ტყიბულის მუნიციპალიტეტში ფონდი „სოხუმის“ თანამშრომლები ადგილობრივ სამედიცინო პერსონალს შეხვდნენ. შეხვედრის ინიციატორი იყო ტყიბულის გენდერული თანასწორობის საბჭო, რომელიც ცდილობს ეფექტიანი გენდერული პოლიტიკის დანერგვას და ამიტომაც პროდუქტიულად თანამშრომლობს ფონდ „სოხუმთან“.
შეხვედრაზე გამოიკვეთა მედიცინის მუშაკების მაღალი მოტივაცია ქალთა მიმართ/ოჯახში ძალადობის შემთხვევების იდენტიფიცირების და ადგილობრივ მულტიდისციპლინარულ თანამშრომლობაში მეტი მონაწილეობის კუთხით.