აღნიშნულ დოკუმენტში წარმოდგენილია ქალთა ფონდი „სოხუმის“ მიერ 2024 წლის მარტი-მაისში 10 სამიზნე მუნიციპალიტეტში ჩატარებული რაოდენობრივი კვლევის ცალკეული მიგნებები, რაც ქალთა პირადი უსაფრთხოების ხარისხის შეფასებას ეხება. კვლევის ფარგლებში გამოიკითხა 1027 ქალი. მოცემული დოკუმენტის ფოკუსია ქალთა პირადი უსაფრთხოების ხარისხის შეფასება და იმ ფაქტორების იდენტიფიცირება, რომლებიც მათ საფრთხისა და დაუცველობის განცდას უჩენს. კვლევის შედეგების თანახმად, ქალებისთვის ძირითად საფრთხეს წარმოადგენს სიღარიბე და უმუშევრობა. გასულ წელთან შედარებით გაზრდილია მიგრაციის სურვილი.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდმა „სოხუმმა“ ახალი კამპანია დაიწყო გენდერული დეზინფორმაციის შესახებ სლოგანით - „მიიღე სიმართლე, უარყავი გენდერული დეზინფორმაცია“.
კამპანიის ფარგლებში ვაწარმოებთ ინსტაგრამს - womenfundsukhumi. შეგიძლიათ გამოგვიწეროთ და ჩვენს შემეცნებით პოსტებს გაეცნოთ. კერძოდ, თუ რა არის გენდერული დეზინფორმაცია და რა მითები და სტერეოტიპები არსებობს მასთან დაკავშირებით.
გამოგვყევით ინსტაგრამზე - https://www.instagram.com/womenfundsukhumi/
და ასევე ტიკტოკზე - https://www.tiktok.com/@womenfundsukhumi?is_from_webapp=1&sender_device=pc
ქალთა ფონდი „სოხუმის“ ოფისში გაიმართა სამუშაო შეხვედრა, რომელშიც მონაწილეობდნენ საინიციატივო ჯგუფის წევრები - დევნილი ქალები და გოგონები ქუთაისის სხვადასხვა კოლექტიური ცენტრიდან.
ჯგუფის წევრები ცდილობენ, მაქსიმალურად გამოიყენონ ტრენინგებზე შეძენილი უნარები და მოტივირებულები არიან თავიანთი პრობლემების მოგვარებისთვის. მათი თქმით, პროექტმა გააძლიერა ყოველი მონაწილე, დაარწმუნა საკუთარ შესაძლებლობებში. ყოველივე ეს კი აუცილებელი პირობაა ადვოკატირების წარმატებულად წარმართვისთვის.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისის დევნილთა სათემო ცენტრში სამუშაო შეხვედრას საინიციატივო ჯგუფის წევრი, იძულებით გადაადგილებული ქალები და გოგონები ესწრებოდნენ. ისინი ინფორმირებულები არიან ადვოკატირების საკითხებზე და თავიანთი კომპეტენციის გამოყენებას პრაქტიკაში შეეცდებიან დასახლების პრობლემების მოსაგვარებლად.
ქალებმა აღნიშნეს:
„მიღებული გამოცდილება დაგვეხმარება შესაბამის უწყებებთან წარმატებულ ადვოკატირებაში“.
„როცა პრობლემას ვხედავ, მაშინვე ვიწყებ რეაგირებას, წერილის მომზადებას, ხელმოწერების და ფოტომასალის შეგროვებას, რადგან ვიცი, რომ მეტი მტკიცებულება უფრო მოიტანს წარმატებას“.
„წერილი გვაქვს თავისი მტკიცებულებებით, უკვე სტრუქტურირებულად დავიწყებთ ადვოკატირების პროცესს. თქვენი მხარდაჭერა მეტ მოტივაციას გვაძლევს. იმედი გვაქვს, რომ სირთულის აღმოჩენისას ხელს წაგვაშველებთ!“
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
სხვადასხვა კურსთან (ქართული ენა, ინგლისური ენა, სამსახიობო ხელოვნება, ფოტო და ვიდეოგადაღება, პოლიმერული თიხით ძერწვა, ქარგვა) ერთად, უკრაინელი, რუსი და ბელარუსი ბავშვებისთვის იმართება შთამბეჭდავი ღონისძიებები.
2 მაისს სასტუმრო „არგოს“ ხაჭაპურის მომზადების მასტერკლასით აღინიშნა ქუთაისის დღე - გვირილობა. ეს იყო გემოვნებისა და ოსტატობის ნამდვილი ზეიმი, სადაც ყველამ თავი დიდი ქართული ოჯახის წევრად იგრძნო.
პატარა მონაწილეებისთვის მოეწყო სენსორული თამაშები. ღონისძიების კულმინაცია იყო მონაწილეების მიერ მომზადებული ხაჭაპურების დეგუსტაცია.
17 მაისს ბავშვები ესტუმრნენ ტელერადიოკომპანია „რიონს“. მათ შეიხედეს სატელევიზიო მუშაობის კულისებში. გაიგეს, რა ეტაპებს გადის გადაცემა იდეიდან ეთერში გასვლამდე და რა ტექნოლოგიები გამოიყენება. ბავშვებზე განსაკუთრებული შთაბეჭდილება მოახდინა 105.5 FM რადიოსადგურის ტურმა.ისინი გაეცნენ რადიოწამყვანების მუშაობას, როგორ იქმნება რადიოკონტენტი, როგორ მიმდინარეობს პირდაპირი ტრანსლაცია.
ეს დღეები დაუვიწყარია თითოეული მონაწილისთვის.
https://www.facebook.com/61554495770111/videos/1387114788674857
პროექტი ხორციელდება ჩეხური ორგანიზაცია „ადამიანი გაჭირვებაში“
PIN მხარდაჭერით
მაისში საინტერესო მუშაობა მიმდინარეობდა ექვსივე კურსზე (ქართული ენა, ინგლისური ენა, სამსახიობო ხელოვნება, ფოტო და ვიდეოგადაღება, პოლიმერული თიხით ძერწვა, ქარგვა).
ფოტო და ვიდეოგადაღების ახალი ჯგუფი მაისის ბოლოს დასრულდა. მაისში ძერწვის ახალი ჯგუფი შეუდგა სწავლას. ბავშვები საკმაოდ ნიჭიერები არიან და გამოირჩევიან უჩვეულო ხედვით, ფანტაზიით, უნარებით. მაქსიმ ბელოვი, მაგალითად, თავის გამოგონილ საოცარ პერსონაჟებს ქმნის.
თანდათანობით უკეთესი შედეგები აქვთ ქართულის თუ ინგლისურის კურსების მონაწილეებს. ისინი კითხულობენ, წარმოთქვამენ სპეციფიკურ ბგერებს, ადგენენ წინადადებებს, წარმართავენ დიალოგებს.
მაისში ფსიქოლოგიც აქტიურად, გეგმის მიხედვით მუშაობდა. გაიმართა საუბრები ბავშვებთან შემდეგ თემებზე: გრძნობების პროგნოზი, ემოციების მართვა, თანაგრძნობა და ა.შ. გაიმართა 9 ჯგუფური და 10 ინდივიდუალური შეხვედრა.
ყველაზე მთავარი, რასაც ემსახურება პროექტი, არის მეგობრული ატმოსფერო, რომელიც ყველა კურსზე იგრძნობა. ბავშვები ეხმარებიან ერთმანეთს, განიცდიან, როცა რომელიმე მათგანი ავად ხდება...
26 მაისს საქართველოს დამოუკიდებლობის დღისადმი მიძღვნილ გამართულ ღონისძიებას ყველა ბავშვი ესწრებოდა. მათ წარმოადგინეს კურსებზე შექმნილი ნაძერწები და ნაქარგები, ასევე თავიანთი ნახატები. სამსახიობო კურსის მონაწილეებმა კი ლექსები წაიკითხეს ქართულ ენაზე.
პროექტი ხორციელდება ჩეხური ორგანიზაცია „ადამიანი გაჭირვებაში“
PIN მხარდაჭერით
ხონის ახალგაზრდული კლუბი წევრები შეუდგნენ პროექტის- “სალონური საუბრები,, განხორციელებას, რომელიც USAID-ის საგრანტო კონკურსის ფარგლებში დაუფინანსდათ. კლუბის წევრებთან შეხვედრა ხონის მესამე საჯარო სკოლაში გაიმართა. ახალგაზრდებმა პროექტის დეტალებზე იმუშავეს. განიხილეს დაგეგმილი აქტივობები, განსაზღვრეს მათი განხორციელების ვადები და გადაინაწილეს პასუხისმგებლობები.
ხონის ქალთა საინიციატივო პირველი ჯგუფის წარმომადგენლებმა კიდევ ერთელ გადახედეს კვლევის-„ადამიანური უსაფრთხოების ხარისხის შეფასება“ დასკვნებსა და რეკომენდაციებს და ადვოკატირებისთვის პრობლემებიც შეარჩიეს. ისინი მათ მოგვარებას ადგილობრივ ხელისუფლებასთან თანამშრომლობით გეგმავენ.
ხონის ქალთა საინიციატივო მეორე ჯგუფთან კი ტრენინგი ჩატარდა. მონაწილეები გაეცნენ ძალადობის მსხვერპლთათვის სახელმწიფო სერვისებს და საინტერესო კითხვებზე პასუხები კომპეტენტური პირისგან მიიღეს
წყალტუბოს ახალგაზრდული ჯგუფი აქტიურად მუშაობს სამშვიდობო მიმართულებით. მინი -პროექტები, რომელსაც ახალგაზრდები ახორციელებენ, საკმაოდ მრავალფეროვანია. საინფორმაციო შეხვედრები, ვიქტორინები, ნახატების გამოფენა, კონფერენციები, სალონური შეხვედრები საპროექტო აქტივობების ნაწილია. პროექტები 15 ივნისამდე განხორვციელდება და პროცესში მთელი ჯგუფია ჩართული, მიზანი კი საზოგადოებაში მშვიდობის კულტურის დანერგვაა.
წყალტუბოს ქალთა ჯგუფი კვლევის შედეგად გამოკვეთილ რეკომენდაციებზე მუშაობს. წევრებმა რამდენიმე პრობლება განიხილეს. მომდევნო თვიდან კი ადვოკატირების გეგმაზე იმუშავებენ.
წალენჯიხის მუნიციპალიტეტის სოფელ ფახულანის ქალთა საინიციატივო ჯგუფის წევრებთან მორიგი შეხვედრა გაიმართა.მონაწილეებმა ჩატარებული კვლევის შედეგად გამოვლენილ პრობლემებზე ისაუბრეს.მათი თქმით,გამოწვევად კვლავ რჩება უმუშევრობა,დაბალი ხელფასები,არასტაბილური გარემო.ჯგუფის წევრებმა აღნიშნეს,რომ, ინფორმირებულობის გაზრდა სახელმწიფო პროგრამების შესახებ,მოქალაქეთა საჭიროებების გამოვლენა,საკონსულტაციო სერვისების ხელმისაწვდომობა პრობლემების აღმოფხვრის პროცესში მნიშვნელოვანი ფაქტორია.იმსჯელეს მიგრაციის მაღალ მაჩვენებელსა და თანმდევი სოციალური შედეგების შესახებ.ისაუბრეს მოზარდების გაუარესებულ ფსიქო-ემოციურ ფონზე.შეხვედრის ბოლოს იმ საკითხთა ჩამონათვალი გაკეთდა,რომელთა ადვოკატირებას უახლოეს მომავალში მოახდენენ.
სენაკის ახალგაზრდული ჯგუფის წევრები სამშვიდობო მიმართულების მინი-პროექტზე მუშაობენ. პროექტი მიზნად მშვიდობის საკითხის პოპულარიზებას ისახავს. იმავე ჯგუფის წევრებთან ტრენინგი ჩატარდა თემაზე: „მედიაწიგნიერება და დეზინფორმაცია“. მიღებული ცოდნა დაეხმარება მონაწილეებს, ერთმანეთისგან გაარჩიონ სწორი და ყალბი ინფორმაცია.
სენაკის ქალთა ჯგუფის წევრებმა კი კვლევის შედეგად გამოკვეთილი რეკომენდაციები გაანალიზეს და იმ პრობლემებზე ისაუბრეს, რომელთა ადვოკატირებასაც მომდევნო თვეებში შეეცდებიან.