ქუთაისში, თეკლათსა (სენაკის მუნიციპალიტეტი) და ხურჩაში (ზუგდიდის მუნიციპალიტეტი) გაიმართა ჯგუფური ფსიქოლოგიური შეხვედრები და კონსულტაციები. მონაწილეობდა 27 ქალი 29-დან 67 წლამდე. პირველად იღებდა მონაწილეობას 8 ადამიანი, ინდივიდუალური კონსულტაცია ჩაუტარდა 2 მონაწილეს. შეხვედრების ძირითადი თემა იყო - ბავშვებთან არაძალადობრივი ურთიერთობების ჩამოყალიბება.
გახსოვდეთ, რომ ყველა ბავშვს ინდივიდუალური მიდგომა სჭირდება. მეტი დრო დაუთმეთ მათ. დააინტერესეთ გარემო სამყაროთი. მოექეცით როგორც თანასწორს. გახსოვდეთ, რომ თქვენ სამაგალითო უნდა იყოთ მისთვის, - ასეთია ფსიქოლოგის რჩევა მშობლებს.
თებერვალში ფსიქოლოგიური კონსულტაციები, ჯგუფების ინტერესებიდან გამომდინარე, სხვადასხვა თემაზე გაიმართა. სენაკის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში საუბარი შეეხო თემას „როგორ გავუგოთ საკუთარ თავს და სხვებს“. ამ აქტუალურმა საკითხმა ურთიერთობის უამრავი დეტალი შეითავსა: როგორ ვუსმინოთ საკუთარ თავს, ემოციებს, როგორ გავიგოთ სხვების გრძნობები, როგორ დავაკვირდეთ საკუთარ აზრებს. ყველაფერი ეს - ოჯახში კონფლიქტების და საზოგადოების პრევენციის გზებია.
ქუთაისში შეხვედრა გაიმართა მე-15 საჯარო სკოლის უფროსკლასელებთან და, ლოგიკურად, საუბარი მიეძღვნა ნაადრევ ქორწინებას და მის ნეგატიურ შედეგებს.
კონსულტაციები ინტერაქტიურ რეჟიმში გაიმართა. მონაწილეები ინტერესდებოდნენ სხვადასხვა პრობლემით, შეკითხვებს უსვამდნენ ფსიქოლოგს, კამათობდნენ და იღებდნენ რჩევებს, რომლებიც ყოველდღიურ ცხოვრებაში გამოადგებათ.
ქუთაისში, დევნილთა კომპაქტური დასახლების ადგილებში ივლისში გაიმართა 9 ჯგუფური და 6 ინდივიდუალური შეხვედრა. სულ 47 ბენეფიციარი ესწრებოდა. ჯგუფური შეხვედრების ძირითადი თემა იყო ოჯახური ბედნიერება, კეთილდღეობის ფაქტორები. ის, რომ ბედნიერი ოჯახი - იღბალი და გამართლება კი არა, ორი მოსიყვარულე ადამიანის მუდმივი, ღრმა და შინაგანი მუშაობაა.
პროექტის „ქალთა უფლებების გაძლიერება დასავლეთ საქართველოში“ ფარგლებში ფონდი „სოხუმის“ ქალთა მხარდაჭერის ექვსივე ცენტრში ჩატარდა გეგმით გათვალისწინებული იურიდიული საინფორმაციო საკონსულტაციო შეხვედრები ადგილობრივ და დევნილ მოსახლეობასთან. ქუთაისში, ხონში, ხურჩაში (ზუგდიდის მუნიციპალიტეტი), სენაკში, წყალტუბოსა და ფოთში შეკრებილებმა თავიანთთვის საინტერესო და აქტუალური კითხვები დაუსვეს იურისტებს და მიიღეს კომპეტენტური პასუხები.
შეხვედრებზე გაიცა ინდივიდუალური კონსულტაციები, გამოვლინდა ძალადობის მსხვერპლის რისკ ჯგუფის მატარებელი ქალი.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
- ცხოვრების რთული რიტმის შედეგად ჩვენ ვიცვლებით, სხვანაირები ვხდებით. ამ დროს ჩვენს დასახმარებლად მოდის ჩვენი მეუღლე. მასთან შეიძლება იყო ის, რაც სინამდვილეში ხარ. მამაკაცს ჰყავს ცოლი და შვილები, ქალს - ქმარი და შვილები. შვილები იზრდებიან და თავიანთ ოჯახებს ქმნიან, ხშირად - მიდიან მშობლებისგან. მაგრამ ჩვენ გვერდით რჩება ქმარი. ასე რომ ქორწინებაში ჩვენ მარტონი არა ვარ. ამაშია არსი ოჯახური ბედნიერებისა, რომელშიც ძალადობის ადგილი არ რჩება…
ინტერესით უსმენდნენ ქალები ფსიქოლოგის საუბარს ხურჩა/კოკის ქალთა მხარდაჭერის ცენტრში. ფსიქოლოგიური ჯგუფური შეხვედრა გაიმართა სოფელ კოკში (ზუგდიდის მუნიციპალიტეტი), სადაც ესწრებოდა 10 ბენეფიციარი 21-დან 60 წლამდე.
საინტერესო მინი-პროექტი განახორციელა ხონის ქალთა მხარდაჭერის ცენტრმა სამ სოფელში: გოჩა ჯიხაიშში, დიდ კუხსა და ნახახულევში. პროექტი „სანიტარულ-ჰიგიენური კულტურა - ჰარმონიული ოჯახის საწინდარი“ მიეძღვნა საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“. პროექტის ფარგლებში დაიბეჭდა საინფორმაციო ფურცლები, ჩატარდა საინფორმაციო შეხვედრები ექიმთან. შეხვედრებს ესწრებოდნენ მხოლოდ ქალები (25 წლიდან), რადგან სანიტარულ-ჰიგიენური ნორმების აუცილებლობისა და სეზონური პრობლემების (გაციება, გრიპი) გარდა აქცენტი გაკეთდა სკრინინგის პოპულარიზაციაზე (საშვილოსნოს ყელის და ძუძუს), რადგან ბევრმა არ იცის, რომ უფასოა და თან ასე ახლოს, ქუთაისში.
სოფლად მცხოვრებ ქალებს არა აქვთ მსგავსი შეხვედრების ფუფუნება და მათი აზრით, ეს იყო გამორჩეული პროექტი, ექიმის მიერ მოწოდებული საინტერესო თემებით.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ ხონის ქალთა მხარდაჭერის ცენტრმა დაიწყო მცირე პროექტის განხორციელება. პროექტი ითვალისწინებს მუშაობას ხონის მუნიციპალიტეტის ორ სოფელში, ნახახულევსა და მათხოჯში - მოსწავლეების ინფორმირებულობის დონის ამაღლება, უნარ-ჩვევების ჩამოყალიბება კონფლიქტის მოგვარების კუთხით და ჩართვა ბულინგის პრევენციაში.
თებერვალში ჩატარდა საინფორმაციო შეხვედრები სოფლების რწმუნებულებთან და სკოლების დირექტორებთან.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ასერტულობის თემაზე გაიმართა ფსიქოლოგიური ჯგუფური საინფორმაციო-საკონსულტაციო შეხვედრა 10 ქალთან წყალტუბოს ერთ-ერთ კოლექტიურ ცენტრში. ეს არის თემა ეფექტური ურთიერთობისა, რომელიც გამორიცხავს აგრესიას, ძალდატანებას. ეს არის პარტნიორული, თანაბარი დამოკიდებულება ერთმანეთთან. მონაწილეები გაეცნენ ასერტული ურთიერთობების წესებს, იმუშავეს ასერტული ქცევის ბარათზე. ეს საჭირო თემა იყო მათთვის, რაც აღნიშნეს კიდეც უკუკავშირის დროს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
„ცოდნით - ძალადობის წინააღმდეგ“ - ასე ჰქვია მინი-პროექტს, რომელიც წყალტუბოს ქალთა მხარდაჭერის ცენტრმა განახორციელა.
პროექტის მიხედვით, საინფორმაციო შეხვედრები ჩატარდა წყალტუბოს მუნიციპალიტეტის თვითმმართველ ერთეულებში და ადგილობრივი თვითმმართველობის წარმომადგენლებთან. შეხვედრების თემა იყო ადგილობრივი თვითმმართველობის როლის გაზრდა ძალადობის პრევენციის და მსხვერპლთა დაცვის კუთხით. შეკრებილებმა ასევე მიიღეს ინფორმაცია ფონდი „სოხუმის“ და მისი ერთ-ერთი რგოლის - წყალტუბოს ქალთა მხარდაჭერის ცენტრის საქმიანობის შესახებ. დაურიგდათ საინფორმაციო მასალები.
5 დეკემბერს კი წყალტუბოს მერიის სააქტო დარბაზში თვითმმართველობის წარმომადგენლებისთვის ჩატარდა დასკვნითი ტრენინგი ძალადობის პრევენციის საკითხებზე. მონაწილეებმა შეიმუშავეს რეკომენდაციები, რომელთაც უახლოეს მომავალში განახორციელებენ სხვადასხვა სოფელში. ტრენინგის შესახებ მომზადდა და ტელეკომპანია ,,რიონის“ ეთერით გადაიცა ტელესიუჟეტი.
პროექტი ხორციელდება ორგანიზაცია Brot für die Welt –
Evangelischer Entwicklunsdienst მხარდაჭერით (გერმანია)