით ამზადებდა ჩემი შვილი დავალებას. ის კიდევ უფრო გააქტიურდა“.
„პრეზენტაციების საშუალებით ახალგაზრდებმა საინტერესოდ წარმოაჩინეს მნიშვნელოვანი თემები“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდი „სოხუმის“ ახალგაზრდა აქტივისტები საინფორმაციო კამპანიას ატარებენ, რომლის მიზანი ზუგდიდის ამომრჩევლებისთვის „ონლაინ ხმის მრიცხველზე“ ინფორმაციის მიწოდება და მისი შევსების ინსტრუქციის გაცნობაა.
აგრარულ ბაზარში, საჯარო თავშეყრის ადგილებში, უბრალო გამვლელებთან კომუნიკაცია საშუალებას იძლევა, მეტ ადამიანს მისწვდეს ინფორმაცია „ამომრჩევლის რჩევის აპლიკაციაზე“.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ზუგდიდის მუნიციპალიტეტის ქალთა საინიციატივო ჯგუფები გამოვლენილი პრობლემების მოგვარებისთვის მუშაობენ. კოკის ჯგუფმა წერილი მოამზადა მერის სახელზე, შეაგროვა ხელმოწერები და დაიწყო აქტიური ადვოკატირება, რომ სპორტულ მოედნებთან დამონტაჟდეს გარე განათების ბოძები და სკამები.
ზუგდიდის ჯგუფმა კი დაიწყო ადვოკატირება, რომ დევნილთა ჩასახლების მიმდებარე ტერიტორია გასუფთავდეს სარეველა მცენარეებისა და ეკალ-ბარდებისგან.
კოკის ახალგაზრდული საინიციატივო ჯგუფი ფონდი „სოხუმის“ ქვეგრანტების პროგრამის ფარგლებში ახორციელებს პროექტს „ჯანსაღი გარემო უკეთესი მომავლისთვის.“ პროექტის მიზანია: თემში და სკოლაში ჯანსაღი ცხოვრების წესის დამკვიდრება.
პროექტი ხორციელდება USAID-ის მხარდაჭერით
სოფელ ფახულანის (წალენჯიხის მუნიციპალიტეტი) ქალთა საინიციატივო ჯგუფი მუშაობს თემში გამოვლენილი პრობლემების მოგვარებისთვის. გამოიკვეთა ნაგვის ურნების არარსებობა, რაც სავალალო მდგომარეობას ქმნის. ჯგუფმა მოამზადა წერილი მერის სახელზე, შეაგროვა მოსახლეობის ხელმოწერები და შეუდგა ადვოკატირებას.
ლიის სკოლის ახალგაზრდული საინიციატივო ჯგუფი კი ფონდი „სოხუმის“ ქვეგრანტების პროგრამის ფარგლებში ახორციელებს პროექტს „ახალგაზრდები ჯანსაღი ეკოლოგიური გარემოსთვის“. სკოლაში შეიქმნა ეკოკლუბი. ბავშვებმა დაიწყეს მუშაობა პროექტით გათვალისწინებულ აქტივობებზე.
პროექტი ხორციელდება USAID-ის მხარდაჭერით
სექტემბერი საინფორმაციო შეხვედრებისთვის აქტიური გამოდგა: სხვადასხვა თემთან ჩატარებულ შეხვედრებში გამოყენებული იყო როგორც ონლაინ, ასევე ოფლაინ ფორმატი.
საინფორმაციო შეხვედრებიდან იდენტიფიცირებულ იქნა ოჯახური ძალადობის შემთხვევები, რომელთა გადამისამართება მოხდა ფსიქოლოგთან და იურისტთან, საჭიროებიდან გამომდინარე.
მთელი თვის განმავლობაში ქალთა მხარდაჭერის ცენტრების მობილიზატორები თემში არსებული პრობლემების ადვოკატირების მიზნით ხვდებოდნენ ადგილობრივი თვითმმართველობის წარმომადგენლებს.
საინფორმაციო შეხვედრები ათივე სამიზნე მუნიციალიტეტში ჩატარდა და მათ 158 ადამიანი დაესწრო.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
საქართველოს სახალხო დამცველმა კონფერენცია გამართა თემაზე „COVID-19 პანდემიის გავლენა კონფლიქტით დაზარალებულ ქალებსა და გოგოებზე“. მონაწილეთა შორის იყვნენ ამ სფეროს ექსპერტები.
ღონისძიების მეორე ნაწილში წარმოდგენილი იყო სახალხო დამცველის სპეციალური ანაგრიში, მესამე ნაწილი კი დაეთმო ქალები, მშვიდობა და უსაფრთხოების საკითხზე მიღწეულ პროგრესსა და გამოწვევებს. ამ ნაწილში სიტყვით გამოვიდა ფონდი „სოხუმის“ თბილისის წარმომადგენელობის ხელმძღვანელი ეკატერინე გამახარია. მან ყურადღება გაამახვილა იმ მნიშვნელოვან გამოწვევებზე, რომელიც განსაკუთრებული სიმწვავით იჩენს თავს დევნილი და კონფლიქტით დაზარალებული ქალების ცხოვრებაში. ისაუბრა იმ ბარიერებზე, რომლებიც ხელს უშლის ქალებს სახელმწიფო ეკონომიკური პროგრამებისადმი ხელმისაწვდომობაში; შეეხო გამყოფი ხაზის მიმდებარე სოფლებში დაზარალებული სტუდენტების სწავლის დაფინანსების საკითხს და სხვა აქტუალურ საკითხებს.