ქალთა ფონდი „სოხუმის“ ადვოკატირების ჯგუფმა დასავლეთ საქართველოს 10 სამიზნე მუნიციპალიტეტში (წყალტუბო, ხონი, თერჯოლა, ვანი, სამტრედია, სენაკი, ხობი, ჩოხატაური, წალენჯიხა, ზუგდიდი - სოფელი ხურჩა) ონლიან და ოფლაინ ფორმატით ჩაატარა შეხვედრები ქალთა ადვოკატირების ჯგუფებებთან.
შეხვედრებზე გამოვლინდა პრობლემები, გამოიკვეთა საჭიროებები და დაიგეგმა კონკრეტული ნაბიჯები პრობლემების ადვოკატირებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მომზადდა და გამოიცა ახალი კვლევის ანგარიში „ადრეული და სკოლამდელი აღზრდისა და განათლების სახელმწიფო სტანდარტის სასწავლო-აღმზრდელობით პროცესში ოჯახისა და თემის მონაწილეობის კომპონენტის გენდერული ზეგავლენის შეფასება“.
ანგარიშში გამოიკვეთა აღნიშნული სტანდარტის მუშაობის ზეგავლენა აღსაზრდელებზე, მშობლებზე, თემზე, სკოლამდელ დაწესებულებებზე. წარმოდგენილია საინტერესო მიგნებები და რეკომენდაციები, რომლებიც ეფუძნება გამოვლენილ საჭიროებებს, მშობლების, პედაგოგების, დარგის სპეციალისტების წინადადებებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხონის დევნილ ქალთა ქსელის შეხვედრა ონლაინ ფორმატში ჩატარდა. ქსელის წევრებმა განიხილეს ადვოკატირებისთვის არჩეული თემები.
დევნილთა დასახლებისთვის მნიშვნელოვანია აფთიაქის, სუპერმარკეტის არსებობა, რადგანად დასახლება ცენტრიდან მოშორებით არის და არ მოძრაობს შიდა ტრანსპორტი. ქალებისთვის კი გადაადგილება პრობლემაა - როგორც ფინანსური ისე დროის ფაქტორით. პრობლემის აქტუალიზაციის წარმოსაჩენად იგეგმება პეტიციის მომზადება და ხელმოწერა შესაბამის აქტორებთან წარსადგენად.
პროექტი ხორციელდება გაეროს ქალთა ორგანიზაციის
მხარდაჭერით
სენაკის ქალთა საინიციატივო ჯგუფი აქტიურად მუშაობს იმ პრობლემების მოგვარებაზე, რომელიც ჯგუფის წევრთა აქტიური ჩართულობით იქნა იდენტიფიცირებული. გამოწვევების მიუხედავად, ადვოკატირების პროცესი დინამიურად გრძელდება. ჯგუფის წევრები ეძებენ გზებს და რესურსებს პრობლემების მოსაგვარებლად, სისტემატური კავშირი აქვთ პასუხისმგებელ პირებთან.
ადვოკატირების პარალელურად, სამუშაო ჯგუფის წევრები აქტიურად მუშაობენ თემში არსებული პრობლემების გამოვლენისთვის. ყოველთვიურ შეხვედრებზე ისინი საჭირო ინფორმაციებს უზიარებენ ერთმანეთს.
პროექტი ხორციელდება გაეროს ქალთა ორგანიზაციის
მხარდაჭერით
„პირველად ვიგრძენი ასეთი დიდი დახმარება, იმედი, პატივისცემა. გავიგე სოციალური სერვისებისა და ჩემი უფლებების შესახებ, როგორ მივაღწიო სამართლიანობას. მადლობას გიხდით ყველას მხარდაჭერისთვის, ყურადღებისა და სითბოსთვის, გისურვებთ დიდ წარმატებებს ამ რთულ საქმეში, რომელსაც აკეთებთ“.
ეს ქალთა ფონდი „სოხუმის“ სარებილიტაციო ცენტრის ერთ-ერთი სტუმრის სიტყვებია.
2024 წელს ცენტრში 71 ბენეფიციარმა გაიარა რეაბილიტაცია (39 ქალი და 32 არასრულწლოვანი).
ცენტრში ტარდება ფსიქოლოგის, იურისტის, სოციალური მუშაკის და ბავშვებთან ურთიერთობის ასისტენტის კომპლექსური მუშაობა ძალადობის მსხვერპლ, ძალადობაგამოვლილ და კრიზისულ მდგომარეობაში მყოფ ქალებთან.
ცენტრიდან ყველა ქალი უფრო ძლიერი მიდის, თავდაჯერებული, ინფორმირებული. მათმა უმეტესობამ შეცვალა თავისი ცხოვრება.
იანვრის მეორე ნახევარში სარებილიტაციო ცენტრმა ახალი სტუმრები მიიღო და გაგრძელდა ჩვეული მუშაობა ქალებთან და ბავშვებთან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდ „სოხუმში“ შექმნილი დღის სარებილიტაციო ცენტრები პრაქტიკულ დახმარებას უწევენ ძალადობის მსხვერპლ და კრიზისულ მდგომარეობაში მყოფ ქალებს.
გასულ წელს ქუთაისის ცენტრში პოლიმერულ თიხაზე მუშაობა ისწავლა 28 ქალმა, 5-მა კი ფრჩხილების მოვლის კურსი დაამთავრა. თერჯოლის დღის ცენტრში 5-მა ქალმა გაიარა თიხაზე მუშაობს და ამდენივემ - კოსმეტოლოგიის კურსი. ჩოხატაურში ჭრა-კერვის კურსი მოქმედებს და 9 ქალია მისი კურსდამთავრებული.
კურსების დასრულების შემდეგ ქუთაისსა და თერჯოლაში გაიმართა ტრენინგები, სადაც მონაწილეებმა შეისწავლეს ბიზნეს იდეის ჩამოყალიბება და პროექტის გაწერა. საკონკურსო კომისიას წარედგინა 15 საპროექტო განაცხადი. კონკურსის საფუძველზე გამოვლინდა 4-4 პროექტი ქუთაისიდან და თერჯოლიდან, რომელთაც მიიღეს მცირე გრანტები.
2024 წელს ჩვენი დახმარებით 52-მა ქალმა შეისწავლა ახალი საქმე, მათი დიდი ნაწილი უკვე თვითდასაქმებულია. ისინი კმაყოფილები არიან იმის გამო, რომ ახალი პროფესიის შესწავლასთან ერთად შეუძლიათ საკუთარი საქმის დაწყება და თავიანთი ეკონომიკური მდგომარეობის გაუმჯობესება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წყალტუბოს დევნილთა თემში ქალები და გოგონები პრობლემების ადვოკატირებისთვის კვლავ აქტიურდებიან. მათ პროექტის ფარგლებში დაგროვილი ცოდნა და გამოცდილება პრაქტიკაში გადაიტანეს და ცდილობენ, მეტად გააუმჯობესონ თემის სოციალური გარემო.
საინიციატივო ჯგუფი მიზნად ისახავს კონკრეტული ინფრასტრუქტურული საჭიროებების მოგვარებას. ამჯერად მთავარი ფოკუსია ტრანსპორტის მოსაცდელის, სპორტული მოედნის მოწყობა და ბავშვთა ატრაქციონის განახლება.
ეს ინიციატივები ხორციელდება არა მხოლოდ ადგილობრივი მოსახლეობის კეთილდღეობის გასაუმჯობესებლად, არამედ მნიშვნელოვანი წინაპირობაა მუნიციპალიტეტის დონეზე „ქალი, მშვიდობა და უსაფრთხოების“ პრინციპების ხელშეწყობისთვის.
ჯგუფი გეგმავს წერილის შეტანას ადგილობრივ ხელისუფლებასთან, რათა დასახული საკითხები ადრეულ ეტაპზე განიხილონ და საჭირო გადაწყვეტილებები მიიღონ.
წყალტუბოს ქალთა ჯგუფი მოტივაციას უმაღლებს მოსახლეობას, რომ აქტიური ჩართულობით შესაძლებელია არა მხოლოდ პრობლემების იდენტიფიცირება, არამედ მათი წარმატებული მოგვარება.
პროექტი ხორციელდება გაეროს ქალთა ორგანიზაციის
მხარდაჭერით
ქუთაისის ქალთა საინიციატივო ჯგუფის წევრებთან ჩატარებულ საინფორმაციო შეხვედრაზე აღინიშნა, რომ პროექტის ფარგლებში გაიზარდა მათი ცოდნა რისკების შერბილების აუცილებლობაზე.
ადვოკატირებისთვის ქალებმა შემდეგი პრობლემები აირჩიეს:
- ჭომა, ლესელიძის №3, პირველი კორპუსი - სახურავიდან ჩამომავალი წყლის საწრეტების პრობლემა
- ილია ჭავჭავაძის №58 - საბავშვო ატრაქციონების განახლება
- გურამ გაბესკირიას ქუჩა, კოტეჯი №2 - სანიაღვრე სისტემის პრობლემა და გზის დაგება
ქალებს თავიანთ დასახლებებში არაერთი პრობლემა მოუგვარებიათ. მათ იციან, როგორ შეარჩიონ ადრესატები, ვის მიმართონ პრობლემების მოსაგვარებლად. უკვე მოამზადეს წერილები და შეხვდნენ პასუხისმგებელ პირებს.
შეხვედრის მონაწილეებს გააზრებული აქვთ ადვოკატირების სწორი წარმართვის და სამოქალაქო ჩართულობის მნიშვნელობა.
პროექტი ხორციელდება გაეროს ქალთა ორგანიზაციის
მხარდაჭერით
ზუგდიდის ქალთა საინიციატივო ჯგუფის წევრები აქტიურად განაგრძობენ ადვოკატირებისთვის შერჩეულ პრობლემებზე მუშაობას.
ისინი ინგირის თემში გარე განათების და შიდა გზების მოწესრიგებას და არსებული მინიატრაქციონის გაფართოებას აპირებენ. ამ საჭიროებების მოსაგვარებლად აქტიური ქალები შეხვდნენ მერის წარმომადგენელს და შუამდგომლობის დაპირებებიც მიიღეს.
პროექტის ფარგლებში ქალებმა და გოგონებმა გაიუმჯობესეს უნარ-ჩვევები, ისწავლეს მტკიცებულებაზე დაფუძნებული ადვოკატირების გზები და გაიზარდა მათი ცნობიერება რისკების შერბილების აუცილებლობაზე.
პროექტი ხორციელდება გაეროს ქალთა ორგანიზაციის
მხარდაჭერით
ქალთა ფონდმა „სოხუმმა“ წარმატებით დაასრულა 2024 წელი. წლის ბოლოს ორგანიზაციის თანამშრომლები შემაჯამებელ შეხვედრაზე შეიკრიბნენ.
ქალთა ფონდი „სოხუმის“ თავმჯდომარემ ალლა გამახარიამ მოკლედ მიმოიხილა შესრულებული სამუშაოები და მიღწევები.პროექტების ასისტენტებმა ისაუბრეს ცალკეულ პროექტებზე, მიმართულებებზე, შედეგებსა და წარმატების ისტორიებზე. პროექტების უმეტესობა გაგრძელდება 2025 წელს. საპროექტო გუნდები მზად არიან, ახალ წელსაც ჩვეული ენერგიით და აქტიურობით განაგრძონ მუშაობა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)