ქალთა საინიციატივო ჯგუფები (114)
ქალთა საინიციატივო ჯგუფი – ქალთა ჯგუფი, რომელიც შეიქმნა 2016 წელს. მისი მიზანია: ადამიანურ უსაფრთხოებასთან დაკავშირებული კრიზისებისა და კონფლიქტური სიტუაციების პრევენცია, ადგილობრივი სოციალური პრობლემების ადვოკატირება და მოგვარება. ჯგუფები ჩამოყალიბდა ხონში, ქუთაისში, წყალტუბოში, ხურჩაში (ზუგდიდის მუნიციპალიტეტი).
ქუთაისის ქალთა საინიციატივო ჯგუფის წევრებმა პრობლემათა ადვოკატირების მორიგი გეგმა შეადგინეს. პრობლემა უდედმამო ბავშვების საცხოვრებლით უზრუნველყოფას ეხება. საკითხის ადგილობრივ დონეზე მოგვარება შეუძლებელია, ამიტომ ჯგუფი საკითხის დასმას ცენტრალურ დონეზეც ფიქრობს. შეხვედრაზევე სატელეფონო კონსულტაციები მოისმინეს იურისტებისგან, კონკრეტულ საკითხებთან დაკავშირებით
საინიციატივო ჯგუფის წევრებმა გრძელვადიანი პრობლემის ადვოკატირების გეგმასაც გადახედეს და გარკვეული ცვლილებები შეიტანეს.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ფონდი „სოხუმის“ წყალტუბოს ქალთა სინიციატივო ჯგუფი შემაჯამებელი შეხვედრისთვის ემზადება. ჯგუფის წევრებმა მრგვალი მაგიდის საორგანიზაციო საქმეებზე იმსჯელეს და ფუნქციები გაინაწილეს. შეხვედრაზე ადამიანური უსაფრთხოების ინკლუზიურ მიდგომებზე იქნება საუბარი და იმ ადამიანებს მოიწვევენ, რომლებიც პროექტის აქტივობებში იყვნენ ჩართულნი.
საინიციატივო ჯგუფმა შეხვედრაზე ცხუნკურის საბავშვო ბაღის გახსნის საკითხის ადვოკატირებაზე ისაუბრა. პრობლემის ადვოკატირება წლის დასაწყისში დაიწყო და ოქტომბრის ბოლოს დასრულდება.
პარალელურად ჯგუფის წევრები სხვადასხვა სოციალურ პრობლემაზეც მუშაობენ.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ქუთაისში, ფონდი „სოხუმის“ ოფისში გაიმართა მრგვალი მაგიდა თემაზე „ადამიანური უსაფრთხოების ინკლუზიური მიდგომები“.
შეხვედრას ესწრებოდნენ სამოქალაქო აქტივისტები, არასამთავრობო ორგანიზაციების და ადგილობრივი სამთავრობო სტრუქტურების წარმომადგენლები, ქუთაისის, ხონის და წყალტუბოს ქალთა საინიციატივო ჯგუფების მოდერატორები.
შეხვედრის პირველ ნაწილში მონაწილეებმა ერთგვარი ანგარიში მოისმინეს: როგორ იმუშავეს ქალთა საინიციატივო ჯგუფებმა პრობლემათა ადვოკატირების თვალსაზრისით, როგორ წარიმართა თანამშრომლობა ადგილობრივ სახელისუფლებო სტრუქტურებთან.
შეხვედრაზე გაჟღერდა, რომ სოციალური პრობლემების ადვოკატირებით მოხერხდა უსაფრთხოების ხარისხის ამაღლება საზოგადოების სხვადასხვა ჯგუფში, რაც ამ პროცესში ადგილობრივი სტრუქტურების აქტიური ჩართულობით იქნა მიღწეული.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ქალთა საინიციატივო ჯგუფები აქტიურად მუშაობენ პრობლემათა ადვოკატირების მიზნით. ქუთაისში საინიციატივო ჯგუფის ინიციატივით გუგუნავას ქუჩაზე მცხოვრებ დასახლებას ქუთაისის მერიამ უკვე გამოუყო სანაგვე ურნა, რადგან აღნიშნულ მონაკვეთში მოსახლეობა თვითნებურად ჰქონდა მოწყობილი ნაგავსაყრელი, რაც საფრთხეს უქმნიდა მათ ჯანმრთელობას. წყალტუბოში საინიციატივო ჯგუფმა იმუშავა საკითხზე, რომელიც უპატრონო მიცვალებულისთვის დაკრძალვისთვის საჭირო თანხების გამოყოფას შეეხებოდა.
ხონში თავისუფლების მოედანზე ადგილობრივი მუნიციპალიტეტის მიერ ბინების ფასადების კოსმეტიკური რემონტი გაკეთდა. ამ პროცესში საინიციატივო ჯგუფი აქტიურად იყო ჩართული, რამდენიმე წერილი იქნა გაგზავნილი შესაბამის სამსახურში, მოეწყო შეხვედრები პრობლემის მოგვარებასთან დაკავშირებით.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ხონის ქალთა საინიციატივო ჯგუფის წევრებმა იმსჯელეს, რა მიღწევები აქვთ პრობლემათა ადვოკატირების და ადგილობრივ ხელისუფლებასთან თანამშრომლობის კუთხით. მონაწილეებმა გამგეობიდან მიღებული წერილების ანალიზის შემდეგ მიმდინარე პრობლემის ადვოკატირების გეგმას გადახედეს.
ჯგუფის მოდერატორმა ანგარიში წარმოადგინა, როგორ მუშაობს საინიციატივო ჯგუფის პროექტის ფარგლებში შექმნილი ახალგაზრდული კლუბი „გენდერული სათვალე“. მათი მოსაზრებით, მსგავსი ფორმატი ხონელი მოზარდებისთვის ახალია და შესაბამისად შეხვედრები საინტერესოდ მიდის.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ქუთაისში ქალთა საინიციატივო ჯგუფის წევრები გაეცნენ ჩატარებული მუშაობის მონიტორინგის შედეგებს, რაც გასული თვეს განხორციელდა. შედეგებიდან გამომდინარე, სამოქმედო გეგმაში ცვლილები იქნა შეტანილი, რომელიც ძირითადად გრძელვადიან პრობლემებს შეეხო.
ჯგუფის მოდერატორის ანგარიშში კარგად გამოჩნდა ადვოკატირებული და მიმდინარე პრობლემების რაოდენობა, თანამშრომლობა ადგილობრივ ხელისუფლებასთან.
შეხვედრაზე ისაუბრეს მრგვალ მაგიდაზე, რომელიც სექტემბერში გაიმართება. მრგვალი მაგიდა შეაჯამებს ჩატარებულ მუშაობას - საინიციატივო ჯგუფის წევრები საზოგადოებას გააცნობენ, რა გაკეთდა და რა იგეგმება ადამიანური უსაფრთხოების ხარისხის გასაუმჯობესებლად ქუთაისში.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ქალთა საინიციატივო ჯგუფის შეხვედრები გრძელდება. გასული თვის მონიტორინგმა კარგად წარმოაჩინა გამოწვევები, რომლებიც გრძელვადიანი პრობლემების ადვოკატირებას ახლავს.
წყალტუბოს ჯგუფის წევრების აზრით, მოახლოებული ადგილობრივი თვითმმართველობის არჩევნები შესაფერისი დროა სოციალური პრობლემების მოსაგვარებლად, რასაც ეფექტურად გამოიყენებენ.
თანამშრომლობა ადგილობრივი თვითმმართველობის წარმომადგენლებთან, დეპუტატობის კანდიდატებთან, შეხვედრები მოსახლეობასთან - ამ მიმართულებით მუშაობა აქტიურად გრძელდება. წყალტუბოს ქალთა საინიციატივო ჯგუფის წევრები სწორედ ამ გზით აპირებენ ადამიანური უსაფრთხოების გაუმჯობესებას.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
შიდა მონიტორინგმა აჩვენა, რომ ქუთაისში ქალთა საინიციატივო ჯგუფის ორგანიზებით იანვრიდან დღემდე 5 სხვადასხვა ტიპის პრობლემათა ადვოკატირება მოხერხდა.
დადებითად გადაჭრილი პრობლემები ადამიანური უსაფრთხოების საკითხების ხარისხის ამაღლებას გულისხმობს. ადვოკატირების პროცესში აქტიურ რეჟიმში მიმდინარეობდა თანამშრომლობა ადგილობრივ ხელისუფლებასთან.
საინიციატივო ჯგუფმა მოახერხა ასევე სხვადასხვა თემში მცხოვრებ მოქალაქეთა გაქტიურება, მათი ჩართვა ადვოკატირების პროცესში. მონიტორინგმა აჩვენა ასევე, რომ გრძელვადიანი პრობლემების მოგვარება გადასულია მომდევნო ეტაპზეა და პროცესს საინიციატივო ჯგუფის წევრები მუდმივად აკონტროლებენ.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
რა გაკეთდა, რისი მიღწევა მოხერხდა, რა ეტაპზეა გრძელვადიანი პრობლემები, რომელთა ადვოკატირება უკვე დაწყებულია - ამ მიზნით წყალტუბოში საინიციატივო ჯგუფის მუშაობის მონიტორინგი ჩატარდა.
იანვრიდან დღემდე წყალტუბოს საინიციატივო ჯგუფმა 5 პრობლემის ადვოკატირება შეძლო. მონიტორინგმა აჩვენა, რომ ადგილობრივ ხელისუფლებასთან თანამშრომლობა აქტიურად მიმდინარეობს, რაც ადვოკატირების პროცესში სხვადასხვა სტრუქტურის ჩართულობით გამოიხატება.
პრობლემები სხვადასხვა სფეროს ეხება, მათ შორისაა ინფრასტრუქტურული, სოციალური და ინდივიდუალური საკითხები, რომელთა მოგვარებაც ხელს შეუწყობს ადამიანური უსაფრთხოების ხარისხის გაუმჯობესებას.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
წლის დასაწყისში დაგეგმილი ინიციატივები, რომლებიც ადამიანური უსაფრთხოების ხარისხის გაუმჯობესებას გულისხმობდა, ხონის ქალთა საინიციატივო ჯგუფმა წარმატებით განახორციელა. მონიტორინგმა აჩვენა, რომ ადგილობრივ ხელისუფლებასთან თანამშრომლობით 4 პრობლემის ადვოკატირება უკვე გახდა შესაძლებელი.
ამ ეტაპზე ხონის მუნიციპალიტეტის გამგეობაში აქტიურად განიხილება ჯგუფის მიერ დასმული ინიციატივა - ქალაქის მიმდებარე ტერიტორიაზე ახალი სკვერის გაშენება. გამგეობიდან მიღებული პასუხის თანახმად, მომდევნო წლის ბიუჯეტში შესაძლებელია საჭირო თანხების გათვალისწინება. ჯგუფის წევრები აქტიურად არიან ჩართული პროცესის ადვოკატირებაში და გრძელვადიანი პრობლემის დასრულებას გააკონტროლებენ.
შიდა მონიტორინგის შედეგად იკვეთება, რომ გაიზარდა საინიციატივო ჯგუფის იმიჯი, რაც გამოიხატება მოქალაქეთა მომართვიანობის გაზრდით.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)