ფონდი „სოხუმის“ ქალთა საინიციატივო ჯგუფები მსჯელობენ იმ პრობლემებზე, რომლებიც მათ თემებში არღვევს ნორმალური ცხოვრების წესს და ქმნის კონფლიქტურ სიტუაციებს. ფოკუსირება კეთდება პრიორიტეტულ პრობლემებზე. ჩამონათვალში გრძელვადიანი პრობლემებიც მოხვდა. ორსანტიის თემში გამართული შეხვედრის მონაწილეების აზრით, არ არის აუცილებელი, დაელოდონ „ზევით“ მიღებულ გადაწყვეტილებებს, მათი აქტიურობა დააჩქარებს ადვოკატირების პროცესს ადგილობრივ დონეზე და ხელს შეუწყობს პრობლემების მოგვარებას.
- როგორ გადავჭრათ მოსახლეობისთვის აქტუალური პრობლემები, როგორი იქნება ადგილობრივი თვითმმართველობის როლი მათ მოგვარებაში - ამ საკითხებზე იმსჯელეს ქალთა საინიციატივო ჯგუფის წევრებმა. ფახულანისა და წყოუშის (წალენჯიხის მუნიციპალიტეტი) თემის აქტივისტებს განსაკუთრებით პრიორიტეტულად მიაჩნიათ უწყლობა, ტრანსპორტის არარსებობა. მათ ადვოკატირების მექანიზმებიც განიხილეს. ადვოკატირების გეგმის მიხედვით, მომდევნო შეხვედრები თვითმმართველობის წარმომადგენლებთან გაიმართება. საინიციატივო ჯგუფი მიიჩნევს, რომ მათი ჩართვა პრობლემების მოგვარებას მნიშვნელოვნად დააჩქარებს.
ფონდი „სოხუმის“ ქალთა საინიციატივო ჯგუფები აქტიურად აგრძელებენ მუშაობას თემებში იდენტიფიცირებული პრობლემების მოსაგვარებლად.
სოფელ ხურჩაში (ზუგდიდის მუნიციპალიტეტი) ადვოკატირებისთვის შეირჩა გაუმართავი მუნიციპალური ტრანსპორტის საკითხი, რომელიც ხშირად ფუჭდება, ვერ აღწევს დანიშნულ ადგილამდე და მოსახლეობის, განსაკუთრებით ქალების, ჯანმრთელობის უსაფრთხოებას რისკის ქვეშ აყენებს. აქტივისტმა ქალებმა უკვე შეიმუშავეს ადვოკატირების სამოქმედო გეგმა. პრობლემის ადვოკატირების პროცესში ადგილობრივი თვითმმართველობა აქტიურად იქნება ჩართული. პრობლემის მოგვარება ხელს შეუწყობს კონფლიქტის გამომწვევი რისკების შემცირებას.
მოუგვარებელი სოციალური და ინფრასტრუქტურული პრობლემები არღვევს ადამიანური უსაფრთხოების ნორმებს, რაც ქალთა მდგომარეობას განსაკუთრებით ართულებს. სოფელ კახათში (ზუგდიდის მუნიციპალიტეტი) ქალთა საინიციატივო ჯგუფმა სანიაღვრე სისტემის არარსებობაზე გააკეთეს აქცენტი, რადგან წვიმიან ამინდში ეზოების დიდი ნაწილი იტბორება. პრიორიტეტულ პრობლემებს შორის აღმოჩნდა დევნილთა განსახლების საკითხი, რადგან კახათის დევნილთა ჩასახლებაში ქალები და ბავშვები მძიმე სოციალურ პირებებში ცხოვრობენ.
პრობლემის იდენტიფიცირების კვალდაკვალ ქალთა საინიციატივო ჯგუფები ადვოკატირების კამპანიას იწყებენ პრობლემათა მოსაგვარებლად. სამოქმედო გეგმის თანახმად, ინფორმაციის შეგროვებისა და გაცვლის მიზნით ფონდი „სოხუმის“ მოდერატორები სოფელ ფახულანსა (წალენჯიხის მუნიციპალიტეტი) და კახათში (ზუგდიდის მუნიციპალიტეტი) შეხვდნენ მერის წარმომადგენლებს სოფლებში, საკრებულოს მაჟორიტარ დეპუტატებს. შეხვედრებზე ერთობლივად ეძებენ გზებს თემებში არსებული პრობლემების მოსაგვარებლად.
ფონდი „სოხუმის“ ქალთა საინიციატივო ჯგუფმა სოფელ ფახულანის (წალენჯიხის მუნიციპალიტეტი) თემის წევრებთან ონლაინ საინფორმაციო შეხვედრა გამართა. მონაწილეებმა იმსჯელეს იმ პრობლემებზე, რომელთა ადვოკატირებაც მოსახლეობისთვის პრიორიტეტულია. სამოქმედო გეგმის მიხედვით, საინიციატივო ჯგუფი ადგილობრივ თვითმმართველობასთან თანამშრომლობით გააგრძელებს პრობლემის ადვოკატირებას. აქტივისტი ქალები მზად არიან, ამ პროცესში აქტიურად ჩაერთონ.
პრობლემები, რომელთა ადვოკატირება შესაძლებელია ადგილობრივ დონეზე - ამ საკითხებზე იმსჯელეს ქალებმა ქალთა საინიციატივო ჯგუფის მიერ ორგანიზებულ შეხვედრაზე. მასში სოფელ ორსანტიის (ზუგდიდის მუნიციპალიტეტი) წარმომადგენლები მონაწილეობდნენ. პროექტის მოდერატორი კი ონლაინ ჩაერთო.
მონაწილეების აზრით, სამოქალაქო საზოგადოება უფრო უნდა გააქტიურდეს, რათა თემში არსებული პრობლემები ადგილობრივი თვითმმართველობის წინაშე დაისვას და შესაძლებელი გახდეს მათი ადვოკატირება და მოგვარება.
მიწის რეგისტრაციის საკითხი და მასთან დაკავშირებული ფასები, სამუშაო ადგილების დაკარგვით გამოწვეული ინდივიდუალური პრობლემები, გალის ტერიტორიაზე დარჩენილი ახლობლების საკითხი, რომლებიც დღემდე ვერ ახერხებენ პენსიის აღებას - ამ და სხვა საკითხებზე ემოციურად იმსჯელეს ონლაინ შეხვედრაზე სოფელ შამგონაში (ზუგდიდის მუნიციპალიტეტი) მცხოვრებმა ქალებმა. ისინი ამ პრობლემების ადვოკატირებას ცდილობენ.
სოფელ ხურჩაში (ზუგდიდის მუნიციპალიტეტი) ქალთა საინიციატივო ჯგუფის აქტიურობით არაერთი პრობლემა მოგვარდა. კორონოვირუსის პანდემიის შემდეგ გაჩნდა ახალი პრობლემები, რომლებიც მოსახლეობას დისკომფორტს უქმნის.
ონლაინ საინფორმაციო შეხვედრაზე მონაწილეებმა ინდივიდუალური და კოლექტიური პრობლემები განიხილეს და მათი მოგვარების საშუალებებზე იმსჯელეს. საინიციატივო ჯგუფი ადგილობრივ თვითმმართველობასთან თანამშრომლობით შეეცდება ამ პრობლემების ადვოკატირებას.
სოფელ კახათის (ზუგდიდის მუნიციპალიტეტი) აქტივისტმა ქალებმა ონლაინ ჩართვის დროს იმსჯელეს ადვოკატირების გეგმაზე, რომელიც პრიორიტეტული პრობლემების მოგვარებას გულისხმობს.
- ჩვენ, ქალებიც, ძალიან ინერტულები გავხდით, სულ ველოდებით, რომ ვიღაც მოგვიგვარებს პრობლემას. თითოეული ჩვენგანის აქტიურობაა საჭირო, რათა ჩვენი ხმა მივაწვდინოთ ხელისუფლებას, - აღნიშნეს მონაწილეებმა.
ქალთა საინიციატივო ჯგუფმა უკვე დაიწყო ადვოკატირების პროცესი, რომელშიც თემის აქტივისტებიც არიან ჩართულნი.