ქალთა საინიციატივო ჯგუფები (114)
ქალთა საინიციატივო ჯგუფი – ქალთა ჯგუფი, რომელიც შეიქმნა 2016 წელს. მისი მიზანია: ადამიანურ უსაფრთხოებასთან დაკავშირებული კრიზისებისა და კონფლიქტური სიტუაციების პრევენცია, ადგილობრივი სოციალური პრობლემების ადვოკატირება და მოგვარება. ჯგუფები ჩამოყალიბდა ხონში, ქუთაისში, წყალტუბოში, ხურჩაში (ზუგდიდის მუნიციპალიტეტი).
ანკეტირებით მიღებული მონაცემებით მოხდა კონფლიქტური სიტუაციების იდენტიფიცირება. იდენტიფიცირებული პრობლემებიდან სამი კრიზისული სიტუაცია შეირჩა და ანალიზი გაკეთდა კონფლიქტურ მგრძნობელობაზე.
კონფლიქტების ანალიზი საშუალებას იძლევა გაირკვეს, რა არის კონფლიქტის ობიექტი, ვინ არიან დაპირისპირებული მხარეები, რა ინტერესები გააჩნიათ, რა ფაქტორებმა შეიძლება გამოიწვიოს კონფლიქტის განვითარება და, რეალობიდან გამომდინარე, რა ალტერნატიული ვერსიები არსებობს პრობლემის დასაძლევად.
კონფლიქტური სიტუაციების ანალიზი ქუთაისის, წყალტუბოს, ზუგდიდის ქალთა საინიციატივო ჯგუფებს შესაძლებლობას მისცემს, ადვოკატირების გეგმა შეადგინონ და ეფექტურად იმუშაონ კონფლიქტების ადრეულ პრევენციაზე.
კონფლიქტური და კრიზისული სიტუაციების იდენტიფიცირების მიზნით ქალთა საინიციატივო ჯგუფებმა ანკეტირება ჩაატარეს ქუთაისში, წყალტუბოსა და ზუგდიდის მუნიციპალიტეტის ორ სოფელში: ხურჩასა და კოკში.
სულ გამოიკითხა 18-დან 68 წლამდე ასაკის 90 ბენეფიციარი ქალი. ანკეტირებით გამოიკვეთა, რომ მათ თემებში განსაკუთრებით აქტუალურია სოციალური კონფლიქტები, რომელთა მიზეზებიც არის მოუწესრიგებელი ინფრასტრუქტურა, გზები.
კონფლიქტის მიზეზებში მაღალი მაჩვენებელი აქვს სოციალური სტატუსის შეწყვეტას, სადაო ხელშეკრულებებს და ზეპირ გარიგებებს.
რაც შეეხება შეკითხვას, როგორ რეაგირებთ და რა საშუალებებს მიმართავთ თქვენს თემში შექმნილი კონფლიქტური სიტუაციების დროს? პასუხებში ფიქსირდება, რომ ყველაზე ხშირად თვითონ ეძებენ გამოსავლს, ან მიმართავენ იურისტებს, არასამთავრობო ორგანიზაციებს. რამდენიმე რესპონდენტი პასუხობს, რომ ურეკავს ჟურნალისტებს.
ანკეტების ანალიზის შედეგად მოხერხდა ხუთი სხვადასხვა პრობლემის იდენტიფიცირება. პროცესში ქალთა საინიციატივო ჯგუფის წევრები ჩაერთვებიან და კონფლიქტების პრევენციას შეეცდებიან.
კონფლიქტების იდენტიფიცირებისათვის ქუთაისში, წყალტუბოში და ზუგდიდის მუნიციპალიტეტში(ხურჩა და კოკი) ჩატარდა ანკეტირება.
ანკეტირება მიზნად ისახავს, გაირკვეს რა ტიპის, რა მიზეზით წარმოქმნილი კონფლიქტები არსებობს სხვადასხვა ლოკალურ თემში, ვინ არიან კონფლიქტის მხარეები, როგორ რეაგირებენ, რას აკეთებენ კონფლიქტურ სიტუაციებში.
ანკეტების ანალიზის შედეგად მოხდება კონფლიქტური სიტუაციების იდენტიფიცირება ცალკეული ქალაქების მიხედვით, რის შემდეგაც მოდერატორთან ერთად შემუშავდება სამოქმედო გეგმა. განისაზღვრება ქალთა საინიციატივო ჯგუფების ფუნქციები სამივე ქალაქში: რა უნდა გააკეთონ იმისათვის, რომ შეძლონ კრიზისული სიტუაციების მართვა და კონფლიქტების მოგვარება ადრეულ სტადიაში.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
აქტიურად დაიწყო მუშაობა პროექტის „კონფლიქტების ადრეული პრევენცია - თეორია და პრაქტიკა“ ფარგლებში.
პროექტიდან გამომდინარე, მოდერატორებად უკვე შეირჩნენ ფონდი „სოხუმის“ აქტივისტი ქალები, რომლებსაც ამ მიმართულებით მუშაობის გამოცდილება აქვთ. მათი დახმარებით ქუთაისში, წყალტუბოსა და ზუგდიდის მუნიციპალიტეტის ოთხ სოფელში ჩამოყალიბდა ქალთა ჯგუფები, რომლებიც თავიანთ თემებში შექმნილი კონფლიქტური სიტუაციების ადრეულ მოგვარებაზე იმუშავებენ.
თითოეულ ჯგუფში 8 ქალია. მათ უკვე მიიღეს ინფორმაცია პროექტის მიზნებსა და ამოცანებზე. პირველ ეტაპზე ისინი სხვადასხვა თემში არსებული კონფლიქტური სიტუაციების იდენტიფიცირებას შეეცდებიან.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
იანვრიდან ფონდმა „სოხუმმა“ მუშაობას დაიწყო პროექტზე „კონფლიქტების ადრეული პრევენცია - თეორია და პრაქტიკა.“ პროექტი სამწლიანია და მიზნად ისახავს საზოგადოებაში არსებული კრიზისული სიტუაციების და მოსალოდნელი კონფლიქტების ადრეულ პროფილაქტიკას.
გეოგრაფიული არეალი მოიცავს ორ ქალაქს - ქუთაისსა და წყალტუბოს და აფხაზეთის საზღვრისპირა სოფლებს: ხურჩა, კოკი, ორსანტია, განმუხური.
პროექტის ფარგლებში იმუშავებს ქალთა სამი საინიციატივო ჯგუფი. გათვალისწინებულია საინფორმაციო შეხვედრები სხვადასხვა თემთან, კონფლიქტური სიტუაციების იდენტიფიცირება და პრევენციული ღონისძიებები.
იგეგმება კაბინეტური კვლევის გამოცემა და პრეზენტაციები კონფლიქტების ადრეული მოგვარების საკითხებზე საზოგადოების ინფორმირების მიზნით.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
წყალტუბოს ქალთა საინიციატივო ჯგუფი აქტიურად ჩაერთო საერთაშორისო კამპანიაში „16 აქტიური დღე ქალთა მიმართ ძალადობის წინააღმდეგ“. ჩატარდა საინფორმაციო შეხვედრები წყალტუბოს მუნიციპალიტეტის სოფლებში: ცხუნკური, გუმბრინი, ქვილიშორი.
კამპანიაში აქტიურად ჩაერთნენ ადგილობრივი თვითმმართველობის წარმომადგენლები. როგორც მოდერატორი აღნიშნავს, საზოგადოების დამოკიდებულება წინა წლებთან შედარებით შეცვლილია, სხვადასხვა ასაკის ადამიანები აღნიშნავენ, რომ ქალი ოჯახის ხერხემალია, საზოგადოება და სახელმწიფო მას განსაკუთრებით უნდა უფრთხილდებოდეს. ძალადობა ქალზე ბოროტებაა და ეს არ უნდა ხდებოდეს.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ფონდ „სოხუმს“ სტუმრობდა ორგანიზაცია Kvinna till Kvinna-ს წარმომადგენელი საქართველოში იოანა არკასენი, რომელიც ქალთა საინიციატივო ჯგუფის ორგანიზებით მოწყობილ საინფორმაციო შეხვედრას დაესწრო ქუთაისის ერთ-ერთ ბიბლიოთეკაში. შეხვედრა მოეწყო საერთაშორისო კამპანიის „16 აქტიური დღე ქალთა მიმართ ძალადობის წინააღმდეგ“ ფარგლებში და მას ესწრებოდნენ საზოგადოების სხვადასხვა ჯგუფის წარმომადგენლები. მონაწილეებმა ძირითადი აქცენტი გააკეთეს ქალთა მიმართ ძალადობის ფაქტებზე და იმსჯელეს, რა უნდა გაკეთდეს იმისათვის, რომ ქალს უსაფრთხო გარემო შეექმნას.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ძალადობის წინააღმდეგ მიმართულ 16-დღიან კამპანიაში ფონდი „სოხუმის“ ქუთაისის ქალთა საინიციატივო ჯგუფს თავისი წვლილი შეაქვს. ჯგუფის წევრები საზოგადოების წარმომადგენლებს ხვდებიან და ინფორმაციას აწოდებენ ქალთა მიმართ ძალადობასთან დაკავშირებით, არიგებენ საინფორმაციო ფურცლებს. ყველა თაობის ადამიანის განწყობა ასეთია: ძალადობა ქალზე სერიოზული პრობლემაა და მის წინააღმდეგ მუშაობა ყველა მოქალაქის მოვალეობაა.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ფონდი „სოხუმის“ ხონის ქალთა საინიციატივო ჯგუფი აქტიურად არის ჩართული ქალთა მიმართ ძალადობის წინააღმდეგ მიმდინარე კამპანიაში. გაიმართა საინფორმაციო შეხვედრები ადგილობრივი მუნიციპალიტეტის სხვადასხვა სტრუქტურის წარმომადგენლებთან. დარიგდა საინფორმაციო ფურცლები. ადგილობრივი მთავრობა პროტესტს უცხადებს ქალთა მიმართ ძალადობას და მზადყოფნას გამოთქვამს, აქტიურად ითანამშრომლოს ფონდ „სოხუმთან“ ძალადობის პრევენციულ ღონისძიებებში.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
მალე წყალტუბოში ახალი მოწვევის საკრებულო შეიკრიბება. სასიხარულოა, რომ ქალთა საინიციატივო ჯგუფის მოდერატორი ლატავრა ბენდელიანი საკრებულოს წევრი გახდა. ჯგუფის წევრების თქმით, კარგი გარემოა საიმისოდ, რომ ქალთა პრობლემები გაიტანონ და მიიღონ საკრებულოს მხარდაჭერა.
წყალტუბოს ქალთა საინიციატივო ჯგუფის შეხვედრაზე აღინიშნა, რომ პროექტი მთავრდება, მაგრამ ჯგუფის წევრები მუშაობას გააგრძელებენ, რადგან ჯერ კიდევ ბევრია პრობლემა, რომლის მოგვარება შესაძლებელია ადგილობრივ დონეზე.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)