ფემიციდი, ოჯახში ძალადობა, სტერეოტიპების მსხვრევის აუცილებლობა-ამ თემებზე იმსჯელეს სენაკში , ქალთა საინიციატივო ჯგუფის წევრებთან გამართულ შეხვედრაზე . მონაწილეებმა ოჯახური ძალადობის თემაზე შექმნილი ფილმი ნახეს და შემდეგ დისკუსია მოაწყვეს. ქალთა ჯგუფის წევრების ინიციატივით, სხვადასხვა ჯგუფთან სამი საინფორმაციო შეხვედრა ჩატარდა.
ძალადობის წინააღმდეგ კამპანიაში აქტიურად იყვნენ ჩართული სენაკის ახალგაზრდული ჯგუფის წევრებიც. მონაწილეებმა ძალადობის პრევენციის საქმესა და ცნობიერების ამაღლებაში ახალგაზრდების ჩართულობის შესახებ ისაუბრეს.აღნიშნა, რომ მოსახლეობის ინფორმირება ამ კუთხით გადამწყვეტია.
პროექტი ხორციელდება USAID-ის მხარდაჭერით
„არ ველოდი, რომ ჩემი ოჯახი ფონდიდან ამდენ პროდუქტს მიიღებდა. ძალიან ამაღელვებელია ეს საჩუქარი. ასეთი მასშტაბის დახმარება საქართველოში პირველად მივიღე. და, რაც მთავარია, დახმარებას ადამიანური სახე აქვს. ეს არ არის ფორმალიზებული, არ არის მშრალი, არ არის „საჩვენებლად“ გაკეთებული. სითბოს ვგრძნობდი ყველასგან, ვისთანაც ვურთიერთობდი. ამასთან ერთად გაჩნდა განცდა, რომ ყველაფერი კარგად იქნება.“
„დიდი მადლობა თქვენს ფონდს ჩემი ოჯახის დახმარებისთვის. ღმერთმა ყველა დაგიფაროთ და ასჯერ მეტი სიკეთე და სიუხვე მოგცეთ.“
„გულითად მადლობას ვუხდი დახმარებისთვის ყველას, ვინც მონაწილეობდა. დაე, ჯანმრთელობად და კეთილდღეობად დაგიბრუნდეთ.“
ეს არის იმ უკრაინელი ქალების გამოძახილი, ვინც მხარდაჭერა მიიღო ჩვენი ორგანიზაციისგან.
ყველაფერი თებერვალში დაიწყო.
ომის პირველ დღეს, 24 თებერვალს, ჩვენ უკრაინელი ქალებისადმი სოლიდარობის მიმართვა გავავრცელეთ.
შევაგროვეთ 10 000 ლარი და 28 თებერვალს ამანათები გავაგზავნეთ.
ზუგდიდის მუნიციპალიტეტში სოფელ კოკის ქალთა საინიციატივო ჯგუფის წევრებთან ჩატარდა ტრენინგი თემაზე: „ქალები და ახალგაზრდები სამშვიდობო მოძრაობაში, გაეროს რეზოლუცია 1325 და 2250-ის იმპლემენტაციის ხელშეწყობა“.
მონაწილეებმა ინტერაქტიულად განიხილეს რამდენად მნიშვნელოვანია ქალის როლი სამშვიდობო საქმიანობაში, რა უნდა გაკეთდეს ნდობის ფაქტორის გასაძლიერებლად.
ტრენინგის მეორე ნაწილი 1325 რეზოლუციის განხილვას მიეძღვნა. ჯგუფის წევრებმა იმუშავეს იმ ძირითად აქტივობებზე, რომლებიც ხელს შეუწყობს 1325 რეზოლუციის დანერგვას მუნიციპალურ დონეზე.
მონაწილეების შეფასებით, ტრენინგიდან მიღებული ინფორმაციები ხელს შეუწყობს ქალთა გააქტიურებას სამშვიდობო მიმართულებით.
პროექტი ხორციელდება USAID-ის მხარდაჭერით
„ქალები და ახალგაზრდები სამშვიდობო მოძრაობაში: გაეროს რეზოლუცია 1325 და 2250 იმპლემენტაციის ხელშეწყობა“ - ამ რთული თემის განხილვა საინტერესო და სახალისო აქტივობებით მოხდა ტრენინგზე, რომელიც დიდინეძის (ზუგდიდის მუნიციპალიტეტი) ახალგაზრდული საინიციატივო ჯგუფისთვის ჩატარდა.
იყო მსჯელობა აქტუალურ საკითხებზე, ჯგუფური მუშაობა, დისკუსიები, სამშვიდობო ინიციატივების დაფიქსირება და, რა თქმა უნდა, თამაშები, რაც ძალიან უყვართ ბავშვებს...
პროექტი ხორციელდება USAID-ის მხარდაჭერით
სამშვიდობო პროცესებში ქალთა ჩართულობა, სამშვიდობო აქტივობების მნიშვნელობა და შედეგები-ამ თემებზე იმსჯელეს სენაკსა და წყალტუბოში, ქალთა საინიციატივო ჯგუფებთან გამართულ შეხვედრაზე. მონაწილეთა აზრით, წარმატებული ქალების მოსმენა, სამშვიდობო ინიციატივები ხელს შეუწყობს ქალთა გააქტიურებას და სამშვიდობო საკითხების პოპულარიზებას.
რისი გაკეთება შეუძლიათ ახალგაზრდებს საკუთარ მუნიციპალიტეტებში მშვიდობის კულტურის დამკვიდრებისთვის- ამ საკითხზე კი წყალტუბოსა და სენაკის ახალგაზრდული ჯგუფების წევრებმა ისაუბრეს. შეხვედრამ ორივე ქალაქში დისკუსიის ფონზე , საინტერესო იდეების ერთმანეთში გაცვლით და სამომალო გეგმებზე მსჯელობით ჩაიარა.
პროექტი ხორციელდება USAID-ის მხარდაჭერით
ხონის მუნიციპალიტეტისა და ქუთაისის ქალთა საინიციატივო ჯგუფების წევრებმა ,,რეზოლუცია 1325 - ის ,, სტრატეგიით შემუშავებულ აქტივობებზე იმსჯელეს და ქალთა ჩართულობის აუცილებლობა და მნიშვნელობა აღნიშნეს. შემდეგ კი 16 დღიანი საერთაშორისო კამპანიის ფარგლებში ჩასატარებელი ღონისძიებები დაგეგმეს. რაც შეეხება ხონის ახალგაზრდული ჯგუფის წევრებს, ისინი სამოქალაქო ფორუმზე შემუშავებული აქტივობების განსახორციელებლად აქტიურად მუშაობენ და მნიშვნელოვან როლს ასრულებენ მშვიდობის კულტურის დანერგვასა და ნდობის აღდგენის საკითხებში ქუთაისის ახალგაზრდული საინიციატივო ჯგუფის წევრებისთვის კი განსაკუთრებით საინტერესო აღმოჩნდა ფონდ „სოხუმის“ წარმომადგენლების მიერ ჩატარებული ტრენინგი თემაზე: „ქალები და ახალგაზრდები სამშვიდობო მოძრაობაში, გაეროს რეზოლუცია 1325 და 2250-ის იმპლემენტაციის ხელშეწყობა.“
პროექტი ხორციელდება USAID-ის მხარდაჭერით
პედაგოგები, გენდერული თანასწორობის საბჭოს წევრები, მერიის თანამშრომლები და სოციალური სააგენტოს წარმომადგენლები ესწრებოდნენ საინფორმაციო შეხვედრებს ხობის მუნიციპალიტეტის მერიაში. საინფორმაციო შეხვედრა ასევე ჩატარდა სამტრედიის მე-3 საჯარო სკოლაში და მასში მონაწილეობდნენ პედაგოგები და სკოლის ადმინისტრაცია.
შეხვედრებზე აღინიშნა, რომ, პრობლემის სიმწვავიდან გამომდინარე, მნიშვნელოვანია ყველას ჩართულობა კამპანიაში „16 აქტიური დღე ქალთა მიმართ ძალადობის წინააღმდეგ“.
მონაწილეები გაეცნენ ძალადობის მსხვერპლთა ციფრულ რესურსცენტრს https://sosfsokhumi.ge/, რომელმაც დიდი დაინტერესება გამოიწვია. აღინიშნა, რომ მნიშვნელოვანია ამ გვერდზე მოთავსებული ინფორმაციის გავრცელება, რათა მსხვერპლმაც და მოძლადემაც მიიღონ ინფორმაცია დამცავ თუ რეაგირების მექანიზმებზე. ყოველივე ეს ხელს შეუწყობს ძალადობის პრევენციას.
პროექტი ხორციელდება გენდერული თანასწორობის ფონდის მხარდაჭერით (კანადა)
კიდევ ორი საინფორმაციო შეხვედრა ჩატარდა დეკემბერში კანადის თანასწორობის ფონდის მხარდაჭერით.
პირველი შეხვედრა გაიმართა ჩოხატაურის საკრებულოს სააქტო დარბაზში (მონაწილეები: საბავშვო ბაღების აღმზრდელები და ხელმძღვანელები), მეორე - თერჯოლის მუნიციპალიტეტის სოფელ ეწერის საჯარო სკოლაში (მონაწილეები: უფროსკლასელები და პედაგოგები).
შეხვედრებზე ისაუბრეს გენდერული ძალადობის წინააღმდეგ მიმართულ 16- დღიან კამპანიაზე და საზოგადოების ჩართულობის მნიშვნელობაზე ძალადობის აღმოფხვრის პროცესში. ყველამ აღნიშნა, რომ აქტიური ჩართვა აუცილებელია, რათა მოხდეს ფაქტების დროული გამოვლენა და შემდგომ - მათზე რეაგირება.
შეკრებილები ინტერესით გაეცნენ ქალთა ფონდი „სოხუმის“ ვებგვერდს https://sosfsokhumi.ge/, სადაც განთავსებულია ამომწურავი ინფორმაცია რეაგირების მექანიზმებზე და მსხვერპლის მხარდაჭერაზე.
პროექტი ხორციელდება გენდერული თანასწორობის ფონდის
ქალთა ფონდი „სოხუმის“ ორგანიზებით და „ქალთა ეროვნული ლიგის" მოხალისებრივი ჩართულობით, პროექტის - „ქალების, მშვიდობისა და უსაფრთხოების დღის წესრიგის ლოკალიზაციის“ ფარგლებში, ქუთაისში, სასტუმრო „ბაგრატში“ 18-19 დეკემბერს ჩატარდა ტრენინგი თემაზე: „ოჯახების მომზადება საომარი და საგანგებო სიტუაციებისთვის“.
ტრენინგს ესწრებოდნენ კონფლიქტის შედეგად დაზარალებულ და დევნილთა დასახლებაში მცხოვრებ ქალთა საინიციატივო ჯგუფის წევრები.
ტრენინგი მოიცავდა როგორც თეორიულ, ისე პრაქტიკულ ნაწილს. პირველი დღე დაეთმო პირველადი სამედიცინო დახმარების ბაზისებს და ევაკუაციის საკითხს, ხოლო მეორე - სამოქალაქო მზადყოფნისა და უსაფრთხოების მნიშვნელობისა და პრინციპების განხილვას.
ტრენინგის მონაწილეებმა ერთმანეთს გაუზიარეს ომისდროინდელი ისტორიები, ისაუბრეს სირთულეებისა და გამოწვევების შესახებ.
ტრენინგს ესწრებოდნენ აშშ-ის არმიის სამოქალაქოთა დახმარების სამხედრო ჯგუფის წარმომადგენლები.
პროექტი ხორციელდება
გაეროს ქალთა ორგანიზაციის მხარდაჭერით
სენაკის ქალთა საინიციატივო ჯგუფის წევრებმა გეგმურ ონლაინ შეხვედრაზე ადვოკატირების პროცესის დინამიკა შეაფასეს. მოისმინეს ახალი ინფორმაციები, რომელიც ადვოკატირების პროცესში დაგროვდა.
მომდევნო ნაწილში ჯგუფის წევრები გაეცნენ ადგილობრივი სახელმწიფო სტრუქტურების მიერ რეზოლუცია 1325-ის ადგილზე იმპლემენტაციის მიზნით შემუშავებულ სტრატეგიას.
ქალთა ჯგუფი აქტიურად გააგრძელებს ადგილობრივ სტრუქტურებთან თანამშრომლობას სტრატეგიაში გაწერილი ძირითადი ამოცანების შესასრულებლად.
პროექტი ხორციელდება
გაეროს ქალთა ორგანიზაციის მხარდაჭერით