შეხვედრები (642)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
9 დეკემბერს ოზურგეთის ცენტრალურ ბიბლიოთეკაში შედგა საინფორმაციო შეხვედრა გენდერული ძალადობის წინააღმდეგ მიმართული 16-დღიანი საერთაშორისო კამპანიის ფარგლებში.
ფონდი „სოხუმის“ ასისტენტმა შეკრებილებს გააცნო კამპანიის არსი, საზოგადოების გაერთიანების მნიშვნელობა ძალადობის პრევენციისთვის და გადასცა კამპანიის სიმბოლოები.
მათ აღნიშნეს, რომ თვალყურს ადევნებენ ფონდი „სოხუმის“ საქმიანობას ოზურგეთში, მხარს უჭერენ ქალთა გააქტიურების და თანაბარუფლებიანი, არაძალადობრივი საზოგადოობის ჩამოყალიბების იდეას.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ქალთა მიმართ ძალადობას პროტესტი გამოუცხადეს ქუთაისის საკრებულოს აპარატის თანამშრომლებმა. კამპანიაში ჩაერთნენ ქუთაისის მერიის ადმინისტრაციული სამსახურის და ააიპ სპორტული გაერთიანების წარმომადგენლები.
„მოზარდთა ბანაკის“ მონაწილეებმა ქუთაისის მე-3, მე-5 და 27-ე სკოლებში საკუთარი ინიციატივით ჩაატარეს საინფორმაციო შეხვედრები.
ქუთაისის საინფორმაციო-პოლიტიკურ კვლევით ცენტრ „მერმისში“ და აფხაზეთის მე-5 სკოლაში გაიმართა საინფორმაციო შეხვედრები და დისკუსიები ძალადობის თემაზე.
ეს აქტივობები ქუთაისის გენდერული საკონსულტაციო საბჭოს წევრთა ორგანიზებით ჩატარდა.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ფონდი „სოხუმისა“ და ბათუმის მერიის მიერ მხარდაჭერილი პროექტის - „სკოლამდელი განათლების სერვისის მხარდაჭერა“ - ფარგლებში ბათუმის სამიზნე საბავშვო ბაღებში აღსაზრდელებთან შემეცნებითი და საინტერესო ეკოგაკვეთილები ტარდება. წყლის მნიშვნელობა, წელიწადის დროები, გარემოს დაბინძურება, ბუნებრივი კატაკლიზმები - მარტივად და სახალისოდ მიწოდებული მასალა ბუნებასთან ბავშვების ჯანსაღი დამოკიდებულების ჩამოყალიბებას უწყობს ხელს. აღსაზრდელები და მათი მშობლები ინტერესით ერთვებიან ამ საქმიანობაში. ბაღები მალე საკუთარ ეკოკუთხესაც მოაწყობენ.
ფონდი „სოხუმის“ წარმომადგენლებმა მონაწილობა მიიღეს კონფერენციაში, რომელიც გაიმართა თბილისში, ძალადობისგან დაცვის ეროვნული ქსელის მუშაობის შეჯამების მიზნით.
ორგანიზაციამ მოამზადა პროექტები კანონში ცვლილებების შეტანის თაობაზე, რათა უზრუნველყოს ოჯახში ძალადობის წინააღმდეგ გასატარებელ ღონისძიებებში ადგილობრივი თვითმმართველობის ორგანოების ჩართულობის საკითხის საკანონმდებლო მოწესრიგება.
კანონპროექტები წარდგენილია და იხილება საქართველოს პარლამენტში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
მორიგი საინფორმაციო შეხვედრა გაიმართა სენაკში, სასტუმრო „ეგრისის“ კოლექტიურ ცენტრში. დევნილები მადლიერები არიან, რომ ეს შენობა დაუკანონდათ, მაგრამ უკმაყოფილობას გამოხატავენ იმის გამო, რომ არ არის შემოყვანილი გაზი... ფონდი „სოხუმის“ წარმომადგენლის დახმარებით მათ მოამზადეს წერილი, რომელსაც შესაბამის უწყებას გაუგზავნიან.
შეხვედრა გაიმართა საერთაშორისო კამპანიის „16 აქტიური დღე ქალთა მიმართ ძალადობის წინააღმდეგ კამპანიის“ ფარგლებში. ამიტომაც შეკრებილებმა მიიღეს ინფორმაცია კამპანიის და მისი მნიშვნელობის შესახებ.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
3 დეკემბერი შეზღუდული შესაძლებლობების მქონე პირების საერთაშორისო დღეა. ამ დღეს მიუძღვნეს ღონისძიებები ქუთაისისა და წყალტუბოს ქალთა მხარდაჭერის ცენტრებმა.
ერთი შეხვედრა გაიმართა ქუთაისის ბენეფიციართა დღის ცენტრ „ვალენტინში“, მეორე - წყალტუბოს ბავშვთა ინკლუზიურ ცენტრში. შეკრებილებს მიეწოდათ ინფორმაცია 16-დღიანი საერთაშორისო კამპანიის შესახებ. მათ მიიღეს პასუხები სხვადასხვა კითხვაზე.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქუთაისის გენდერული სკონსულტაციო საბჭო აქტიურად ჩაერთო 16-დღიან კამპანიაში. 25 ნოემბერს საკრებულოს ბიუროს სხდომაზე ირმა პეტრიაშვილმა საკრებულოს წევრებს მიაწოდა ინფორმაცია კამპანიის შესახებ. საკრებულოს წევრებმა ძალადობის მიმართ პროტესტი გამოხატეს.
27 ნოემბერს გენდერული საბჭოს გეგმიური სხდომა კამპანიის ფარგლებში ჩასატარებელი ინფორმაციებით დაიწყო. საბჭოს წევრების ინიციატივით ჩატარდება საინფორმაციო შეხვედრები ქუთაისის მერიის სამსახურების წარმომადგენლებთან, უნივერსიტეტის სტუდენტებთან, ლექტორებთან, სხვადასხვა არასამთავრობო ორგანიზაციასთან.
- როგორ აისახა გენდერული პოლიტიკა ადგილობრივ ბიუჯეტში - გენდერული საბჭოს წევრებმა ამ საკითხზე დისკუსია გამართეს. იმავე დღეს შეხვედრა მოეწყო მერიის ადმინისტრაციული სამსახურის უფროსთან, ზვიად ჯავახიასთან. მისი განმარტებით, 2016 წლის ქუთაისის ბიუჯეტი ნამდვილად იქნება გენდერულად სენსიტიური და მასში გენდერული საბჭოს მიერ შემუშავებული რეკომენდაციები ჰპოვებს ასახვას.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
- სერიოზული რეფორმებია საჭირო განათლების სისტემაში, თუ გვინდა ხვალინდელი საზოგადოება იყოს არაძალადობრივი, ამას საფუძველი დღეს უნდა ჩავუყაროთ.
- საპატრულო პოლიციის უფლებამოსილება კიდევ უნდა გაფართოვდეს.
- ქალთა მიმართ ძალადობის პრობლემას წინ აღვუდგეთ, მაგრამ ჯერ კიდევ არსებობს კოორდინაციის პრობლემა. სახელმწიფომ უნდა შექმნას ერთიანი სტრატეგია, სადაც სხვადასხვა სტრუქტურის ფუნქციები და როლი იქნება განსაზღვრული.
ასეთი რეკომენდაციები გაჟღერდა ფოთში, ფონდი „სოხუმის“ ორგანიზებით ჩატარებულ საზოგადოებრივ დებატებზე. შეხვედრას ესწრებოდნენ ადგილობრივი თვითმმართველობის, არასამთავრობო სექტორის, საპატრულო პოლიციის წარმომადგენლები, მერიის სოციალური და ჯანმრთელობის განყოფილების ხელმძღვანელები, პედაგოგები, ჟურნალისტები, აქტივისტი ქალებია.
დებატები ქალთა მიმართ ძალადობის 16-დღიანი კამპანიის ფარგლებში ჩატარდა და მიზნად ისახავდა რეკომენდაციების შემუშავებას ძალადობის პრევენციული მექანიზმების შესაქმნელად.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
სენაკის გენდერული საკონსულტაციო საბჭოს წევრები ფონდი სოხუმის ქალთა მხარდაჭერის ცენტრის აქტივისტებთან ერთად გამოვიდნენ აქციაზე კამპანიის პირველ დღეს - 25 ნოემბერს.
მეორე დღეს კი საბჭოს სხდომა გაიმართა, რომელსაც საბჭოს წევრებთან ერთად ესწრებოდნენ ფონდი სოხუმის თანამშრომლები და ჟურნალისტები. გახილულ იქნა საკითხები, რომლებიც საინტერესო იყო შეხვედრის ყველა მონაწილისთვის: 16-დღიანი კამპანიის მნიშვნელობა და ფონდის ჩართულობა, საკანონმდებლო ცვლილებები ოჯახში ძალადობის პრევენციის მიზნით, გენდერული საკონსულტაციო საბჭოს რეკომენდაციები, რომლებიც გათვალისწინებული იქნება 2016 წლის ბიუჯეტში.
ეს ის საკითხებია, რომლებიც მოხვდება ადგილობრივი მედიის ყურადღების ცენტრში.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
25 ნოემბერი - 10 დეკემბერი - „16 აქტიური დღე ქალთა მიმართ ძალადობის წინააღმდეგ“
11 წელია, ფონდი „სოხუმი“ ჩართულია ყოველწლიურ საერთაშორისო-საინფორმაციო კამპანიაში ქალთა მიმართ ძალადობის წინააღმდეგ, რომლის ძირითადი ლოზუნგია „ბოლო მოვუღოთ ქალთა მიმართ ძალადობას“.
16 აქტიური დღის განმავლობაში გაიმართება შეხვედრები ადგილობრივ და ცენტრალურ სახელისუფლებო სტრუქტურებთან, საზოგადოების სხვადასხვა ჯგუფთან. ჩატარდება პრეს-ბრიფინგები, მრგვალი მაგიდები, დებატები, ფილმების ჩვენება და დისკუსიები, ფორუმ-თეატრის წარმოდგენები.
კამპანიის კალენდრის მიხედვით, 100-ზე მეტი ღონისძიება გაიმართება.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)