გრძელდება ხონის ქალთა მხარდაჭერის ცენტრის მცირე პროექტი. მარტში პროექტის ფარგლებში ჩატარდა საინფორმაციო შეხვედრები მერის წარმომადგენლებთან ნახახულევსა და გოჩა ჯიხაიშში. პროექტი მიზნად ისახავს მოსწავლეების ინფორმირებულობას კონფლიქტებისა და ბულინგის პრევენციისათვის.
სენაკის ქალთა მხარდაჭერის ცენტრის მცირე პროექტის ფარგლებში ჩატარდა საინფორმაციო შეხვედრები სოფელ თეკლათის სამედიცინო პერსონალთან, სკოლის დირექტორთან და პედაგოგებთან. მონაწილეებს მიეწოდათ ინფორმაცია პროექტის მიზანსა და აქტივობებზე. შეხვედრების დროს განსაკუთრებული ყურადღება მიექცა ქალთა მიმართ და ოჯახში ძალადობის პრობლემას და ყოველი ჩვენგანის როლს პრევენციის პროცესში.
ფონდი „სოხუმის“ წყალტუბოს ქალთა მხარდაჭერის ცენტრი მუნიციპალიტეტის გენდერული თანასწორობის საბჭოსთან ერთად ახორციელებს პროექტს, რომლის მიზანია ჰარმონიული გარემოს შექმნა პატარებისათვის. პირველი ტრენინგი ჩაუტარდა საბავშვო ბაღების გაერთიანების ადმინისტრაციის წარმომადგენლებს, საბავშვო ბაღების მენეჯერებს და პედაგოგებს. მონაწილეებმა საინტერესო ინფორმაცია მიიღეს გენდერულ საკითხებზე საბავშვო ბაღის აღსაზრდელებთან მუშაობის კუთხით. პროექტის ფარგლებში დაგეგმილია კიდევ სამი ტრენინგი.
ფოთის ქალთა მხარდაჭერის ცენტრი მეორე თვეა, ახორციელებს მცირე პროექტს, რომელიც ახალგაზრდებში ჯანსაღი ცხოვრების წესის პოპულარიზაციას უწყობს ხელს.
პროექტის ფარგლებში ჩატარდა შეხვედრები მე-7 და 21-ე სკოლის დირექტორებთან, განათლების რესურს ცენტრის ხელმძღვანელობასთან. ამას გარდა, მოეწყო საინფორმაციო შეხვედრა 21-ე სკოლის მოსწავლეებთან თემაზე: მავნე ჩვევები და ჯანსაღი ცხოვრების წესის მნიშვნელობა.
მარტში ფსიქოლოგის საკონსულტაციო შეხვედრები გაიმართა 9 კოლექტიურ ცენტრში, დევნილთა კომპაქტურ დასახლებებში. მათში მონაწილეობა მიიღო 55 ბენეფიციარმა.
როგორც ყოველთვის, შეხვედრების შემდეგ იყო ინდივიდუალური კონსულტაციებიც. ინდივიდუალური რჩევები მიიღო 8 ბენეფიციარმა. ფსიქოლოგმა იმუშავა ერთ საოჯახო წყვილთან, 9 ადამიანთან - ოჯახში კრიზისულ ურთიერთობებზე. იყო 8 სატელეფონო ზარი და 4 კონსულტაცია სკაიპით. ყოველივე ეს ხელს უწყობს ბენეფიციართა ფსიქორეაბილიტაციას.
კოკი/ხურჩის ქალთა მხარდაჭერის ცენტრი თებერვლიდან წარმატებით ახორციელებს მცირე პროექტს „უთხარი არა ძალადობას - იყავი აქტიური!“ პროექტის ფარგლებში უკვე ჩატარდა საინფორმაციო შეხვედრები ზუგდიდის მუნიციპალიტეტის სოფლების რწმუნებულებთან. მარტში კი გაიმართა ვორკშოპები ქალებისთვის ორ სოფელში - ახალკახათსა და ორსანტიაში. ვორკშოპებზე განიხილეს ქალთა მიმართ ძალადობის საკითხი და არსებული სამართლებრივი მექანიზმები.
ფოთის ქალთა მხარდაჭერის ცენტრს მიმართა ბენეფიციარმა, რომელმაც ითხოვა დახმარება. ოჯახი არის სოციალურად დაუცველი, დევნილთა დასახლებაში მცხოვრები. მამას ავარიის შედეგად აქვს ხერხემლის პრობლემა და არ შეუძლია დამოუკიდებლად გადაადგილება.
ფონდმა „სოხუმმა“ მხარდაჭერისთვის მიმართა „კარიტას საქართველოს“, რომელსაც ყოველთვის გულთან ახლოს მიაქვს ადამიანთა პრობლემები. ამჯერადაც ასე მოხდა - ოჯახმა მიიღო დახმარება პროდუქტებით და ტანსაცმლით.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ახალი წლიდან შეიცვალა ფონდი „სოხუმის“ ფსიქოლოგის შეხვედრების ფორმატი. ქალთა მხარდაჭერის ცენტრებში ის უკვე არ ატარებს ყოველთვიურ ჯგუფურ შეხვედრებს, არამედ რეგიონებში საჭიროების მიხედვით ჩადის.
თებერვალში ინდივიდუალური შეხვედრები მოეწყო ფოთისა და ხურჩა/კოკის ქალთა მხარდაჭერის ცენტრების მოთხოვნით. ქალებთან მუშაობა წარიმართა პირადი ფსიქოლოგიური პრობლემების მოსაგვარებლად. პირველივე სესიის შემდეგ ბენეფიციარებმა სიმსუბუქე იგრძნეს და მოილაპარაკეს, რომ სკაიპით და ტელეფონით იმუშავებდნენ. მიუხედავად გარკვეული დადებითი შედეგებისა, ინდივიდუალური მუშაობა გრძელდება.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ მცირე საგრანტო კონკურსში დაფინანსდა წყალტუბოს ქალთა მხარდაჭერის ცენტრის პროექტი „ქალაქ წყალტუბოს საბავშვო და ბაგა-ბაღების პედაგოგების, აღმზრდელებისა და აღსაზრდელთა მშობლების სამოქალაქო განათლების დონის ამაღლება გენდერისა და ძალადობის საკითხზე“.
პროექტის ფარგლებში ქალთა მხარდაჭერის ცენტრის მობილიზატორი შეხვდა წყალტუბოს მუნიციპალიტეტის საკრებულოს თავმჯდომარეს გრიგოლ ივანეიშვილს, გენდერული თანასწორობის საბჭოს მდივანს, საკრებულოს თავმჯდომარის მრჩეველს მზია კიკალიშვილთან. გაიმართა შეხვედრა საბავშვო ბაღების გაერთიანების წარმომადგენლებთან.
პროექტით, ბაღის პედაგოგების და აღმზრდელებისათვის დაგეგმილია ტრენინგები აქტუალურ თემებზე: გენდერი, გენდერული ძალადობა, ბულინგი.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ახალი პროექტით „ქალთა უფლებების გაძლიერება დასავლეთ საქართველოში“ ფონდ „სოხუმს“ 9 მუნიციპალიტეტში (ქუთაისი, ხონი, წყალტუბო, სენაკი, თერჯოლა, ფოთი, ზუგდიდი, ოზურგეთი, ლანჩხუთი) აქვს ქალთა მხარდაჭერის ცენტრი.
თებერვალში მობილიზატორებმა 27 სამობილიზაციო-საინფორმაციო შეხვედრა ჩაატარეს ამ მუნიციპალიტეტების ქალაქებსა და სოფლებში, დევნილთა კოლექტიურ დასახლებებში, საზოგადოების სხვადასხვა სფეროს წარმომადგენლებთან. მთავარი აქცენტი გაკეთდა პროექტზე, დაგეგმილ აქტივობებსა და ფონდი „სოხუმის“ სერვისებზე. განსაკუთრებული იყო შეხვედრები თერჯოლაში, ოზურგეთსა და ლანჩხუთში, სადაც ქალთა მხარდაჭერის ცენტრები წელს ამოქმედდა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)