რატომ არის მნიშვნელოვანი სოლიდარობა? - დღევანდელ პირობებში ეს ტერმინი განსაკუთრებულ ძალას იძენს.
სწორედ ამ თემაზე გამართეს დისკუსია სოფელ დიდი ნეძის (ზუგდიდის მუნიციპალიტეტი) ახალგაზდული და ქალთა საინიციატივო ჯგუფების წევრებმა.
ასევე, ინტერესით გაეცნენ ქალთა საერთაშორისო დღის, 8 მარტის წარმოშობისა და დღესასწაულად აღიარების ისტორიას.
პროექტი ხორციელდება USAID-ის მხარდაჭერით
სოლიდარობა უკრაინას!
ჩვენ ვგმობთ ომს!
სოფელ დიდი ნეძის საინიციატივო ჯგუფების მხარდაჭერა უკრაინელ ხალხს!!
პროექტი ხორციელდება USAID-ის მხარდაჭერით
2022 წლის 17 მარტი, ბერლინი
ძვირფასო დებო და ძმებო,
ძვირფასო მეგობრებო და კოლეგებო,
ძვირფასო პარტნიორებო უკრაინასა და მეზობელ ქვეყნებში!
რთულია, წარმოვიდგინოთ თქვენი მდგომარეობა ამ სიტუაციაში. სიტყვები არ გვყოფნის ჩვენი გრძნობების გამოსახატავად, რადგან ამ დღეებში განუზომელი ტანჯვის მოწმენი ვართ. ომი წარმოუდგენლად საშინელი და სასტიკია, ომს მივყავართ ნგრევამდე და სიკვდილამდე - ომი მოიცავს ყველაფერს, რისი გადალახვაც გვსურდა საერთო ძალისხმევით და პარტნიორობით ღირსეული სიცოცხლისთვის. ომი კავშირების გაწყვეტისა და ადამიანების გაყოფის საშინელი მცდელობაა, იგი ხორციელდება ახლო და გრძელვადიანი ურთიერთობების გასანადგურებლად.
ამ მოცემულობაში, ჩვენი საშუალებები ამ სიტუაციის შესაცვლელად შეზღუდულია. მაგრამ გვსურს დაგამშვიდოთ, რომ გავაკეთებთ თქვენთვის ყველაფერს, რაც შესაძლებელია. ჩვენ გვსურს შეძლებისდაგვარად დაგიჭიროთ მხარი და გვერდით დაგიდგეთ. გთხოვთ, გვიამბეთ თქვენს საჭიროებებზე და სიტუაციაზე, რა შეგვიძლია გავაკეთოთ თქვენთვის ახლა - რადგან მდგომარეობა და საჭიროებები სწრაფად იცვლება. გადაწყვეტილების მიღებისას ჩვენ ვეყრდნობით თქვენი მხრიდან მიღებულ ინფორმაციას. ჩვენ ვცდილობთ ვიმოქმედოთ რაც შეიძლება სწრაფად და ვიყოთ მაქსიმალურად მოქნილები. ჩვენმა ჰუმანიტარულმა ფილიალმა Diakonie Katastrophenhilfe-მ შექმნა გადაუდებელი საჭიროების ფონდი და ჩვენ ვიღებთ შემოწირულობებს ამ ფონდის გასაფართოებლად.
შეხვედრა-კონსულტაცია გაიმართა ქუთაისის მუნიციპალიტეტის დევნილ ქალთა საინიციატივო ჯგუფთან, რომელშიც მიიღო მონაწილეობა 12 წევრმა.
შეხვედრის დღის წესრიგის თანახმად, მონაწილეებთან განხილულ იქნა შემუშავებული კითხვარი, რომელიც ითვალისწინებს კოლექტიურ ცენტრებში მცხოვრებ დევნილთა საჭიროებების შესწავლას. შემდეგში კი დაგეგმილია ამ საკითხების ადვოკატირება და მოგვარება.
შეხვედრაზე პერსონალურად განაწილდა დავალებები და ყველა ტექნიკურ კითხვაზე მიღებული იქნა გადაწყვეტილება.
პროექტი ხორციელდება გაეროს ქალთა ორგანიზაციის
მხარდაჭერით
15-16 მარტს ქალბ. ლია კაპლანი - USAID საქართველოს დემოკრატიის, ადამიანის უფლებებისა და მმართველობის ოფისის დირექტორი, ქალბ.თამარ სირბილაძე - ადამიანის უფლებების მიმართულების ხელმძღვანელი, ბ-ნი გიორგი ხეჩინაშვილი- ახალგაზრდული პროგრამების უფროსი მრჩეველი ესტუმრნენ ფონდი „სოხუმის“ ოფისს ქალაქ ქუთაისში, გაესაუბრნენ პროექტის „განხეთქილების დაძლევა - ხალხთაშორისი ინიციატივები კონფლიქტის მოგვარებისთვის“ შემსრულებლებს, მოისმინეს განხორციელებული სამუშაოს შედეგების შესახებ და განიხილეს სამომავლო გეგმები.
ასევე, შეხვდნენ წყალტუბოსა და სენაკში არსებულ ახალგაზრდულ და ქალთა საინიციატივო ჯგუფების წარმომადგენლებს.
მონაწილეებმა ისაუბრეს იმ მნიშვნელოვან აქტივობებზე, რომლებიც ხორციელდება პროექტის ფარგლებში, საინტერესო შეხვედრებზე, მიღებულ გამოცდილებაზე და ა.შ.
შეხვედრებმა ჩაიარეს არაფორმალურ და სასიამოვნო გარემოში.
პროექტი ხორციელდება USAID-ის მხარდაჭერით
კოალიცია „მეტი ჩართულობის“ ორგანიზებით ჩატარდა სამოქალაქო საზოგადოების წარმომადგენელთა ონლაინ შეხვედრა. შეხვედრა მიეძღვნა უკრაინაში მიმდინარე კრიზისს, სადაც კოალიციის წევრებმა იმსჯელეს საქართველოში უკრაინიდან ლტოლვილთა ძირითად საჭიროებებზე და მათ დასახმარებლად განსახორციელებელ სტრატეგიებზე.
უკრაინაში არსებული მდგომარეობის და საქართველოში უკრაინელ ლტოლვილთა საჭიროებების შესახებ ამომწურავი ინფორმაცია მიაწოდა საერთაშორისო საქველმოქმედო ჰუმანიტარული ცენტრი „აფხაზეთის“ აღმასრულებელმა დირექტორმა ნუკრი მილორავამ (ორგანიზაციას გააჩნია ფილიალი კიევში). მისი თქმით, ოფიციალური მონაცემების თანახმად, საქართველოში დაახლოებით 200 უკრაინელი ტურისტი და 250-მდე ლტოლვილია, რომელთა საჭიროებებზე ყველაზე ქმედით რეაგირებას ამ ეტაპზე უმეტესწილად კერძო სექტორი, მოქალაქეები და სამოქალაქო საზოგადოება ახორციელებენ. საკმაოდ სუსტია სახელმწიფო სტრუქტურების კოორდინაციის ხარისხი და ამ ეტაპამდე არ არსებობს უკრაინელ ლტოლვილთა დახმარების სტრატეგია.
ქალთა ფონდი „სოხუმის“ წარმომადგენელმა - ეკატერინე გამახარიამ აღნიშნა საქართველოში ჩარჩენილი უკრაინელი ტურისტების და ლტოლვილების რეგიონების მიხედვით აღრიცხვის მწყობრი მექანიზმის შექმნის აუცილებლობისა და დაინტერესებულ პირთათვის ლტოლვილთა არსებული სტატისტიკის ხელმისაწვდომობის საჭიროების შესახებ. ასევე მიუთითა, რომ სასურველია კოალიციის წევრთა ბაზის შექმნა, რომელშიც განისაზღვრება დახმარების თუ სერვისების ნუსხა, რომლის შეთავაზებაც შეუძლიათ კოალიციაში შემავალ ორგანიზაციებს.
შეხვედრაზე გამოიკვეთა ინტერსექტორული თანამშრომლობის და უწყებათაშორისი საკოორდინაციო პლატფორმის შექმნის აუცილებლობა და ერთიანი ძალისხმევის საჭიროება უკრაინელი მოქალაქეებისთვის ეფექტიანი დახმარების აღმოსაჩენად.
ხონის საინიციატივო ჯგუფის წევრებმა მოისმინეს ინფორმაცია ქალთა საერთაშორისო დღის, 8 მარტის დაარსებისა და მისი უქმე დღედ გამოცხადების ისტორიის შესახებ.
იმსჯელეს თუ რამდენად აქტუალური და მნიშვნელოვანია სოლიდარობის თემა დღევანდელ პირობებში, ასევე, შეეხნენ უკრაინაში მიმდინარე სიტუაციას.
ისაუბრეს მხარდაჭერასა და დახმარებაზე უკრაინელი ხალხისთვის, რომელიც განხორციელდა ქალთა კლუბის წევრებისა და ხონის მუნიციპალიტეტის მერიის მიერ.
"ყოველთვის მნიშვნელოვანია გრძნობდე თანადგომას, მხარდაჭერას, სოლიდარობას".
"ჩვენ, აფხაზეთის ომგამოვლილ ქალებს განსაკუთრებით გვახსოვს ომის სისასტიკე, ვიცით მისი შედეგები და ამიტომაც ვგმობთ ომს, გვინდა მშვიდობა ჰქონდეს ყველა ერს".
რა არის სოლიდარობა?
დღევანდელ ურთულეს პირობებში ჩვენ ძალიან ხშირად ვხვდებითამ ტერმინს, თუმცა როგორ გვესმის მისი მნიშვნელობა, სულ სხვა საკითხია...
კლუბის წევრების თქმით, სოლიდარობაარის -თანადგომა, მხარდაჭერა, სხვისი ტკივილის საკუთარივით მიღება, რისი თვალსაჩინო მაგალითი დღეს უკრაინაა.
ახალგაზრდებმა, ასევე, ისაუბრეს ქალთა საერთაშორისო დღის, 8 მარტის წარმოშობის ისტორიის შესახებ და ხაზი გაუსვეს ქალთა სოლიდარობას, რომელიც ყველა დროში აქტუალური და მნიშვნელოვანია...
პროექტი ხორციელდება USAID-ის მხარდაჭერით
სენაკის დევნილ ქალთა საინიციატივო ჯგუფი კვლევის პროცესში ჩაერთო. გამოკითხვა გამოავლენს იმ პრობლემებსა და გამოწვევებს, რომლებიც სხვადასხვა სტატუსის მქონე დევნილთა კოლექტიურ ცენტრებში აქტუალურია. სენაკის მუნიციპალიტეტში 40 ოჯახი გამოიკითხება. გამოკითხვის შედეგად შეიქმნება დევნილთა კოლექტიური ცენტრების და პრივატიზებული ობიექტების სოციალური პროფილი.
საინიციატივო ჯგუფის წევრებთან საკონსულტაციო შეხვედრა გაიმართა. ჯგუფი მომზადდა ანკეტირების ჩასატარებლად.
პროექტი ხორციელდება გაეროს ქალთა ორგანიზაციის
მხარდაჭერით
