სტარტი აიღო ახალმა პროექტმა, რომელიც ვიშეგრადის ფონდის მხარდაჭერით ხორციელდება. ამის შესახებ ფონდი „სოხუმის“ წარმომადგენლებმა პირდაპირ ეთერში ინფორმაცია გაუზიარეს დასავლეთ საქართველოში მცხოვრებ მაყურებელს: პირველი შეხვედრის შთაბეჭდილებები, პროექტის ყველა პარტნიორთან ერთად სასწავლო კურსი პრაღაში (ჩეხეთი), 9 ექსპერტის გამოცდილება თავიანთ ქვეყნებში ადგილობრივ დონეზე გენდერული მეინსტრიმინგის კუთხით, ერთ-ერთ მუნიციპალიტეტში - პრაღა 10-ში სტუმრობა და მისი საქმიანობის გაცნობა.
პროექტი ხორციელდება ვიშეგრადის ფონდის მხარდაჭერით
{youtube}mRmnlEfsrxI{/youtube}
ტელეკომპანია „რიონის“ სიუჟეტი გვიჩვენებს სკოლამდელ ასაკში აღზრდისას გენდერული მიდგომების აუცილებლობას.
ეს არის მოთხრობა საბავშვო ბაღის ერთადერთ ხელმძღვანელ მამაკაცზე - ზაალ ხონელიძეზე, რაც გამონაკლისია ჩვენს კულტურაში.
პერსონალი აღიარებს, რომ იყო სკეპტიკური დამოკიდებულება ახალი უფროსის მიმართ, მაგრამ მან მალე მოიპოვა კოლექტივის პატივისცემა და აღსაზრდელთა სიყვარული.
„კარგი მენეჯერი, კარგი მასწავლებელი, განათლებული ხელმძღვანელი“ - ასე ამბობენ მასზე კოლეგები და მშობლები (ზაალი ინტელექტუალური კლუბის „ვინ, სად, როდის“ მონაწილეა).
„სასიამოვნო, მაგრამ ძალიან საპასუხისმგებლო“, - ასე ახასიათებს სამუშაოს თავის სფეროში ერთადერთი მამაკაცი - ქუთაისის პირველი საბავშვო ბაღის ხელმძღვანელი.
ქუთაისის, წყალტუბოს, ხონის, სენაკის, ფოთის და კოკი/ხურჩის (ზუგდიდის მუნიციპალიტეტი) ქალთა მხარდაჭერის ცენტრების საქმიანობის შედეგები, მიღწევები, ინიციატივები, გავლენა ქალებზე - სწორედ ეს არის შეკრებილი როგით მეექვსეელექტრონულ ბიულეტენში, რომელიც მომზადდა პროექტის „ქალთა უფლებების გაძლიერება დასავლეთ საქართველოში“ ფარგლებში.
ბიულეტენში აღნიშნულია, რომ ივნისში გაიმართა 78 აქტივობა 951 ადამიანის მონაწილეობით.
ტელეკომპანია „რიონმა“ მოამზადა და ეთერში გაუშვა სიუჟეტი, რომელიც ეხებოდა ფონდი „სოხუმის“ პროექტს „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“ - შეხვედრებს იმერეთის თორმეტივე მუნიციპალიტეტის წარმომადგენლებთან ინფორმაციის და გამოცდილების გაცვლის მიზნით.
სიუჟეტში ფონდი „სოხუმის“ წარმომადგენელმა მაყურებელს გააცნო პროექტის მიზნები და ამოცანები, მისი მნიშვნელობა ადგილობრივ დონეზე გენდერული პოლიტიკის დამკვიდრებისათვის. შეეხო მუნიციპალური გენდერული თანასწორობის საბჭოების როლს და სამოქალაქო ჩართულობას, როგორც გენდერული თანასწორობის მიღწევის ეფექტურ იარაღს.
საერთაშორისო ორგანიზაცია PIN-ის (ადამიანი გაჭირვებაში) წარმომადგენელმა ისაუბრა 4 პარტნიორ ორგანიზაციასთან, მათ შორის ფონდ „სოხუმთან“ ერთად თვითმმართველობებთან თანამშრომლობით განხორციელებულ სოციალურ პროექტებზე. მაყურებელმა მიიღო ინფორმაცია „სამოქალაქო ბიუჯეტის“ პროექტებზე საქართველოს რამდენიმე მუნიციპალიტეტში, რაც ევროპაში, მათ შორის ჩეხეთში არსებული პრაქტიკის დანერგვაა და ხელს უწყობს რეალური თვითმმართველობის განხორციელებას.
როგორია ქალთა მონაწილეობა წარმომადგენლობით ორგანოებში, ჰყავს თუ არა სახელისუფლებო წრეებში მხარდამჭერები არასამთავრობოთა ინიციატივას - კანონმდებლობის დონეზე მოხდეს გენდერული კვოტირების განსაზღვრა - საკითხისადმი თავისი დამოკიდებულება დააფიქსირეს ფონდი „სოხუმის“, ქუთაისის გენდერული საკონსულტაციო საბჭოს წარმომადგენლებმა.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ტელეკომპანია „ეგრისის“ ეთერში გავიდა სენაკის გენდერული საკონსულტაციო საბჭოს საქმიანობის შემაჯამებელი გადაცემა.
გადაცემის პირველი ნაწილი ეხებოდა სენაკის გენდერული საკონსულტაციო საბჭოს მიერ სენაკში ჩატარებულ კონფერენციას. აღნიშნულთან დაკავშირებით ცალკე მომზადდა სპეციალური სიუჟეტი.
გადაცემის მეორე ნაწილში საუბარი იყო საბჭოს სამწლიანი საქმიანობის რეზულტატებზე, რამაც თვალსაჩინო გახადა გენდერული მიდგომების აუცილებლობა მუნიციპალიტეტის განვითარებისთვის.
გადაცემის დასასრულს გამოითქვა იმედი, რომ გენდერული საკონსულტაციო საბჭო კვლავაც გააგრძელებს თავის საქმიანობას, როგორც ახალი ინსტიტუციური მექანიზმი.