25-დან 65 წლამდე ასაკის 19 ქალბატონი დაესწრო შეხვედრებს ფსიქოლოგთან სენაკისა და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში თემაზე - როგორ გავუმკლავდეთ აგრესიულ სტრესს.

სტრესის გაზომვის კუთხით ჩატარებულმა მუშაობამ აჩვენა, რამდენად მაღალია სტრესის აღქმა ქალების მხრიდან.

აღინიშნა, რომ რაც უფრო მეტი სტრესული სიტუაცია მოდის ჩვენს წილზე დროის უმოკლეს პერიოდში, მით მეტი ენერგიის დახარჯვა გვიწევს და მით უფრო ადვილად შეიძლება შეგვეყაროს ნებისმიერი დაავადება.

შეხვედრებზე გაკეთდა   რელაქსაციისა და აუტოტრენინგის სავარჯიშოები.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

  

ოზურგეთის გენდერის მედიაცენტრის ორგანიზებით დემოკრატიული ჩართულობის ცენტრში გაიმართა შეხვედრა სახელწოდებით „დისკუსია ინიციატივებისთვის“, რომელშიც ჩაერთო ოზურგეთის გენდერული საკონსულტაციო საბჭო. შეხვედრას ესწრებოდნენ ადგილობრივი ხელისუფლების, არასამთავრობო ორგანიზაციების, მედიის და საზოგადოების წევრები. შეხვედრის მიზანი იყო ხელისუფლებისთვის ახალი ინიციატივებისა და რეკომენდაციების შეთავაზება, რომლებსაც 2016 წლის ბიუჯეტის დაგეგვისას გაითვალისწინებენ.

როგორც აღინიშნა, გენდერული ბიუჯეტი არ წარმოადგენს განსხვავებულ ბიუჯეტებს ქალისა და მამაკაცისათვის - ეს არის საბიუჯეტო პროცესში გენდერული ასპექტების გათვალისწინება. მუნიციპალიტეტის გამგეობამ სრულად გაიზიარა გენდერული საკონსულტაციო საბჭოს მიერ წარმოდგენილი პროექტების განხორციელების აუცილებლობა და ამისთვის ფინანსური სახსრებიც გამოყო. 

გენდერული საბჭოს მიერ შეხვედრაზე წარდგენილი იქნა სოციოლოგიური კვლევის ანალიზის შედეგად გამოკვეთილი რეკომენდაციები და გენდერული პოლიტიკის გეგმა, რომელიც ამ რეკომენდაციებზე დაყრდნობით შემუშავდა. თვითმმართველობის წარმომადგენელთა მხრიდან დაფიქსირდა, რომ ისინი მზად არიან ნებისმიერი ინიციატივის განსახილველად.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

 

ქუთაისის გენდერული საკონსულტაციო საბჭო მორიგ შეხვედრაზე შეიკრიბა.  მონაწილეებმა  შესწორებები შეიტანეს და საბოლოოდ დაამტკიცეს  ქუთაისის გენდერული პოლიტიკის იმპლემენტაციის გეგმა, რომელიც მომავალი წლის ადგილობრივ ბიუჯეტში უნდა აისახოს. შესწორებების ძირითადი ნაწილი რამდენიმე ინიციატივას და ფინანსურ მხარეს შეეხო.

შემუშავდა კონკრეტული სამოქმედო გეგმა, რომლის მიხედვითაც უნდა მოეწყოს შეხვედრები  ვიცე-მერთან და იმ ჯგუფებთან, რომლებიც მერიის ბიუჯეტის შედგენაში მონაწილეობენ.

საბჭოს შემადგენლობიდან გამოიყო სპეციალური ჯგუფები, რომლებიც შეხვედრა- კონსულტაციებს გააგრძელებენ როგორც საკრებულოს, ასევე მერიის წარმომადგენლებთან, რათა გენდერული საკონსულტაციო საბჭოს მიერ მომზადებულ დოკუმენტში ასახული გენდერული ასპექტები ადგილობრივ ბიუჯეტში გამოჩნდეს.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

  

22 სექტემბერს, ბათუმის საკრებულოს სხდომათა დარბაზში ფონდი „სოხუმისა“ და ბათუმის გენდერული საკონსულტაციო საბჭოს მიერ ორგანიზებული მრგვალი მაგიდა გაიმართა. ღონისძიებას ესწრებოდნენ თვითმმართველობის, ადგილობრივი არასამთავრობო ორგანიზაციების წარმომადგენლები, ფონდი „სოხუმის“ ამომრჩეველ ქალთა კლუბის წევრები, ახალგაზრდები, ჟურნალისტები.

გენდერულმა საბჭომ საქმიანობის ორი წლის პრეზენტაცია წარმოადგინა და თვითმმართველობას და ფონდ „სოხუმს“ კონტრუქციული თანამშრომლობისთვის მადლობა გადაუხადა. ითქვა, რომ მიუხედავად იმისა, რომ პროექტი დასრულდა, საბჭოს წევრები ჩვეული რეჟიმით გააგრძელებენ საქმიანობას და ეცდებიან, უპასუხონ გენდერული პრობლემატიკის კუთხით არსებულ გამოწვევებს.

საბჭომ შეხვედრის მონაწილეებს  ჩატარებული კვლევების შედეგები გააცნო და ის მთავარი პრობლემები დაასახელა, რომლებიც საქმიანობის დროს გამოიკვეთა. მოხდა  აზრთა გაცვლა  წარმოდგენილ რეკომენდაციებთან დაკავშირებით. გაჟღერდა საბჭოს წევრების სურვილი, საზოგადოებასთან კონსესუსით მოხდეს ადგილობრივი გენდერული პოლიტიკის საბოლოო ვარიანტის შემუშავება და საკრებულოსთვის წარდგენა.

ითქვა, რომ იწყება მუშაობა საბიუჯეტო პროგრამებზე, ამიტომ დადგა შესაფერისი დრო ყველაზე აქტუალური საკითხების ლობირებისათვის.

 

პროექტი ხორციელდება აშშ  სახელმწიფო დეპარტამენტის მხარდაჭერით

მორიგი შეხვედრა მენჯში ჩასახლებულ დევნილებთან გაიმართა. აფხაზეთიდან დევნილებს  თვეზე მეტია, არ მიეწოდებათ წყალი იმ მიზეზით, რომ დაზიანებულია წყლის მილი და ტუმბო. ამ პრობლემის შესახებ ფონდმა „ სოხუმმა“ აცნობა სენაკის საკრებულოს თავმჯდომარეს ჯუმბერ ლაშქარავას, რომელიც დევნილ მოსახლეობას თავად შეხვდა, გაეცნო პრობლემას და აღნიშნა, რომ პრობლემა მალე მოგვარდება.

მეორე პრობლემად დევნილებმა ბუნკერების არარსებობა დაასახელეს. საინფორმაციო შეხვედრის შედეგად, მოსახლეობის თქმით, ადგილობრივი სტრუქტურების ჩარევით, პრობლემა რამდენიმე დღეში მოგვარდა და ყოფილი სანატორიუმის დაბინძურებული ტერიტორია დასუფთავდა.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

   

სენაკის გენდერული საკონსულტაციო საბჭოს მე-12 სხდომა მიეძღვნა ქალაქის გენდერული პოლიტიკის ბოლო შტრიხებს. გამოითქვა სხვადასხვა მოსაზრება წარმოდგენილი რეკომენდაციების გეგმის მიმართ, მოყვანილ იქნა სათანადო არგუმენტები ამა თუ იმ ამოცანის შესრულების აუცილებლობის დასასაბუთებლად.

აქტიური დისკუსიის შემდეგ დამტკიცდა გეგმა, რომელიც მოიცავს სოციალური უზრუნველყოფის, ჯანდაცვისა და განათლების სფეროებს.

დაგეგმილია გეგმის წარდგენა საკრებულოს უახლოეს სხდომაზე და 2016 წლის ბიუჯეტში გარკვეული მუხლების შეტანის ლობირება.

 

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

  

ჩატარდა იურისტის საინფორმაციო შეხვედრა სენაკში, სანატორიუმ „კოლხიდას“ კოლექტიურ ცენტრში. დევნილები აღნიშნულ შენობაში აფხაზეთიდან გადმოსვლის შემდეგ ცხოვრობენ გაუსაძლის პირობებში: არის ანტისანტარია, შენობა სიცოცხლისთვის საშიშია. მათი უმთავრესი პრობლემა  განსახლებაა, მაგრამ ამ ეტაპზე უფრო აქტუალურია სასმელი წყლის პრობლემა - გაფუჭებულია მილები.

ფონდი „სოხუმის“ იურისტი დაუკავშირდა ადგილობრივი ხელისუფლების წარმომადგენლებს. მათი დაპირებით, პრობლემა უახლოეს დღეებში მოგვარდება.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

და­ს­რულდა პრო­ექ­ტი, რომ­ლის ფარ­გლებ­შიც ბა­თუმ­ში და­ფუძ­ნდა გენ­დე­რუ­ლი სა­კონ­სულ­ტა­ციო საბ­ჭო, რო­გორც ად­გი­ლობ­რი­ვი ინ­სტი­ტუ­ცი­უ­რი მე­ქა­ნიზ­მი გენ­დე­რუ­ლი პერ­სპექ­ტი­ვე­ბის ხელ­შე­წყო­ბი­სათ­ვის.

ბოლოს გამოვიდა ჟურნალი, რომელმაც შეაჯამა პროექტის შედეგები და  მკითხველს გააცნო პროექტის მიმდინარეობა, განხორციელებული აქტივობები, მიღწევები და ცვლილებები გენდერული საბჭოს წევრების ცხოვრებასა და საზოგადოებაში.

 

 

გადმოწერა

პროექტი ხორციელდება აშშ  სახელმწიფო დეპარტამენტის  მხარდაჭერით

აზრთა სხვადასხვაობა გაიმართა საკითხზე: რა საშუალებებს მივმართავთ იმისათვის, რომ კონფლიქტები არ განვითარდეს.

- კონფლიქტურ სიტუაციებში ვცდილობ საკუთარი უპირატესობები დავამტკიცო, რაც ხელს მიშლის ურთიერთობის დარეგულირებაში, ეს ჩემი მაღალი თვითშეფასების ბრალია, რაც ხშირად არ ამართლებს. კონფლიქტების მართვა რომ შევძლოთ, უნდა შეგვეძლოს სწორი თვითშეფასება, - მსგავსი მოსაზრება საერთო დისკუსიის შემდეგ გამოიკვეთა.

კონფლიქტოლოგიის ვორკშოპებში სულ 46-მა ახალგაზრდამ მიიღო მონაწილეობა. მოსწავლეები ამ თემაზე დისკუსიის გაგრძელებას სკოლებში საკუთარ თანატოლებთან გეგმავენ.

 

 

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

ფონდი „სოხუმის“ წარმომადგენელმა სენაკში ტრადიციული შეხვედრები გამართა ჟურნალისტებთან.

ერთ-ერთი შეხვედრა ადგილობრივი გაზეთის რედაქციაში შედგა. „კოლხეთი“ სენაკის მუნიციპალიტეტის თავისუფალი გაზეთია. მის ფურცლებზე ხშირად იბეჭდება ინფორმაციები ფონდი „სოხუმის“ საქმიანობის შესახებ სენაკში. საუბარი შეეხო ფონდისა და რედაქციის თანამშრომლობის გაძლიერებას გენდერული საკითხების გაშუქების კუთხით.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით