„კონფლიქტების ადრეული გაფრთხილება, გენდერზე ორიენტირებული სისტემით“ - რატომ შეირჩა მაინცდამაინც ეს მიმართულება, რა იყო მთავარი მიზანი, რა მოგცათ პროექტმა, შვედეთის ქალთა ფონდთან Kvinna till Kvinna-სთან ურთიერთობამ, რა არის საქმიანობის ძირითადი მიღწევა, რამდენად ეფექტური იყო მუშაობა პარალელურად აფხაზ პარტნიორებთან, რა იყო ყველაზე მთავარი სირთულე მუშაობის პროცესში, რა მიმართულებით გააგრძელებდით მუშაობას.
ამ საკითხებზე გაიმართა საუბარი შეფასებით ვორკშოპზე, რომელიც დონორი ორგანიზაციის ინიციატივით გაიმართა ონლაიფორმატით 14-15 დეკემბერს. პირველ დღეს ქართულმა და აფხაზურმა ჯგუფებმა ცალ-ცალკე შეაფასეს თავიანთი მუშაობა, მეორე დღეს კი ჩატარდა გაერთიანებული შეხვედრა, მოხდა ინფორმაციების გაცვლა, შეფასდა მიღწეული და გაკეთდა აქცენტი სამომავლო პერსპექტივებზე.
ფონდი „სოხუმის“ ქალთა საინიციატივო ჯგუფები აქტიურად მუშაობენ იმ პრობლემებზე, რომლებიც აქტუალურია აფხაზეთის კონფლიქტის გამყოფი ხაზის სოფლებში. კოვიდპანდემიის პირობებში ახალი პრობლემებიც გაჩნდა, მათ შორის ზოგი ინდივიდუალურია, ზოგიც - საერთო. აქტივისტი ქალებმა მსჯელობენ, აანალიზებენ, როგორ უნდა მოგვარდეს ეს პრობლემები, როგორ გაგრძელდეს ადვოკატირების პროცესი. საინიციატივო ჯგუფების მუშაობა თვითმმართველობებთან თანამშრომლობით გრძელდება პრობლემათა საბოლოო მოგვარებამდე.
ქალთა საინიციატივო ჯგუფები კონფლიქტის გამყოფ ხაზთან მდებარე სოფლებში აგრძელებენ შეხვედრებს და მსჯელობენ თემში არსებულ პრობლემებზე, რომლებიც კოვიდპანდემიამ განსაკუთრებით გაამძაფრა.
პანდემიის შიში, ფსიქოლოგიური საჭიროებები, სამუშაოს დაკარგვა, მედიკამენტებზე ხელმიუწვდომლობა, უტრანსპორტობა და გადაადგილების შეზღუდვა - ეს იმ პრიორიტეტულ პრობლემათა ჩამონათვალია, რომლებიც ქალთა საინიციატივო ჯგუფების ადვოკატირების გეგმაში გაიწერა. ადვოკატირება ადგილობრივ თვითმმართველობებთან ერთად გაგრძელდება.
ფონდი „სოხუმის“ ინიციატივით ტრენინგი ჩატარდა თემაზე „კონფლიქტების ადრეული გაფრთხილების გენდერულად ორიენტირებული სისტემა“. ტრენინგში მონაწილეობდნენ ქუთაისის, წყალტუბოს, ზუგდიდის, წალენჯიხის ადგილობრივი თვითმმართველობების წარმომადგენლები, გენდერული საბჭოს წევრები, ჟურნალისტები, ფონდი „სოხუმის“ ქალთა საინიციატივო ჯგუფის წევრები, სხვადასხვა თემის ლიდერი ქალები.
მონაწილეებმა მოისმინეს ინფორმაციები, რას გულისხმობს და რამდენად მნიშვნელოვანია კონფლიქტების ადრეული გაფრთხილების სისტემის დანერგვა თვითმმართველობებში.
- რომელი პრობლემებია თემში განსაკუთრებით აქტუალური, როგორ უნდა მოხდეს ამ პრობლემებზე რეაგირება, ვის რა პასუხისმგებლობა აკისრია ადვოკატირების პროცესში - ამ საკითხებზე პრაქტიკული მუშაობა სხვადასხვა ჯგუფში გაგრძელდა.
მონაწილეთა შეფასებით, ტრენინგმა შექმნა შესაძლებლობა, რომ თვითმმართველობის წარმომადგენლებსა და თემის აქტივისტებს ერთობლივად ემსჯელათ პრობლემათა მოგვარების გზებზე.
დასრულდა ფონდი „სოხუმის“ სწრაფი მოკვლევა თემაზე „პოსტ-Covid ვირუსით გამოწვეულ პრობლემებზე რეაგირება და გენდერული საჭიროებების გათვალისწინების ხარისხის შესწავლა“.
გამოკითხვა ჩატარდა 11 სამიზნე მუნიციპალიტეტში, ანკეტირების პროცესში 580-მა ადამიანმა მიიღო მონაწილეობა. ფოკუს-ჯგუფის მეთოდებით გამოიკითხა 52 ადამიანი. გამოკითხვაში ჩართულნი იყვნენ აფხაზეთში, გალის ტერიტორიაზე მცხოვრები ბენეფიციარებიც.
გამოკითხვის ანალიზით გამოიკვეთება, რა გავლენა იქონია კოვიდ-პანდემიამ ქალებზე, როგორ შეცვალა მათი ცხოვრება, რა გამოწვევები შეუქმნა და რა სახის მხარდაჭერა სჭირდებათ მათ.
„პოსტ-Covid ვირუსით გამოწვეულ პრობლემებზე რეაგირება და გენდერული საჭიროებების გათვალისწინების ხარისხის შესწავლა“ - ამ საკითხზე ფონდი „სოხუმი“ სწრაფ მოკვლევას ატარებს.
სამიზნე მუნიციპალიტეტებში ანკეტირებისა და ფოკუს-ჯგუფის მეთოდებით უკვე გამოიკითხა ხუთასამდე ადამიანი. ბენეფიციარებს შორის არიან აფხაზეთში მცხოვრები ადამიანებიც. გამოკითხვის პროცესი ოქტომბრის ბოლოს დასრულდება, მიღებული მონაცემების საფუძველზე მომზადდება ანალიზი, რაც შესაძლებლობას მოგვცემს, კოვიდ პანდემიით გამოწვეული პრობლემები და საჭიროებები გენდერული ჭრილით განისაზღვროს.
სექტემბრიდან ფონდი „სოხუმის“ ჯგუფი მოკვლევას იწყებს საკითხზე: „პოსტ-Covid ვირუსით გამოწვეულ პრობლემებზე რეაგირება და გენდერული საჭიროებების გათვალისწინების ხარისხის შესწავლა“. პროცესში ჩართული იქნება ფონდი „სოხუმის“ სამიზნე ლოკაციები, 11 მუნიციპალიტეტი: ქუთაისი, წყალტუბო, თერჯოლა, ხონი, სენაკი, ფოთი, ქობულეთი, ლანჩხუთი, ოზურგეთი, ზუგდიდი, წალენჯიხა. მათ შორის - კონფლიქტის გამყოფი ხაზის სოფლები, როგორც ქართულ, ისე აფხაზურ მხარეს.
სწრაფის მოკვლევის მეთოდებად გამოყენებული იქნება ანკეტური გამოკითხვა და ფოკუს-ჯგუფის ფორმატი. მოკვლევაში ჩართულ პირებთან ონლაინ შეხვედრა უკვე გაიმართა, მონაწილეებმა მიიღეს კონსულტაციები, რომ ყველაფერი სათანადო რეგულაციების გათვალისწინებით ჩატარდეს.
ფონდი „სოხუმის“ ქალთა საინიციატივო ჯგუფები აქტიურად მუშაობენ თემში არსებული პრობლემების ადვოკატირების კუთხით. მოსახლეობასთან შეხვედრების დროს იკვეთება თემის საჭიროებები და იწყება მოქმედება განსაკუთრებით აქტუალური პრობლემების მოსაგვარებლად.
ფონდი „სოხუმის“ მოდერატორმა შეხვედრები გამართა ფახულანისა და წყოუშის თემებში (წალენჯიხის მუნიციპალიტეტი) - მოსახლეობა აქტიურად ჩაერთო პრობლემათა იდენტიფიცირების და ადვოკატირების პროცესში.
- რომელი პრობლემებია მოსახლეობისთვის აქტუალური, რამდენად არის შესაძლებელი მათი მოგვარება ადგილობრივ დონეზე, რა მნიშვნელობა აქვს და რა შედეგებს იძლევა მოქალაქეთა ჩართულობა - ამ საკითხებზე გაიმართა მსჯელობა ხურჩაში (ზუგდიდის მუნიციპალიტეტი) გამართული შეხვედრის დროს.
მოსახლეობის განწყობა ასეთია: უნდა ვისაუბროთ იმ პრობლემებზე, რომლებიც გვაწუხებს, უნდა მივიქციოთ იმათი ყურადღება, ვისაც ხელეწიფება პრობლემების მოგვარება. მოსახლეობის ჩართულობა, აქტიურობა ყოველთვის იძლევა დადებით შედეგებს.