თერჯოლის მოსწავლე ახალგაზრდობის ცენტრში ადვოკატირების ჯგუფის ინიციატივით ჩატარდა შეხვედრა, რომელზეც მოწვეული იყვნენ მერიის ბავშვთა უფლებებისა და მხარდაჭერის განყოფილების თანამშრომლები. შეხვედრას ესწრებოდნენ ცენტრის და მუნიციპალიტეტის სხვადასხვა სკოლის პედაგოგები.
ჩვენი მიზანი იყო მონაწილეებისათვის გაგვეცნო განყოფილების სტრუქტურა და მუშაობის არეალი. თუ რა გამოწვევების წინაშე დგას ეს განყოფილება, ამაზე ინფორმაცია ჩვენს მიერ ჩატარებული მონიტორინგის მიგნებებზე დაყრდნობით მიეწოდა აუდიტორიას.
გამოიკვეთა, რომ განყოფილების მუშაობის და ფუნქციის შესახებ პედაგოგებმა არ იცოდნენ. მათ წამოჭრეს არაერთი აქტუალური საკითხი, აქცენტი გაკეთდა ინკლუზიურ ბავშვებთან და მათ მშობლებთან აქტიური კომუნიკაციის საჭიროებაზე. პედაგოგებს მერიის მხარდაჭერის იმედი აქვთ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ბავშვთა უფლებების დაცვა ჩოხატაურის მუნიციპალიტეტში და ადგილობრივი თანამშრომლობა სოციალური სერვისების გაუმჯობესების კუთხით“ - ეს იყო ინფორმაციის გაცვლის შეხვედრის თემა, რომელიც მუნიციპალიტეტის ა(ა)იპების წარმომადგენლებთან გაიმართა.
შეხვედრაზე წარდგენილ იქნა ფონდი „სოხუმის“ მიერ ჩატარებული კვლევის მიგნებები. მონაწილეებს გააცნეს ბავშვთა უფლებების დაცვის და მხარდაჭერის განყოფილების საქმიანობა, მიღწეული შედეგები და გამოწვევები.
გაიმართა დისკუსია ბენეფიციარების საჭიროებებსა და თანამშრომლობის სფეროებზე. გამოიკვეთა რამდენიმე მნიშვნელოვანი საკითხი, რომელიც მოწყვლადი ოჯახების საჭიროებებს უკავშირდება და მათ აუცილებლად უნდა მიექცეს ყურადღება ადგილობრივი სტრუქტურების მხრიდან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ადვოკატირების ჯგუფის მიერ დაგეგმილი საინფორმაციო შეხვედრების ციკლის ფარგლებში დიდ ნეძში (ზუგდიდის მუნიციპალიტეტი) გაიმართა შეხვედრა, რომელშიც მონაწილეობა მიიღეს სკოლის დირექციამ, პედაგოგებმა და მშობლებმა. შეხვედრაზე მოწვეულები იყვნენ მერიის ბავშვთა უფლებებისა და მხარდაჭერის განყოფილების კოორდინატორი და სოციალური მუშაკი. შეკრებილებს მიეწოდათ ინფორმაცია განყოფილების სტრუქტურაზე, პროგრამებზე. საუბარი შეეხო არსებულ გამოწვევებს და საჭიროებებს.
შეხვედრის მონაწილეებმა ისაუბრეს საზოგადოების ინფორმირებულობის ამაღლებაზე, შშმ ბავშვთა საჭიროებებზე, კრიზისული ოჯახების იდენტიფიკაციის გზებსა და მათი მხარდაჭერის აუცილებლობაზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრებმა სექტემბერში განსაკუთრებული ფოკუსი ფემიციდზე გააკეთეს. ვანში, სამტრედიაში, ხურჩაში (ზუგდიდის მუნიციპალიტეტი), თერჯოლასა და წალენჯიხაში გამართულ საინფორმაციო შეხვედრებზე მონაწილებმა აღნიშნეს, რომ საქართველოში ქალთა მკვლელობები დიდი ხანია საგანგაშო ნიშნულს მიუახლოვდა. ეს იმას ნიშნავს, რომ არ არის საკმარისი ის, რაც კეთდება...
მონაწილეების თქმით, პრევენციის კუთხით საინფორმაციო კამპანიებს დიდი მნიშვნელობა აქვს:
„მეტი უნდა ვიმუშაოთ პრევენციისთვის, განსაკუთრებით ახალგაზრდებთან.“
„თუ რეაგირება არ იქნება უმკაცრესი, ვერ შევაჩერებთ ამ პროცესს. “
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალები და ბავშვები ხერსონიდან, ოდესიდან, კიევიდან, ბუჩადან, ჩუგუევიდან... მათთვის ქალთა ფონდი „სოხუმი“ მშობლიურად იქცა - აქ კარგად ესმით მათი ტკივილი, ამხნევებენ, ეხმარებიან.
ივნისში ამ ქალებისთვის ფონდის თანამშრომლებმა თავიანთი ხელით გააკეთეს ქართული კერძები, ფონდში დაპატიჟეს და გემრიელი ქართული სუფრით უმასპინძლეს.
მაშინ გაჩნდა იდეა, უკრაინელებსაც გაემზადებინათ საპასუხო სუფრა.
სექტემბრის მზიან დღეს სიმპათიურმა ქალებმა მარინამ, ანიამ, ჟანამ, ნატალიამ, ტატიანამ გემრიელი კერძები მოიტანეს. სუფრა ეზოში გაიშალა: ბორშჩი, კიევური კატლეტები, ბლინები ვაშლით, ლვოვის კვერები (სირნიკები), კვერები (ვარენიკები) კომბოსტოთი, კარტოფილით, ყველით - მოკლედ, ბევრი გემრიელობა.
ეს არ იყო მხოლოდ უკრაინული სამზარეულოს გამოფენა. ეს იყო ამ ქალების ტკივილიანი ისტორიები, აფხაზეთის გახსენება, მოწვეული სტუმრების ემოციური გამოსვლები...
ქალაქ გორში, ინციდენტების პრევენციისა და მათზე რეაგირების მექანიზმის (IPRM) მონაწილეებსა და სამოქალაქო საზოგადოების წარმომადგენლებს შორის საინფორმაციო შეხვედრა გაიმართა. შეხვედრაზე მოხსენებით წარыდგნენ: მინისტრი - თეა ახვლედიანი, გაეროს ქალთა ორგანიზაციის საქართველოს წარმომადგენლობის ხელმძღვანელი - კაორი იშიკავა; ევროკავშირის სადამკვირვებლო მისიის ხელმძღვანელი - მარეკ შჩიგელი, სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილე - ირაკლი ანთაძე და შერიგებისა და სამოქალაქო თანასწორობის საკითხებში სახელმწიფო მინისტრის აპარატის წარმომადგენელი - ზვიად ზვიადაძე.
მათ გაუზიარეს მონაწილეებს IPRM შეხვედრებზე განხილული თემები და მოისმინეს, როგორც ქალთა ორგანიზაციების, ასევე სამხრეთ ოსეთთან გამყოფი ხაზის მიმდებარე სოფლებში მცხოვრები ქალების მიერ მიწოდებული ინფორმაცია ადგილებზე არსებული ჰუმანიტარული გამოწვევებისა და ადგილობრივი მოსახლეობის, მათ შორის კონფლიქტით დაზარალებული ქალების, კონკრეტული საჭიროებების შესახებ.
დასრულდა ხუთთვიანი სატრენინგო კურსი 10 მუნიციპალიტეტის ახალგაზრდობის გაძლიერების ცენტრებში. ახლა წარმატებით მიმდინარეობს შემაჯამებელი შეხვედრები.
ზუგდიდის, სენაკის, თერჯოლის და ვანის მუნიციპალიტეტების წარმომადგენლებთან გამართულ შემაჯამებელ შეხვედრებში აქტიურად ჩაერთნენ სკოლის დირექტორები და პედაგოგები, მოსწავლეთა მშობლები, ახალგაზრდული დეპარტამენტების, რესურსცენტრების და გენდერული თანასწორობის საბჭოების წარმომადგენლები.
მოსწავლეებმა თავიანთი პრეზენტაციების დროს ისაუბრეს სატრენინგო კურსის შედეგებზე. სკოლის პედაგოგებმა და მშობლებმა აღნიშნეს, რომ ხუთთვიანმა მუშაობამ კეთილი გავლენა მოახდინა მოზარდებზე. მათ ბევრი რამ ისწავლეს, უფრო აქტიურები და თავდაჯერებულები გახდნენ. მონაწილეთა ერთ ნაწილს უკვე დამოუკიდებლად შეუძლია სატრენინგო მუშაობის წარმართვა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდი „სოხუმის“ ახალგაზრდა მსახიობებისთვის ეს მასშტაბური და შთაბეჭდავი ჩვენება იყო.
წალენჯიხის მუნიციპალიტეტის მერიის მხარდაჭერით ნიკოლოზ შენგელაიას სახელობის კინოთეატრის დარბაზში ჩრდილების თეატრისა და თოჯინების თეატრის წარმოდგენები გაიმართა.
პატარა მაყურებელი განსაკუთრებული ინტერესით უყურებდა ლამაზ სცენებს. თეატრის რეჟისორმა მაგდა ჩიხლაძემ მათ უამბო, როგორ ჩამოყალიბდა ფორუმ-თეატრი, ჩრდილების თეატრი, თოჯინების თეატრი და რა მნიშვნელობა აქვს ამ წარმოდგენებს სხვადასხვა ასაკის მაყურებელისთვის.
ორგანიზატორებმა მადლობა გადაუხადეს ქალთა ფონდი „სოხუმის“ თეატრალურ ჯგუფს და ახალი შეხვედრების სურვილი გამოხატეს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
- ყველა მათგანს განსხვავებული ხასიათი აქვს, მაგრამ ერთი მიზანი აერთიანებს, შეისწავლოს ხელსაქმე და დაიწყოს მცირე ბიზნესი, - ამბობს ოსტატი ამიდა ახალაია. - ერთს თეთრეულების მიმართულება აქვს არჩეული, მეორეს ჩანთების მოხატვა უნდა, მესამემ სადღესასწაულო კაბები შეკერვა გადაწყვიტა პატარებისთვის...
წალენჯიხის მუნიციპალიტეტის სოფელ ფახულანის დღის ცენტრში კიდევ ხუთმა ქალმა შეისწავლა ჭრა-კერვის ხელოვნება. კურსები დასრულდა და ქალებს სოფელში უკეთესი ცხოვრების სტიმული გაუჩნდა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ყოველ მეცადინეობაზე სიამოვნებით მოდიოდნენ ქალები, რადგან ყველა გაკვეთილი საინტერესო სიახლე, პროფესიონალიზმისკენ წინგაგადმული ნაბიჯი იყო.
და აი, ქალთა ფონდი „სოხუმის“ დღის სარეაბილიტაციო ცენტრში წარმატებით დასრულდა პოლიმერულ თიხაზე მუშაობის კიდევ ერთი კურსი.
კურსის მონაწილეებმა ისწავლეს ორიგინალური სამკაულების, აქსესუარების, სხვადასხვა კომპოზიციის შექმნა. ბოლოს მოეწყო კურსდამთავრებულთა ნამუშევრების გამოფენა, რომელიც დიდი ინტერესით დაათვალიერეს და მოიწონეს ქალთა ფონდის თანამშრომლებმა. ყველა მონაწილეს სერტიფიკატი გადაეცა - აწი მათზეა, როგორ გამოიყენებენ მიღებულ ცოდნას და გამოცდილებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)