ქალთა მხარდაჭერის ცენტრები (533)
ქალთა მხარდაჭერის ცენტრი – ეს არის ფონდი „სოხუმის“ ფილიალები ქუთაისში, წყალტუბოში, ხონში, თერჯოლაში, სენაკში, ფოთში, ხურჩა/კოკში (ზუგდიდის მუნიციპალიტეტი), ლანჩხუთში, ოზურგეთში - შეიქმნა 2009 წლიდან. ცენტრების დანიშნულებაა ქალთა გაძლიერება, სოციალური, ფსიქოლოგიური, იურიდიული დახმარების გაწევა ძალადობის მსხვერპლი ქალებისთვის და კრიზისული ოჯახებისათვის, რომლებიც რთულ ცხოვრებისეულ მდგომარეობაში აღმოჩნდნენ. ქალთა მხარდაჭერის ცენტრები ხელს უწყობს ქალთა უფლებების დაცვას და მათ სოციალურ-ფსიქოლოგიურ რეაბილიტაციას.
ქუთაისის ქალთა მხარდაჭერის ცენტრმა ჯგუფური ფსიქოლოგიური შეხვედრა ბიბლიოთეკაში მოაწყო. შეხვედრას 20-დან 65 წლამდე ასაკის 13 მონაწილე დაესწრო. საუბრის თემა აქტუალური იყო ყველასთვის - კონფლიქტები, მათი სახეები, მიზეზები, მოგვარების გზები - ოჯახში ძალადობის პრევენციისთვის.
ითქვა, რომ კონფლიქტის დროს ჩვენ არასასიამოვნო შეგრძნებების მთელ გამას განვიცდით - წყენას, სიბრაზეს, დანაშაულს, გაღიზიანებას, იმედგაცრუებას, წყენას. ეს განცდები სხვა ბევრ მიზეზს შორის იმასაც ნიშნავს, რომ ურთიერთობების დროს არ შეგვიძლია საკუთარი მოთხოვნილეების დაკმაყოფილება.
შეხვედრაზე დაისვა ბევრი შეკითხვა, იყო განმარტებები და რეკომენდაციები.
შეხვედრის მონაწილეებმა ფსიქოლოგთან ერთად იმსჯელეს კონფლიქტების თემაზე - მათი სახეები და მიზეზები, როგორ ავიცილოთ თავიდან. ჯგუფური ფსიქოლოგიური საკონსულტაციო შეხვედრა გაიმართა 13 ბენეფიაციართან სენაკის ქალთა მხარდაჭერის ცენტრში.
კონფლიქტების მართვა რომ ვისწავლოთ, პირველ რიგში, საკუთარი ემოციური მდგომარეობის მართვა უნდა შევძლოთ, - ასეთი დასკვნა გაკეთდა შეხვედრის ბოლოს.
ფოთის ქალთა მხარდაჭერის ცენტრში ფსიქოლოგიური საკონსულტაციო შეხვედრა გაიმართა ქალებთან - ესწრებოდა 14 ბენეფიციარი 17-დან 68 წლამდე. საუბრის თემა - კონფლიქტები, მათი სახეები, მიზეზები, როგორ ხდება მათი გადაწყვეტა, როგორ ავიცილოთ თავიდან კონფლიქტები ოჯახური ურთიერთობების დასარეგულირებლად და ძალადობის პრევენციისთვის. ფსიქოლოგმა იმუშავა შეხვედრის მონაწილეებთან ასოციაციური ბარათებით, რაც დაეხმარა ქალებს, დაენახათ და გაეცნობიერებინათ თავიანთი პრობლემები.
ინფრასტრუქტურული პროექტების გენდერული ასპექტები განიხილეს დღეს ხონის ამომრჩეველ ქალთა კლუბზე. მოწვეულმა სტუმარმა - ხონის მუნიციპალიტეტის გამგეობის ინფრასტრუქტურის სამსახურის უფროსმა ილია ყუფარაძემ შეკრებილთ 22 პროექტი წარუდგინა, რომლის განხორციელებაც წელს იგეგმება ხონში: ქალაქის შიდა გზების მოასფალტების სამუშაოები, მხარეთმცოდნეობის მუზეუმის რეაბილიტაცია, სამხატვრო სკოლის საგამოფენო დარბაზის მოწყობა, მრავალბინიანი საცხოვრებელი სახლების ფასადების შეღებვა-შელამაზება... გამგეობის წარმომადგენელმა კლუბის წევრების შეკითხვებს უპასუხა და მათ პირობა მისცა, რომ სამშენებლო სამუშაოების მიმდინარეობის შესახებაც მიაწვდის ინფორმაციას.
პროექტი ხორციელდება აშშ საელჩოს მხარდაჭერით
სოფელ განმუხურში (ზუგდიდის მუნიციპალიტეტი) ფონდი „სოხუმი“ პირველად ჩავიდა. შეხვედრა გაცნობითი ხასიათის იყო - შეკრებილებმა გაიგეს ფონდის საინფორმაციო-საკონსულტაციო მუშაობაზე. ითქვა, რომ ეს სოფელი კონფლიქტის ახლოს მდებარეობს და აქ მეტია სტრესოგენური ფაქტორი, ამიტომაც მათთვის აუცილებელია ფსიქოლოგიური მხარდაჭერა. აქვთ ინკლუზიურ ბავშვებთან მუშაობის სურვილი.
ხურჩა/კოკის ქალთა მხარდაჭერის ცენტრი პერიოდულად დაგეგმავს შეხვედრას განმუხურში, რათა აქ მცხოვრებმა ადამიანებმაც იგრძნონ ჯგუფური თუ ინდივიდუალური კონსულტაციების სიკეთე.
კონფლიქტები, მათი სახეები, მიზეზები, მოგვარების გზები - ოჯახში ძალადობის პრევენციისთვის - ეს თემა იქნა შერჩეული სასაუბროდ წყალტუბოს ქალთა მხარდაჭერის ცენტრში. ფსიქოლოგიურ საინფორმაციო-საკონსულტაციო შეხვედრას 10 ქალი ესწრებოდა, მათ შორის ერთი - პირველად.
როგორც აღინიშნა, პროფილაქტიკა, გაფრთხილება და ოჯახური კონფლიქტების გადაჭრა დაკავშირებულია იმასთან, თუ რა დამოკიდებულება გვაქვს ჩვენ კონფლიქტების მიმართ და როგორ ვმოქმედებთ.
ეხვედრის მონაწილეები დაეთანხმნენ მოსაზრებას, რომ არ უნდა ვეძებოთ პასუხი კითხვაზე „ვინაა დამნაშავე?“ სჯობს ვუპასუხოთ შეკითხვას: „რა გავაკეთოთ, რომ ჩვენს ურთიერთობებში კონფლიქტები შეწყდეს?“
ყოფითი საკითხები, ბავშვების აღზრდა, ბიუჯეტი, სექსი - ყველა სფეროში შეიძლება იყოს აზრთა სხვადასხვაობა. ოჯახური კამათი - ის თემაა, რომელიც აბსოლუტურად ყველას აღელვებს.
ამ და სხვა საკითხებზე ისაუბრეს აპრილის შეხვედრებზე ქუთაისის კოლექტიურ ცენტრებში.
რატომ კამათობენ ადამიანები? იმიტომ რომ გაიმარჯვონ და თავიანთი სიმართლე დაამტკიცონ. სინამდვილეში გაუთავებელი კამათი - არის გზა განქორწინებისკენ.
ოჯახური ცხოვრება ბედნიერი რომ იყოს, მეუღლეებს უნდა ახსოვდეთ, რომ ერთ უღელში იმყოფებიან. გულახდილობა და ერთმანეთზე ზრუნვა - ასეა შესაძლებელი ოჯახში ჰარმონიის შენარჩუნება.
აპრილში გაიმართა 12 ჯგუფური და 6 ინდივიდუალური შეხვედრა 82 ქალის მონაწილეობით.
ფონდი „სოხუმი“ ყოველთვიურად ატარებს ძალადობის მონიტორინგს. ქუთაისის, წყალტუბოს, ხონის, სენაკის, ფოთის, ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრების მობილიზატორებმა აპრილში შეავსეს მსხვერპლ ქალთა 15 ანკეტა. ანკეტებში აღწერილია ძალადობის რეალური შემთხვევები - ქმრის, დის თუ ოჯახის სხვა წევრების მხრიდან.
ყველა 15 შემთხვევა დაფიქსირებულია, ძალადობის ობიექტებს ეცნობა ფოდნის სერვისების შესახებ და მიმდინარეობს დაკვირვება რეაგირების დინამიკაზე.
დაზარალებული ქალებიდან მხოლოდ სამი მივიდა ფსიქოლოგთან კონსულტაციაზე, ორმა მათგანმა გაიარა იურიდიული კონსულტაცია და მათ მიეცა მიმართულება შესაბამის სტრუქტურებში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ჯგუფური ფსიქოლოგიური შეხვედრების ძირითადი თემა იყო „ოჯახური კამათი და კონფლიქტები, განსხვავება მათ შორის, მიზეზები და თავიდან აცილების გზები ოჯახში ძალადობის პრევენციისთვის“.
აქტიური დისკუსია გაიმართა ურთიერთობების დამანგრეველი 10 ფრაზის და სკანდალების თავიდან აცილების 13 საუკეთესო ხერხის ირგვლივ.
ჯგუფური ფსიქოლოგიური შეხვედრები და კონსულტაციები ჩატარდა სენაკის, ქუთაისის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში.
ფონდი „სოხუმის“ ფსიქოლოგმა სამი საინფორმაციო-საკონსულტაციო შეხვედრა ჩაატარა: 5 აპრილს - ფოთის ქალთა მხარდაჭერის ცენტრში, 6 აპრილს სოფელ წყალტუბოს გამგეობაში (წყალტუბოს მუნიციპალიტეტი) და 10 აპრილს - ხონის ქალთა მხარდაჭერის ცენტრში.
ქალთა მხარდაჭერის ცენტრებში საუბარი გაიმართა ოჯახში ძალადობის პრევენციის თემაზე: პრობლემის გადაჭრის ასერტული მეთოდოლოგია, გადაწყვეტილების მიღების ფსიქოლოგია, ყველაზე მარტივი სტრატეგია - ცდისა და შეცდომის მეთოდი, ახალი უნარ-ჩვევების გაცნობა.
იქედან გამომდინარე, რომ სოფელ წყალტუბოში მხოლოდ ახალი ბენეფიციარები ესწრებოდნენ - მედმუშაკები და გამგეობის წარმომადგენლები, შეხვედრის თემა გახდა ფონდი „სოხუმის“ მუშაობა ოჯახში ძალადობის აღმოფხვრისა და პრევენციის კუთხით. მათ მიიღეს ინფორმაცია ფონდის იურიდიულ და ფსიქოლოგიურ უფასო სერვისებზე.