სოციალური მედია თანამედროვე ცხოვრების განუყოფელი ნაწილი გახდა, თუმცა, უსაფრთხოა კი ის ახალგაზრდებისთვის? კვლევები გვიჩვენებს, რომ ონლაინ სივრცე სავსეა საფრთხეებით, რომლებიც განსაკუთრებით მოზარდებს აზარალებს.
ქალთა ფონდი „სოხუმის“ კვლევის მიხედვით, ყოველი მეოთხე მოსწავლე პირადად გამხდარა კიბერბულინგისა და ონლაინ ძალადობის მსხვერპლი. TikTok-სა და Facebook-ზე გოგონები განსაკუთრებით ხშირად აწყდებიან შევიწროებასა და შეურაცხმყოფელ კომენტარებს, რაც მათ ემოციურ კეთილდღეობაზე უარყოფითად მოქმედებს. ამასთან, ბიჭები ხშირად ხვდებიან ჰაკერული თავდასხმებისა და ფინანსური ზეწოლის მსხვერპლად.
ონლაინ უსაფრთხოება მხოლოდ ინდივიდუალური პასუხისმგებლობა არ არის – ეს მთელი საზოგადოების ამოცანაა. მხოლოდ ერთობლივი ძალისხმევით შევძლებთ, რომ ციფრული სივრცე ახალგაზრდებისთვის უფრო უსაფრთხო და მეგობრული გახდეს.
საქართველოში ქალთა კონგრესი მარტში დაარსდა. მისი ჩატარების იდეა წარმოიშვა 2024 წელს პოლონელ ქალთა კონგრესში ქალთა საინფორმაციო ცენტრის მონაწილეობის შემდეგ. კონგრესის მიზანია ქალთა როლის გაძლიერება დემოკრატიის მშენებლობაში, მათი აქტიური ჩართულობის ხელშეწყობა და გენდერული თანასწორობის მიღწევა.
კონგრესში მონაწილეობა მიიღეს სხვადასხვა სფეროს და თაობის ქალებმა, რომლებიც დაინტერესებულები არიან აქტუალური საკითხებით: ძალადობის პრევენცია, ანტიგენდერული მოძრაობის წინააღმდეგ ბრძოლა, ქალთა პოლიტიკური მონაწილეობის ხელშეწყობა, ქალთა ეკონომიკური გაძლიერება, გენდერული პოლიტიკის გატარება, „ქალები, მშვიდობა და უსაფრთხოების“ დღის წესრიგის განხორციელება და სხვ.
საქართველოში კონგრესის მხარდამჭერები არიან ადგილობრივი და საერთაშორისო პარტნიორები. ქალთა კონგრესს ესწრებოდნენ ქალები, რომლებიც აქტიურად თანამშრომლობენ ჩვენს ორგანიზაციასთან.
პროექტი ხორციელდება გაეროს ქალთა ორგანიზაციის მხარდაჭერით
ქალთა ფონდმა „სოხუმმა“ წალენჯიხაში საბაზისო ჭრა-კერვის კურსი გახსნა.
კურსი თებერვალში დაიწყო და ორი თვის განმავლობაში გაგრძელდება.
პედაგოგმა ნანა კალანდიამ თავის სახლში გამოყო ადგილი და უკვე მოეწყო ყველაფერი, რაც სწავლებისთვისაა საჭირო - შეტანილია საკერავი მანქანები, ნაჭრები, ძაფები...
ქალები ინტერესით სწავლობენ თარგების გამოჭრას, კერვას, მუშაობენ დიზაინზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
თებერვლიდან დასავლეთ საქართველოს 10 მუნიციპალიტეტში - ვანი, თერჯოლა, სამტრედია, ხონი, წყალტუბო, სენაკი, ხობი, ზუგდიდი, წალენჯიხა, ჩოხატაური - პარასპეციალისტების ჯგუფმა დაიწყო მუშაობა. ჯგუფის წევრებმა უკვე გაიარეს შესაბამისი ტრენინგი და მიღებულ ინფორმაციებს პრაქტიკაში იყენებენ.
პარასპეციალისტები ატარებენ ინდივიდუალურ შეხვედრებს თემებში, იკვლევენ ქალთა საჭიროებებს, აწვდიან ინფორმაციას ქალთა გაძლიერების ეკონომიკურ პროგრამებზე, სხვადასხვა სერვისზე.
ინფორმაციის მიწოდების პარალელურად ჯგუფის წევრები კონსულტაციებს უწევენ იდენტიფიცირებულ შემთხვევებს და ამისამართებენ საჭირო მიმართულებით.
პარასპეციალისტების მუშაობა მიზნად ისახავს ოჯახური ძალადობის შემთხვევების პრევენციას, ქალთა ინფორმირებას და გაძლიერებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისში გაიმართა შეხვედრა თემაზე: „ბაგა-ბაღები, ოჯახი, თემი - სოციალური პარტნიორობა ბავშვის კეთილდღეობისთვის“.
მონაწილეებმა მოისმინეს ინფორმაცია ქალთა ფონდი „სოხუმის“ კვლევის - „სკოლამდელი დაწესებულებების სასწავლო-აღმზრდელობით პროცესში ოჯახისა და თემის მონაწილეობის ძირითადი ასპექტები“ შესახებ.
დისკუსიამ გამოკვეთა ინფორმაციის გაცვლის და კოორდინაციის მნიშვნელობა იმ სტრუქტურებს შორის, რომლებიც მუშაობენ ბავშვთა უფლებების დაცვის, სხვადასხვა სოციალური სერვისის მიწოდების მიმართულებით.
„პრობლემა ბევრია, თუმცა ჩვენ, ყველას, მშობლებისა და თემის მონაწილეობის გაძლიერებით შეგვიძლია დავძლიოთ ის წინაღობები, რომლებიც ხელს უშლის ბავშვისთვის სრულფასოვანი, პოზიტიური გარემოს შექმნას, “- ასეთი იყო მონაწილეთა განწყობა.
შეხვედრას ესწრებოდნენ მშობლები, პედაგოგები, ბავშვის უფლებადამცველები, სპეციალური სერვისის მიმწოდებელი ცენტრები, საბავშვო ბაღის მმართველები, დარგის სპეციალისტები, ექსპერტები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისში, ბავშვის უფლებათა ცენტრში ქალთა ფონდი „სოხუმის“ ორგანიზებით მრგვალი მაგიდა გაიმართა თემაზე „ბაგა-ბაღები, ოჯახი, თემი - სოციალური პარტნიორობა ბავშვის კეთილდღეობისთვის“.
შეხვედრას ესწრებოდნენ მშობლები, პედაგოგები, ჟურნალისტები, ბავშვის უფლებადამცველები, სოციალური სამსახურის წარმომადგენლები, საბავშვო ბაღის მმართველები და დარგის სპეციალისტები, ექსპერტები.
მონაწილეებმა გაეცნენ კვლევას „სკოლამდელი დაწესებულებების სასწავლო-აღმზრდელობით პროცესში ოჯახისა და თემის მონაწილეობის ძირითად ასპექტებზე“, ძირითად მიგნებებს, რომლებიც სკოლამდელი დაწესებულებების სასწავლო აღმზრდელობით პროცესში ოჯახისა და თემის მონაწილეობის მიმართულებით იკვეთება.
მრგვალი მაგიდის მონაწილეებმა გაცვალეს ინფორმაციები ოჯახისა და თემის მონაწილეობის კომპონენტის პოზიტიურ ზეგავლენაზე, საინტერესო პრაქტიკასა და იმ გამოწვევებზე, რომელთაც ამ სფეროში აწყდებიან. მათი შეფასებით, მსგავსი ტიპის შეხვედრები ხელს შეუწყობს მშობლებსა და ბავშვთა უფლებებზე მომუშავე სუბიექტებს შორის კოორდინაციისა და თანამშრომლობის გაზრდას, სოციალური პარტნიორობის გაუმჯობესებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წყალტუბოს და ვანის ქალთა ურთიერთდახმარების ჯგუფების შეხვედრებზე განხილული იყო მუნიციპალური თუ არასამთავრობო ორგანიზაციების მხრიდან შეთავაზებული სერვისები. სამტრედიის ჯგუფი ახალი წევრებით შეივსო, ამიტომაც გაჩნდა ახალი ქეისები. საჭიროა მათი დროულად დამუშავება და თითოეულზე რეაგირება. ქობულეთში ჯგუფის წევრებმა თავიანთი პრობლემები და საჭიროებები დააფიქსირეს. საჭიროებებზე ისაუბრეს თერჯოლაში, ზუგდიდში, წალენჯიხაში, სენაკსა და ხობში. ჩოხატაურელ ქალებს სურვილი აქვთ, გაიარონ პოლიმერულ თიხაზე მუშაობის კურსები, რადგან ეს თერაპიასთან ერთად დასაქმების ერთ-ერთი გზაა.
ქალებისთვის მნიშვნელოვანია, რომ მათთან პერიოდულად მუშაობს ქალთა ფონდი „სოხუმის“ ფსიქოლოგი, რომელიც პრობლემების მოგვარებაში ეხმარება მათ.
პროექტი ხორციელდება გენდერული თანასწორობის ფონდის მხარდაჭერით (კანადა)
ქსელურ შეხვედრაში მონაწილეობდნენ დევნილი ქალები და გოგონები 5 სამიზნე მუნიციპალიტეტიდან (ქუთაისი, ხონი, წყალტუბო, სენაკი, ზუგდიდი). შეხვედრაზე მონაწილეები გაეცნენ პროექტის შემფასებლის ანალიზს და ისაუბრეს სამომავლო თანამშრომლობის პერსპექტივებზე.
რესურსებზე და შესაძლებლობებზე წვდომა – ქალებმა აღნიშნეს, რამდენად ხელმისაწვდომია მათთვის საჭირო რესურსები და შესაძლებლობები, როგორ აწყდებიან ბარიერებს და რა ტიპის მხარდაჭერა სჭირდებათ.
სოციალური ცვლილებების მხარდაჭერა – მონაწილეებმა იმსჯელეს, რამდენად შეუძლიათ გავლენა მოახდინონ საკუთარ თემში არსებულ სოციალურ თუ ინფრასტრუქტურულ პრობლემებზე, განსაკუთრებით დევნილთა და კონფლიქტით დაზარალებული მოსახლეობის საჭიროებების კონტექსტში.
დისკუსიამ წარმოაჩინა ქალთა საჭიროებები, გამოწვევები და შესაძლებლობები, რაც დაეხმარება მომავალი ინიციატივების უკეთ დაგეგმვას. მონაწილეებმა ხაზი გაუსვეს პროექტის მნიშვნელობას და ქალთა ფონდ „სოხუმთან“ თანამშრომლობის დადებით მხარეებს.
პროექტი ხორციელდება გაეროს ქალთა ორგანიზაციის მხარდაჭერით
ქალთა ფონდი „სოხუმის“ თბილისის ოფისის ხელმძღვანელი - ეკატერინე გამახარია, აქტივისტ ვერო მელუასთან ერთად საუბრობს, თუ რა გამოწვევების წინაშე დგანან დღეს დევნილები ტვ „ფორმულას“ ეთერში გადაცემაში „ხალხთან ერთად“.
„ძალიან ბევრი გამოწვევა, რომლის წინაშეც დევნილები არიან, საზოგადოების ყურადღების მიღმაა და პრაქტიკულად, არასდროს ყოფილა ან ძალიან იშვიათად, პოლიტიკური და სოციალური დღის წესრიგის ნაწილი,“ - განაცხადა ეკატერინე გამახარიამ.
როგორ აისახება ოჯახში ძალადობა ქალების ცხოვრებაზე? რა ბარიერებს აწყდებიან ისინი და როგორია გამოსავალი?
ეს ვიდეო დაფუძნებულია რეალურ ისტორიებზე და ასახავს ქალთა გამოცდილებებს, გამოწვევებს და გაძლიერების გზებს. ვიდეოს საფუძვლად უდევს ქალთა ფონდი „სოხუმის“ კვლევა და მხარდაჭერის სერვისები.