ქალთა ფონდი „სოხუმის“ მონიტორინგის ჯგუფის ინიციატივას პირველმა ბაღდათის მუნიციპალიტეტმა დაუჭირა მხარი - ძალადობის საკითხებზე დროული რეაგირების მიზნით მერიაში შეიქმნა ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების, უწყებათაშორისი კომისია.
კომისიას მერის მოადგილე მერაბ ზირაქაძე უხელმძღვანელებს. კომისია ითანამშრომლებს ბაღდათის მუნიციპალიტეტის გენდერული თანასწორობის საკითხებზე მომუშავე მრჩეველთა საბჭოსა და საქართველოს მთავრობის გენდერული თანასწორობის, ქალთა მიმართ ძალადობისა და ოჯახში ძალადობის საკითხზე მომუშავე უწყებათაშორის კომისიასთან; პერიოდულად მიაწვდის მათ ინფორმაციას და რეკომენდაციებს მუნიციპალიტეტის ტერიტორიაზე არსებული მდგომარეობის, ძალადობის აღკვეთის, ძალადობის მსხვერპლთა დაცვისა და დახმარების მიზნით გასატარებელ ღონისძიებათა შესახებ; კოორდინაციას გაუწევს საქართველოს მთავრობის უწყებათაშორის კომისიისა და ბაღდათის მუნიციპალიტეტის გენდერული თანასწორობის საბჭოს მიერ დაგეგმილ ღონისძიებებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
გრძელდება შეხვედრების ციკლი „ოჯახში ძალადობის აღკვეთაში საზოგადოების ჩართულობა“ პარტნიორ მუნიციპალიტეტებში. ფონდი „სოხუმის“ მონიტორინგის ჯგუფისა და ქალთა მხარდაჭერის ცენტრმა მორიგი შეხვედრა ჩოხატაურში ჩაატარეს. ღონისძიებას ესწრებოდნენ მერის წარმომადგენლები ადმინისტრაციულ ერთეულებში, მუნიციპალიტეტის სამსახურების, საზოგადოების სხვადასხვა ჯგუფის წარმომადგენლები.
შედგა დიალოგი ქალთა მიმართ და ოჯახში ძალადობის აღკვეთის და მსხვერპლთა დახმარების საკითხებში თვითმმართველობების როლის გაზრდაზე.
შეხვედრის მონაწილეებმა მიიღეს ინფორმაცია ქალთა ფონდი „სოხუმის“ კვლევებზე: მოძალადის ქცევის ნაადრევ სტადიაზე კორექციის პროგრამების საჭიროება; ქალთა გაძლიერება - ბავშვთა მოვლის სერვისები. წარმოდგენილი იყო ვებგვერდის „ძალადობის მსხვერპლთა სერვისების ციფრული რესურს-ცენტრი“ http://sosfsokhumi.ge/ პრეზენტაცია.
მერის წარმომადგენლებმა ისაუბრეს ოჯახებში ძალადობრივ კონფლიქტებზე, მომავალი თაობების აღზრდაზე და საზოგადოებაში არსებულ გამოწვევებზე.
ჩოხატაურის მუნიციპალიტეტში აქტიურ სტადიაშია ოჯახში ძალადობის საკითხებზე რეაგირების უწყებათაშორისი კომისიის შექმნა, რაც ქალთა ფონდ „სოხუმთან“ პარტნიორობის წარმატებული შედეგია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ოჯახში ძალადობის აღკვეთაში საზოგადოების ჩართულობა“ - ამ თემაზე საინფორმაციო შეხვედრა გაიმართა სამტრედიაში (ორგანიზატორები: ქალთა ფონდი „სოხუმის“ მონიტორინგის ჯგუფი და სამტრედიის ქალთა მხარდაჭერის ცენტრი). შეხვედრას დაესწრნენ მერის წარმომადგენლები ადმინისტრაციულ ერთეულებში, მუნიციპალიტეტის სამსახურების და საზოგადოების სხვადასხვა ჯგუფის წარმომადგენლები.
შეხვედრაზე ისაუბრეს თვითმმართველობის როლის გაზრდაზე ქალთა მიმართ და ოჯახში ძალადობის აღკვეთის და მსხვერპლთა დახმარების კუთხით. მონაწილეებმა მოისმინეს ინფორმაცია კვლევებზე, რომლების 10 მუნიციპალიტეტში ჩაატარა ქალთა ფონდმა „სოხუმმა“ ძალადობის საკითხებზე, გაეცნენ ვებგვერდს „ძალადობის მსხვერპლთა სერვისების ციფრული რესურსცენტრი“ - http://sosfsokhumi.ge/.
შეხვედრის შემდეგ შეკრებილებს გაუჩნდათ მოტივაცია, უფრო აქტიურად ჩაერთონ ძალადობის პრევენციის და მსხვერპლთა დახმარების საქმეში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„რომ არა ასეთი შეხვედრები, თვითმმართველობის პროგრამებზე ინფორმაცია არ მექნებოდა, თურმე რამდენი რამ გაუთვალისწინებიათ და, დარწმუნებული ვარ, როგორც მე, ისე ბევრს არ აქვს ამაზე ინფორმაცია.“
„არა მარტო ინფორმაცია მივიღე, მცირე სწავლებაც გავიარე, როგორ გამოვიყენო ონლაინ სივრცე საინტერესო ინფორმაციის მისაღებად.“
ეს შეხვედრების მონაწილეთა უკუკავშირია. შეხვედრები გაიმართა თერჯოლის, სამტრედიის, ბაღდათის და ვანის მუნიციპალიტეტებში მცხოვრებ ბენეფიციარებთან. ისინი გაეცნენ, სწორად როგორ გამოიყენონ ინტერნეტ სივრცე, როგორ იპოვონ საჭირო მასალა თუ დოკუმენტი. შეხვედრაზე ასევე მიიღეს დეტალური ინფორმაცია ქალთა ფონდი „სოხუმის“ ვებგვერდზე „ძალადობის მსხვერპლთა სერვისების ციფრული რესურსცენტრი“.
პროექტი ხორციელდება გენდერული თანასწორობის ფონდის მხარდაჭერით (კანადა)
ოჯახური კონფლიქტები, ძალადობა ქალზე, მსხვერპლთა დაცვის მექანიზმები - ამ საკითხებზე გაიმართა საუბრები ვანის, სენაკის, ქობულეთის, თერჯოლის და ზუგდიდის ქალთა მხარდაჭერის ცენტრებში.
მონაწილეები აღნიშნავდნენ, რომ ოჯახური ძალადობის ფაქტებზე გახსნილობა გაზრდილია, თუმცა, ამავდროულად ჯერ კიდევ სამუშაოა მოსახლეობის ინფორმირების კუთხით, რადგან ბევრმა არ იცის, რა რეაგირება მოახდინოს ძალადობის შემთხვევაში, როგორია მისი პასუხისმგებლობა.
მონაწილეები მიიჩნევენ, რომ მსგავსი შინაარსის შეხვედრები აუცილებელია, რათა ინფორმაციული ვაკუუმი შეივსოს და საზოგადოება მზად იყოს, დაუპირისპირდეს ძალადობას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წალენჯიხის მთავარი ბიბლიოთეკის დარბაზში ქალთა ფონდი „სოხუმის“ მონიტორინგის და ადვოკატირების ჯგუფმა ქალთა მხარდაჭერის ცენტრთან თანამშრომლობით საინფორმაციო შეხვედრა გამართა ქალთა მიმართ ძალადობის საკითხებზე.
შეხვედრას ესწრებოდნენ წალენჯიხის მუნიციპალიტეტის ხელმძღვანელი პირები: მერის მოადგილე, საკრებულოს თავმჯდომარე, თავმჯდომარის მოადგილე, საკრებულოს წევრები, მერიისა და საკრებულოს თანამშრომლები, საზოგადოების წარმომადგენლები.
შეხვედრის მონაწილეებს მიეწოდათ ინფორმაცია წალენჯიხის მუნიციპალიტეტის მასშტაბით ჩატარებულ კვლევაზე, რომელიც ეხებოდა ქალთა მიმართ ოჯახში ძალადობის პრევენციას და ეფექტიან რეაგირებას ქალთა დასაქმების ხელშეწყობის - ბავშვთა მოვლის სერვისების კუთხით. ასევე მიიღეს ინფორმაცია ადრეულ ეტაპზე მოძალადის ძალადობრივი ქცევის კორექციის მნიშვნელობასა და არსებულ საუკეთესო გამოცდილებაზე.
შეხვედრა აქტიური კითხვა-პასუხის რეჟიმში წარიმართა. მონაწილეებმა ისაუბრეს მუნიციპალიტეტში ძალადობის პრევენციისთვის კოორდინირებული მუშაობის გაძლიერების აუცილებლობაზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ტყიბულში ჩატარდა ფონდი „სოხუმის“ მონიტორინგის ჯგუფისა და ქალთა მხარდაჭერის ცენტრის მიერ ორგანიზებული შეხვედრა, რომელსაც მუნიციპალიტეტის სამსახურების და საზოგადოების სხვადასხვა ჯგუფის წარმომადგენლები დაესწრნენ.
შეხვედრების ციკლი „ოჯახში ძალადობის აღკვეთაში საზოგადოების ჩართულობა“ პარტნიორ მუნიციპალიტეტებში ქალთა მიმართ და ოჯახში ძალადობის აღკვეთისა და მსხვერპლთა დახმარების საკითხებში თვითმმართველობების როლის გაზრდას ისახავს მიზნად.
შეხვედრაზე წარმოდგენილი იყო ქალთა ფონდი „სოხუმის“ მიერ ჩატარებული კვლევების მიგნებები: მოძალადის ქცევის ნაადრევ სტადიაზე კორექციის პროგრამების რეალიზაციის საჭიროება; ქალთა გაძლიერება - ბავშვთა მოვლის სერვისები. გაკეთდა ძალადობის მსხვერპლთა სერვისების ციფრული რესურს-ცენტრის პრეზენტაცია (http://sosfsokhumi.ge/).
უშუალო დიალოგის დროს ითქვა, რომ საზოგადოებამ უნდა იფიქროს, რა ღონისძიებებით დაუპირისპირდეს ძალადობას. მნიშვნელოვნად იქნა მიჩნეული ქალთა ეკონომიკური გაძლიერების პროგრამები. პოზიტიური შეფასება მიეცა სოციალური მუშაობის დეცენტრალიზაციას, რისი შედეგიც იყო ბავშვთა უფლებების განყოფილება. მუნიციპალიტეტში რეორგანიზაციის შედეგად მოხდა მისი სამსახურად ჩამოყალიბება, რაც თვალსაჩინოს ხდის მოცემული რგოლის მნიშვნელობას ოჯახების გაძლიერების საკითხში.
აღინიშნა, რომ ქალთა ფონდი „სოხუმისა“ და ტყიბულის მუნიციპალიტეტის თანამშრომლობა პოზიტიური დინამიკით მიმდინარეობს, გამოიკვეთა სამომავლო პარტნიორობის კონტურები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მონიტორინგის და ადვოკატირების ჯგუფის მიერ დაგეგმილი საინფორმაციო შეხვედრების ციკლის ფარგლებში ბაღდათში ჩატარდა მორიგი შეხვედრა, რომელსაც ესწრებოდნენ ადგილობრივი თვითმმართველობის წარმომადგენლები, სკოლის პედაგოგები და საბავშვო ბაღის აღმზრდელები. შეხვედრის ორგანიზატორია ბაღდათის ქალთა მხარდაჭერის ცენტრი.
ქალთა მიმართ და ოჯახში ძალადობის აღკვეთისა და მსხვერპლთა დახმარების პრობლემის შეფასებისთვის მონაწილეებს მიეწოდა ინფორმაცია კვლევაზე, რომელიც ჩატარდა ბაღდათის მუნიციპალიტეტში და ეხებოდა ქალთა დასაქმების ხელშეწყობას: ბავშვთა მოვლის რა სერვისები არსებობს, რა უნდა დაიხვეწოს ქალთა ეკონომიკური დამოუკიდებლობისთვის. როგორც აღინიშნა, კვლევამ ზუსტად ის მიგნებები გამოკვეთა, რაც ამ კუთხით რეალურად ბარიერს წარმოადგენს მოწყვლადი ჯგუფის ქალებისთვის.
მონაწილეები ასევე გაეცნენ ინფორმაციას ადრეულ ეტაპზე მოძალადის ძალადობრივი ქცევის კორექციის მნიშვნელობასა და არსებულ საუკეთესო გამოცდილებაზე. დაფიქსირდა, რომ საჭიროა სტრატეგიის შემუშავება, რადგან ეფექტიანი შედეგების მიღებას გარკვეული დრო სჭირდება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ქალთა მიმართ ოჯახში ძალადობის საკითხებზე უწყებათაშორისი თანამშრომლობის და კოორდინაციის მნიშვნელობა ადგილობრივ დონეზე“ - ეს იყო ბორჯომში ჩატარებული ტრენინგის თემა.
ტრენინგს ესწრებოდნენ ადგილობრივი თვითმმართველობის წარმომადგენლები დასავლეთ საქართველოს 15 მუნიციპალიტეტიდან (ქუთაისი, წყალტუბო, ხონი, სამტრედია, თერჯოლა, ბაღდათი, ტყიბული, სენაკი, ზუგდიდი, ფოთი, წალენჯიხა, ლანჩხუთი, ჩოხატაური, ოზურგეთი, ქობულეთი).
პირველ დღეს, ერთმანეთის გაცნობასთან ერთად, ბევრი რამ იყო საინტერესო და მნიშვნელოვანი:
- ქალთა ფონდი „სოხუმის“ მიერ ჩატარებული კვლევის „ადრეულ ეტაპზე მოძალადის ქცევის კორექციის მნიშვნელობა“ და დასავლეთ საქართველოს 10 მუნიციპალიტეტში მერის წარმომადგენლების საჭიროებათა შესახებ სწრაფი მოკვლევის პრეზენტაციები;
- ინფორმაცია ვებგვერდის „ძალადობის მსხვერპლთა სერვისების ციფრული რესურსცენტრი“ შესახებ - http://sosfsokhumi.ge;
- მუნიციპალიტეტების მიერ ქალთა მიმართ ძალადობის წინააღმდეგ განხორციელებული პროგრამების პრეზენტაციები და დისკუსია.
