ქალთა მხარდაჭერის ცენტრებში აქტიურად გრძელდება საინფორმაციო შეხვედრები, რომელთა მიზანია: საზოგადოების ცნობიერების ამაღლება, ინფორმირებული მოქალაქეების რიცხვის ზრდა, ოჯახში ძალადობის პრევენციას და ძალადობის მსხვერპლთა მხარდაჭერა და დაცვა.
შეხვედრებში მონაწილეობენ საბავშვო ბაღების პედაგოგები, სკოლის მასწავლებლები, მშობლები და თემის აქტიური წარმომადგენლები. ეს მრავალფეროვანი ჩართულობა ხელს უწყობს გამოცდილების გაზიარებას და შემთხვევათა იდენტიფიცირების პროცესს.
მონაწილეების თქმით, ოჯახში ძალადობა სერიოზულ სოციალურ გამოწვევად რჩება. აღინიშნა, რომ გაჩნდა ახალი საფრთხე, რომელიც ონლაინტექნოლოგების გამოყენებით ხორციელდება ქალებზე. მათი შეფასებით, განსაკუთრებით მნიშვნელოვანია ინფორმაციის ხელმისაწვდომობა იმ სერვისებსა და პროგრამებზე, რომლებიც ძალადობის მსხვერპლთა დახმარებას და დაცვას უზრუნველყოფს.
ქალთა მხარდაჭერის ცენტრები მომავალშიც გააგრძელებენ მსგავს საინფორმაციო აქტივობებს, რათა ყველას მოქალაქეს ჰქონდეს ცოდნა, მხარდაჭერა და უსაფრთხოების განცდა.
მონაწილეთა განწყობა უკუკავშირში აისახა:
„ოჯახში ძალადობა ახალი ფორმებით ვლინდება, ახალი საფრხეები გაჩნდა. ამიტომ ადრეულად, სანამ შეიძლება პრობლემის მართვა, უნდა დავეხმაროთ ქალებს.“
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხელსაქმეს უძველესი ტრადიცია აქვს საქართველოში. ქალებმა იცოდნენ კერვა, ქსოვა, ქარგვა და მზითევსაც თვითონ იმზადებდნენ. დღესაც საკმაოდ ბევრს აინტერესებს ხელსაქმე.
ჩვენმა ორგანიზაციამ ქალების თხოვნით რამდენიმე მუნიციპალიტეტში გახსნა ჭრა-კერვის კურსები, არაერთმა ქალმა დახვეწა თავისი უნარები და საკუთარი მცირე ბიზნესიც კი წამოიწყო.
ახლა ხურჩის (ზუგდიდის მუნიციპალიტეტი) ქალთა მხარდაჭერის ცენტრის ჯერი დადგა. უკვე ჩავიტანეთ საკერავი მანქანები, კერვისთვის საჭირო მასალები. ორი თვის განმავლობაში ქალები ბევრ რამეს ისწავლიან პედაგოგთან ერთად, რომელიც მონდომებით შეუდგა საქმეს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ზუმის პლატფორმაზე შეიკრიბნენ ქალები 10 მუნიციპალიტეტიდან. მათთვის მოეწყო შეხვედრააქტუალურ თემებზე.
პირველ ნაწილში მიგრაციის საერთაშორისო ორგანიზაციის (IOM) ქუთაისის ფილიალის წარმომადგენელმა ნათია ახალაიამ ისაუბრა ლეგალურ და არალეგალურ მიგრაციაზე, სტატისტიკაზე, საქართველოში დაბრუნებისას ინდივიდუალურ მომსახურებაზე, დაბრუნებული მიგრანტების მხარდაჭერაზე, საგრანტო პროექტებზე...
მეორე ნაწილში პრეზენტაციით წარსდგა ლინდა ჩიხლაძე - ტრენერი ციფრული უსაფრთხოების საკითხებში. მან შეხვედრის მონაწილეებს გააცნო ციფრული უსაფრთხოების მნიშვნელოვანი ასპექტები, გავრცელებული საფრთხეები, საუკეთესო პრაქტიკები და დაცვის ინსტრუმენტები.
შეკრებილებს ორივე თემასთან დაკავშირებით ჰქონდათ შეკითხვები და მიიღეს კომპეტენტური პასუხები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ახალი შემართებით დაიწყეს ახალი წელი ქალთა ურთიერთდახმარების ჯგუფებმა ათივე მუნიციპალიტეტში. წლის პირველ შეხვედრებზე, ძირითადად, მუნიციპალურ სერვისებზე, ცვლილებებსა და სიახლეებზე ისაუბრეს.
ჯგუფის წევრები ყურადღებით უსმენენ ფსიქოლოგს, რომლის რჩევები და ინდივიდუალური კონსულტაციები განსაკუთრებით სასარგებლოა.
მათთვის მნიშვნელოვანია ციფრული წიგნიერების ნაწილი - სოციალურ ქსელთან მუშაობა, ფონდი „სოხუმის“ ვებგვერდის https://sosfsokhumi.ge/ გაცნობა და საჭირო ინფორმაციის მოძიების სწავლება.
ხობში ახალგაზრდებზე გაკეთდა აქცენტი, წყალტუბოში - ციფრული განათლების მნიშვნელობაზე. სენაკში ახალ წევრებს ერთად მიღწეული შედეგები გააცნეს. განსაკუთრებით საინტერესო იყო შეხვედრა ჩოხატაურში - ჯგუფში არიან გოგოლესუბნის ფოლკლორული ანსამბლ „თაობის“ წევრები და მათ ცეკვა-სიმღერით გაალამაზეს ერთადყოფნის დრო.
ჯგუფების უმეტესობაში მატებაა - ეს ეფექტიანი მუშაობის და წარმატებების მაჩვენებელია.
პროექტი ხორციელდება თანასწორობის ფონდის მხარდაჭერით (კანადა)
ეს წელიც აქტიურად დაიწყო ქალთა მხარდაჭერის ცენტრებში. მობილიზატორები და პარასპეციალისტები ერთობლივად მუშაობენ სხვადასხვა თემში, რათა რაც შეიძლება მეტი ინფორმირებული ქალი გვყავდეს საზოგადოებაში. მსხვერპლთა დახმარების სერვისების გაცნობა ხელს უწყობს ქალების გაძლიერებას და ოჯახური ძალადობის პრევენციას.
საზოგადოების ინფორმირება მსხვერპლთა მხარდაჭერის სერვისებზე ქალთა მხარდაჭერის ცენტრების შეხვედრების მნიშვნელოვანი სეგმენტია, რის საფუძველზეც ხდება ქეისების იდენტიფიცირება და შემდგომი რეაგირება.
შეხვედრებმა უკვე მოიტანა შედეგები. გამოჩნდნენ კონკრეტული ბენეფიციარები, რომლებიც მზად არიან არსებული სერვისების მისაღებად. ქეისების ანალიზის შედეგად მოხდება მათი გადამისამართება საჭიროების შესაბამისად.
შეხვედრები ჩატარდა ვანის, წყალტუბოს ხონის, თერჯოლის და წალენჯიხის ქალთა მხარდაჭერის ცენტრებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სამოქალაქო ინიციატივების ფარგლებში ზუგდიდის, წყალტუბოს და წალენჯიხის მუნიციპალიტეტებში ჩატარდა საინფორმაციო შეხვედრები მიგრაციის თემაზე.
მონაწილეებს - ქალებს და ახალგაზრდებს - მიეწოდათ ინფორმაცია ჩვენი ორგანიზაციის კვლევის შესახებ და დაურიგდათ გზამკვლევი: იცოდე და დაიცავი შენი თავი!
გზამკვლევის მიზანია ქალებს, თემის ლიდერებსა და საზოგადოების აქტიურ წევრებს გააცნოს, რა სახის სერვისებია ხელმისაწვდომი და სად შეუძლიათ დახმარების მიღება. მათ ასევე მიიღეს ბროშურა, როგორ დავეხმაროთ სამშობლოში დარჩენილ ბავშვებ, როდესაც მშობელი საზღვარგარეთ მიდის,
შეხვედრებზე გაიმართა დისკუსიები მიგრაციის და ოჯახში ქალთა მიმართ ძალადობის საკითხებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
იანვრის ცივი დღეებია, სარებილიტაციო ცენტრში კი თბილა. ბუხრის ცეცხლი კიდევ უფრო მეტ სიმყუდროვეს აძლევს აქაურობას.
იამზე გუმბერიძე ერთ-ერთ სტუმარს იურიდიულ კონსულტაციას უტარებს. ლელა უზარაშვილი ბავშვებს ართობს.
ფსიქოლოგი ეკატერინე ქვაჩაკიძე თვის ემოციებს გვიზიარებს: „გვინდოდა სტუმრებისთვის შეგვექმნა სადღესასწაულო გარემო ძველით ახალ წელს, რაც ძალიან კარგად გამოგვივიდა. იყო მხიარულება, მუსიკა, თერაპია და ერთმანეთისთვის კეთილი სურვილების გაზიარება. განსაკუთრებით გამხიარულდა ოთხი წლის ლუკა... სარეაბილიტაციო ცენტრში მოსულებს სჭირდებათ ფსიქოლოგიური, ფიზიკური და სოციალური მხარდაჭერა. მათ ოჯახებს აქვთ რთული მატერიალური მდგომარეობა, ჩვენი მუშაობა მიმართულია ბენეფიციარების ფსიქოსოციალური მდგომარეობის გაუმჯობესებისკენ, მათი ემოციური სტაბილურობის აღდგენისა და საზოგადოებაში რეინტეგრაციის ხელშეწყობისკენ. პროცესში გამოიყენება ინდივიდუალური მიდგომა, რაც ითვალისწინებს თითოეულის საჭიროებების და ფსიქოლოგიური მდგომარეობის შეფასებას“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მიმართ ძალადობის პრობლემა აქტუალობას არ კარგავს. თემებში ჩატარებული საინფორმაციო შეხვედრებიც ამას ადასტურებს. მონაწილეები აღნიშნავენ, რომ გაზრდილია იმ ოჯახების რაოდენობა, სადაც ძალადობის განვითარების რისკები მაღალია:
„სამწუხაროდ, ფსიქოლოგიური ძალადობა დღემდე არ არის აღიარებული. ბევრი ქალი მიიჩნევს რომ ეს ნორმალურია. ასეთი განწყობა ხელს უშლის პრობლემის ამოცნობას. შემთხვევების რაოდენობა გაზრდილია, თუმცა ხშირად ამ თემაზე საუბარს ერიდებიან.“
„როცა მეუღლეებს შორის კონფლიქტი ვერ გვარდება თვეების განმავლობაში, იქ ნებისმიერ დროს შეიძლება მივიღოთ ფიზიკური ძალადობა.“
შეხვედრის მონაწილეები პრობლემებზე საუბრის პარალელურად გამოსავალზე მსჯელობენ. მიაჩნიათ, რომ ქალთა მხარდაჭრა უნდა გაგრძელდეს. ამიტომ შეხვედრებს განსაკუთრებულ მნიშვნელობას ანიჭებენ.
„ინფორმაციები სულ უნდა შევთავაზოთ ქალებს, ყველამ უნდა იცოდეს, თავი როგორ დაიცვას საჭიროების დროს, ვის მიმართოს, ვის დაურეკოს. რა სახის დახმარებები არსებობს.“
შეხვედრები ჩატარდა ქუთაისის, სენაკის, ზუგდიდის და ხობის ქალთა მხარდაჭერის ცენტრებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სენაკის სათემო ცენტრში მანიკურის კურსდამთავრებულებმა მოაწყვეს მასტერკლასი ქალებისთვის. ეს იყო აქტივობა სამოქალაქო ინიციატივის ფარგლებში, რომელიც სენაკის დევნილთა დასახლებაში განხორციელდა ნოემბერ-იანვარში.
მასტერკლასის მონაწილე: სპეციალისტთან ამ პროცედურის ჩატარების პირველი პრაქტიკა იყო ჩემთვის. ძალიან კარგი ინიციატივაა, არა მარტო დავინახეთ, რა ისწავლეს ჩვენმა გოგოებმა, არამედ ჩვენც გავიხალისეთ ეს დღე.
ერთ-ერთი კურსდამთავრებული: საუკეთესო შესაძლებლობაა ჩემთვის და როგორც დამწყებ სპეციალისტს ძალიან მახარებს, რომ ქალებმა დაინახეს, რა შემიძლია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
