შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ოზურგეთის გენდერის მედიაცენტრის ორგანიზებით დემოკრატიული ჩართულობის ცენტრში გაიმართა შეხვედრა სახელწოდებით „დისკუსია ინიციატივებისთვის“, რომელშიც ჩაერთო ოზურგეთის გენდერული საკონსულტაციო საბჭო. შეხვედრას ესწრებოდნენ ადგილობრივი ხელისუფლების, არასამთავრობო ორგანიზაციების, მედიის და საზოგადოების წევრები. შეხვედრის მიზანი იყო ხელისუფლებისთვის ახალი ინიციატივებისა და რეკომენდაციების შეთავაზება, რომლებსაც 2016 წლის ბიუჯეტის დაგეგვისას გაითვალისწინებენ.
როგორც აღინიშნა, გენდერული ბიუჯეტი არ წარმოადგენს განსხვავებულ ბიუჯეტებს ქალისა და მამაკაცისათვის - ეს არის საბიუჯეტო პროცესში გენდერული ასპექტების გათვალისწინება. მუნიციპალიტეტის გამგეობამ სრულად გაიზიარა გენდერული საკონსულტაციო საბჭოს მიერ წარმოდგენილი პროექტების განხორციელების აუცილებლობა და ამისთვის ფინანსური სახსრებიც გამოყო.
გენდერული საბჭოს მიერ შეხვედრაზე წარდგენილი იქნა სოციოლოგიური კვლევის ანალიზის შედეგად გამოკვეთილი რეკომენდაციები და გენდერული პოლიტიკის გეგმა, რომელიც ამ რეკომენდაციებზე დაყრდნობით შემუშავდა. თვითმმართველობის წარმომადგენელთა მხრიდან დაფიქსირდა, რომ ისინი მზად არიან ნებისმიერი ინიციატივის განსახილველად.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ქუთაისის გენდერული საკონსულტაციო საბჭო მორიგ შეხვედრაზე შეიკრიბა. მონაწილეებმა შესწორებები შეიტანეს და საბოლოოდ დაამტკიცეს ქუთაისის გენდერული პოლიტიკის იმპლემენტაციის გეგმა, რომელიც მომავალი წლის ადგილობრივ ბიუჯეტში უნდა აისახოს. შესწორებების ძირითადი ნაწილი რამდენიმე ინიციატივას და ფინანსურ მხარეს შეეხო.
შემუშავდა კონკრეტული სამოქმედო გეგმა, რომლის მიხედვითაც უნდა მოეწყოს შეხვედრები ვიცე-მერთან და იმ ჯგუფებთან, რომლებიც მერიის ბიუჯეტის შედგენაში მონაწილეობენ.
საბჭოს შემადგენლობიდან გამოიყო სპეციალური ჯგუფები, რომლებიც შეხვედრა- კონსულტაციებს გააგრძელებენ როგორც საკრებულოს, ასევე მერიის წარმომადგენლებთან, რათა გენდერული საკონსულტაციო საბჭოს მიერ მომზადებულ დოკუმენტში ასახული გენდერული ასპექტები ადგილობრივ ბიუჯეტში გამოჩნდეს.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
22 სექტემბერს, ბათუმის საკრებულოს სხდომათა დარბაზში ფონდი „სოხუმისა“ და ბათუმის გენდერული საკონსულტაციო საბჭოს მიერ ორგანიზებული მრგვალი მაგიდა გაიმართა. ღონისძიებას ესწრებოდნენ თვითმმართველობის, ადგილობრივი არასამთავრობო ორგანიზაციების წარმომადგენლები, ფონდი „სოხუმის“ ამომრჩეველ ქალთა კლუბის წევრები, ახალგაზრდები, ჟურნალისტები.
გენდერულმა საბჭომ საქმიანობის ორი წლის პრეზენტაცია წარმოადგინა და თვითმმართველობას და ფონდ „სოხუმს“ კონტრუქციული თანამშრომლობისთვის მადლობა გადაუხადა. ითქვა, რომ მიუხედავად იმისა, რომ პროექტი დასრულდა, საბჭოს წევრები ჩვეული რეჟიმით გააგრძელებენ საქმიანობას და ეცდებიან, უპასუხონ გენდერული პრობლემატიკის კუთხით არსებულ გამოწვევებს.
საბჭომ შეხვედრის მონაწილეებს ჩატარებული კვლევების შედეგები გააცნო და ის მთავარი პრობლემები დაასახელა, რომლებიც საქმიანობის დროს გამოიკვეთა. მოხდა აზრთა გაცვლა წარმოდგენილ რეკომენდაციებთან დაკავშირებით. გაჟღერდა საბჭოს წევრების სურვილი, საზოგადოებასთან კონსესუსით მოხდეს ადგილობრივი გენდერული პოლიტიკის საბოლოო ვარიანტის შემუშავება და საკრებულოსთვის წარდგენა.
ითქვა, რომ იწყება მუშაობა საბიუჯეტო პროგრამებზე, ამიტომ დადგა შესაფერისი დრო ყველაზე აქტუალური საკითხების ლობირებისათვის.
პროექტი ხორციელდება აშშ სახელმწიფო დეპარტამენტის მხარდაჭერით
მორიგი შეხვედრა მენჯში ჩასახლებულ დევნილებთან გაიმართა. აფხაზეთიდან დევნილებს თვეზე მეტია, არ მიეწოდებათ წყალი იმ მიზეზით, რომ დაზიანებულია წყლის მილი და ტუმბო. ამ პრობლემის შესახებ ფონდმა „ სოხუმმა“ აცნობა სენაკის საკრებულოს თავმჯდომარეს ჯუმბერ ლაშქარავას, რომელიც დევნილ მოსახლეობას თავად შეხვდა, გაეცნო პრობლემას და აღნიშნა, რომ პრობლემა მალე მოგვარდება.
მეორე პრობლემად დევნილებმა ბუნკერების არარსებობა დაასახელეს. საინფორმაციო შეხვედრის შედეგად, მოსახლეობის თქმით, ადგილობრივი სტრუქტურების ჩარევით, პრობლემა რამდენიმე დღეში მოგვარდა და ყოფილი სანატორიუმის დაბინძურებული ტერიტორია დასუფთავდა.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
სენაკის გენდერული საკონსულტაციო საბჭოს მე-12 სხდომა მიეძღვნა ქალაქის გენდერული პოლიტიკის ბოლო შტრიხებს. გამოითქვა სხვადასხვა მოსაზრება წარმოდგენილი რეკომენდაციების გეგმის მიმართ, მოყვანილ იქნა სათანადო არგუმენტები ამა თუ იმ ამოცანის შესრულების აუცილებლობის დასასაბუთებლად.
აქტიური დისკუსიის შემდეგ დამტკიცდა გეგმა, რომელიც მოიცავს სოციალური უზრუნველყოფის, ჯანდაცვისა და განათლების სფეროებს.
დაგეგმილია გეგმის წარდგენა საკრებულოს უახლოეს სხდომაზე და 2016 წლის ბიუჯეტში გარკვეული მუხლების შეტანის ლობირება.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ფონდი „სოხუმის“ წარმომადგენლები სასტუმრო „ხვამლის“ კოლექტიურ ცენტრში მცხოვრებ დევნილებს შეხვდნენ და მათ პრობლემებს გაეცნენ. ისინი ამბობენ, რომ შენობა საცხოვრებლად უვარგისია. მათი მთავარი პრობლემა განსახლებაა, რომელზეც სრული ინფორმაცია არ გააჩნიათ.
გასულ შეხვედრაზე დევნილებმა შენობის ვარგისიანობის დასადგენად განცხადებით მიმართეს დევნილთა და განსახლების სამინისტროს. სპეციალურმა კომისიამ დაათვალიერა შენობა, თუმცა ექსპერტიზის პასუხი ჯერაც არ არის.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
სენაკის გენდერული საკონსულტაციო საბჭოს მორიგი სხდომის დიდი ნაწილი დაეთმო ქალაქის გენდერული პოლიტიკის შემუშავებას. აქტიური დისკუსიის შედეგად საბჭოს წევრებმა განსაზღვრეს ძირითადი რეკომენდაციები გენდერული პოლიტიკისთვის - მათ შორის მიზნები, აუცილებელი ღონისძიებები, დაფინანსების ვადები და წყაროები. გეგმის საბოლოო ვერსიის შემუშავების შემდეგ იგეგმება შეხვედრა იმ ადამიანებთან, ვინც იღებს გადაწყვეტილებას, რომ ეს რეკომენდაციები გათვალისწინებულ იქნას 2016 წლის ადგილობრივ ბიუჯეტში.
სხდომაზე აგრეთვე იმსჯელეს საბჭოს მომავალ შეხვედრაზე პარლამენტის გენდერული თანასწორობის საბჭოსთან. საბჭოს წევრებმა კმაყოფილება გამოხატეს ამ შეხვედრაში მონაწილეობის გამო და მზად არიან თავიანთი რეკომენდაციები წარადგინონ.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ბათუმის გენდერული საკონსულტაციო საბჭოს სამუშაო ჯგუფებმა საკრებულოსა და მერიის წარმომადგენლებთან შეხვედრები გამართეს. შეხვედრის თემები იყო: ერთობლივი პროექტები, საბჭოს წინადადებები 2016 წლის ბიუჯეტში გენდერული საკითხების ინტეგრირებისათვის, საქართველოს პარლამენტში დაგეგმილი შეხვედრისთვის მზადება...
თვითმმართველობის ხელმძღვანელობის განცხადებით, ისინი მზად არიან თანამშრომლობისთვის. ერთ-ერთი საკითხი, რომლის განხილვასაც საბჭო ითხოვს - გენდერული კომისიის შექმნაა, ან მისი ინტეგრირება სხვა კომისიის დასახელებასა და საქმიანობაში.
შეხვედრაზე დაიგეგმა ორი ტრენინგი თვითმმართველობის პერსონალისათვის, რომელიც გენდერული განათლების საკითხებს, ოჯახში ძალადობის მსხვერპლის სამართლებრივი დახმარების მექანიზმების შესახებ ინფორმაციას მოიცავს.
სამუშაო ჯგუფებმა იმუშავეს თვითმმართველობის ბიუჯეტის გენდერული ანალიზის საკითხებზე, საბჭოს მიერ მომზადებული წინადადებებისა და რეკომენდაციების პაკეტზეც, რომელიც ბიუჯეტზე მუშაობის დაწყებისთვის წარედგინება საკრებულოს.
პროექტი ხორციელდება აშშ სახელმწიფო დეპარტამენტის მხარდაჭერით
გენდერული საკონსულტაციო საბჭოს წევრებმა მორიგ სხდომაზე აქტიურად განიხილეს კვლევის შედეგად გამოკვეთილი რეკომენდაციები, რომლებიც, დამუშავების შემდეგ, აისახება ოზურგეთის გენდერული პოლიტიკის გეგმაში.
გენდერული პოლიტიკის პროექტი თითქმის მზადაა და წარედგინება ადგილობრივ თვითმმართველობას. ეს არის საფუძველი იმისა, რომ კვლევის შედეგად გამოკვეთილი საჭიროებები აისახება 2016 წლის ბიუჯეტში.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
გაიმართა ქუთაისის გენდერული საკონსულტაციო საბჭოს მორიგი სხდომა. შხვედრის ძირიტადი ნაწილი დაეთმო მუშაობას რეკომენდაციებზე, რომლებიც ქუთაისის გენდერული პოლიტიკის პროექტში უნდა აისახოს. რეკომენდაციები თითქმის ყველა სფეროს შეეხო: განათლება, კულტურა, სპორტი, ინფრასტრუქტურა. განსაკუთრებული დისკუსია გაიმართა სოციალურ სფეროში გენდერული ბიუჯეტის განხილვასთან დაკავშირებით, აზრთა სხვადასხვაობის მიუხედავად, გაჩნდა საინტერესო წინადადებები, რომლებიც დამუშავდება, რეკომენდაციების სახე მიეცემა და გენდერული პოლიტიკის დოკუმენტში ჰპოვებს ასახვას.
სხდომის მეორე ნაწილში მონაწილეებმა შეაფასეს გსს მიერ განხორციელებული პროექტი „მოზარდთა ბანაკი - გენდერული განათლება ახალგაზრდა სპორტსმენებისათვის.“ შედეგების განხილვისას ხაზგასმით ითქვა, რომ თანადაფინანსებით შექმნილი მორიგი პროექტი ხელს შეუწყობს ადგილობრივი ხელისუფლებისა და გენდერული საკონსულტაციო საბჭოს ეფექტურ თანამშრომლობას მომავალში.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით