ამ პატარა ვიდეორგოლში არის მხარდაჭერა, გამხნევება, მოწოდება...
ძალადობა დანაშაულია!
იცხოვრე ძალადობის გარეშე!
არ გაჩუმდე!
იმოქმედე!
შენ არ ხარ მარტო!
ამბობენ ქალთა ფონდი „სოხუმის“ თანამშრომლები, რომლებიც აქტიურად მუშაობენ ოჯახში ძალადობის წინააღმდეგ.
ვიდეორგოლი 16-დღიანი კამპანიის ფარგლებში შეიქმნა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
კონფლიქტის მართვა ძალადობის პრევენციისთვის - ეს იყო მრგვალი მაგიდის თემა, რომელიც თერჯოლის ქალთა მხარდაჭერის ცენტრის ინიცირებით 25 ნოემბერს ჩატარდა და შეკრებილ საზოგადოებას ქალთა მიმართ ძალადობის წინააღმდეგ მიმართული 16-დღიანი კამპანიის გახსნა აუწყა.
„სამყარო ძალადობის გარეშე“ - თერჯოლის ქალთა მხარდაჭერის ცენტრის ინიციატივით კამპანიის ფარგლებში ქალთა ნამუშევრების გამოფენა მოეწყო. კამპანიის ფარგლებში ონლაინ ფორმატით ჩატარდა „შემოქმედ ქალთა საათი“ - ქალებმა საკუთარი ლექსები წაიკითხეს.
მონაწილეებმა აღნიშნეს, რომ მსგავსი ტიპის ღონისძიებები ხელს შეუწყობს ქალთა გაძლიერებას და საზოგადოებაში დაგროვილი აგრესიას შეამცირებს.
აქტივობებში ჩართულნი იყვნენ ადგილობრივი თვითმმართველობის და სხვადასხვა სფეროს წარმომადგენელები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აქტიური წვლილი შეიტანეს 16-დღიან კამპანიაში ფონდი „სოხუმის“ ფსიქოლოგმა და იურისტმა. მათ დისტანციურად კიდევ სამი ჯგუფური შეხვედრა გამართეს სამტრედიის, ჩოხატაურის და წალენჯიხის ქალთა მხარდაჭერის ცენტრების ბენეფიციარებთან. იურისტი შეკრებილებს ოჯახში ძალადობის წინააღმდეგ მიმართულ კანონზე ესაუბრა. ფსიქოლოგმა გაშალა ნაადრევი ქორწინების თემა - ერთ-ერთი აქტუალური პრობლემა. „არ გაათხოვო არასრულწლოვანი ქალიშვილი, მიეცი განათლება, მიეცი არჩევანი, მიეცი თავდაჯერებულობა“ - ასეთი იყო ფსიქოლოგის რჩევა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
16-დღიანი კამპანიის აქტიური მონაწილე გახდა ბაღდათის ქალთა მხარდაჭერის ცენტრი. მან მუნიციპალიტეტის გენდერული თანასწორობის საბჭოსთან ერთად მოაწყო შეხვედრა ძალადობის თემაზე. შეხვედრაზე მოწვეული იყო კრიზისული ცენტრის იურისტი, რომელმაც მსხვერპლთა დახმარების კუთხით არსებულ სერვისებზე და სამართლებრივ მექანიზმებზე ისაუბრა.
კამპანიის ფარგლებში სოფლებში გაიმართა ძალადობის თემაზე შექმნილი ფილმის ჩვენება და დისკუსიები - დაესწრნენ საჯარო მოხელეები, სამოქალაქო აქტივისტები, პედაგოგები, მოზარდების მშობლები.
ქალთა მიმართ ძალადობა ბოროტებაა და საზოგადოება ამ ბოროტებას წინ უნდა აღუდგეს - ასეთი იყო მონაწილეთა საერთო მოსაზრება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
დასრულდა ქალთა ფონდი "სოხუმის" მიერ ორგანიზებული მრგვალი მაგიდების შეხვედრები, რომლის მთავარი მიზანი იყო მუნიციპალური სერვისების განვითარება ქალთა მიმართ ძალადობის საკითხებზე ეფექტიანი რეაგირებისთვის - ინტერსექტორული თანამშრომლობითა და კოორდინაციით ცენტრს, რეგიონსა და მუნიციპალიტეტებს შორის.
ამჯერად, ცენტრალურ დონეს საქართველოს მთავრობის ადმინისტრაციის ადამიანის უფლებათა სამდივნოს უფროსი - მაკა ფერაძე და გენდერული თანასწორობის მუდმივმოქმედი საპარლამენტო საბჭოს წევრი - თამარ ტარიაშვილი წარმოადგენდნენ. სამეგრელო-ზემო სვანეთის სამხარეო ადმინისტრაციას კი გენდერულ საკითხებზე პასუხისმგებელი პირი - ნანა კაკაჩია.
შეხვედრის დიდი ნაწილი სამეგრელო-ზემო სვანეთის ცალკეული მუნიციპალიტეტის წარმომადგენლებს დაეთმო, რომლებმაც არსებულ მიღწევებსა და გამოწვევებზე ინფრომაცია ერთმანეთს გაუზიარეს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდი „სოხუმის“ ფსიქოლოგი და იურისტი აქტიურად ჩაერთნენ 16-დღიან კამპანიაში. მათ ჯგუფური შეხვედრები ჩაატარეს სენაკის, თერჯოლის და ქობულეთის ქალთა მხარდაჭერის ცენტრების ბენეფიციარებთან - ესწრებოდა 49 ადამიანი. იურისტმა ისაუბრა საქართველოს კანონზე ოჯახში ძალადობის აღკვეთის და მსხვერპლთა დაცვისა და დახმარების შესახებ, ფსიქოლოგიური საუბრები კი ეხებოდა თემას „როგორ გამოვიცნოთ ფსიქოლოგიური ძალადობა და არ გავხდეთ მსხვერპლი“.
განსაკუთრებული აქცენტი გაკეთდა 16-დღიან კამპანიაზე და საზოგადოების მხრიდან მხარდაჭერის მნიშვნელობაზე.
ფსიქლოგი და იურისტი, პარალელურად, ატარებენ ინდივიდუალურ საკონსულტაციო შეხვედრებს, ეხმარებიან ქალებს თავიანთი პრობლემების მოგვარებაში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრები აქტიურად მონაწილეობენ ქალთა ძალადობის წინააღმდეგ მიმართულ 16-დღიან კამპანიაში. კამპანიის ფარგლებში დაიგეგმა 24 სხვადასხვა ფორმატის აქტივობა: აქციები, საინფორმაციო შეხვედრები, ფილმების განხილვა. შეხვედრებში ადგილობრივი თვითმმართველობის წარმომადგენლებიც მონაწილეობენ.
25 ნოემბერს მრგვალი მაგიდით გახსნა კამპანია თერჯოლის ქალთა მხარდაჭერის ცენტრმა და საზოგადოების სხვადასხვა სპექტრის წარმომადგენლები მოიწვია თემაზე სასაუბროდ.
გენდერული თანასწორობის საბჭოებთან, თვითმმართველობის წარმომადგენლებთან ერთად საყოველთაო პროტესტს შეუერთდნენ სენაკის, ტყიბულის, ბაღდათის, ქობულეთის, სამტრედიის ქალთა მხარდაჭერის ცენტრები.
ძალადობის ნეგატიურ გავლენაზე ისაუბრეს ხურჩის (ზუგდიდის მუნიციპალიტეტი), ვანის, წალენჯიხის, ჩოხატაურის ქალთა მხარდაჭერის ცენტრებში ჩატარებულ შეხვედრებზე ქალებთან, სკოლის მოსწავლეებთან.
თითოეული აქტივობით საზოგადოებას კიდევ ერთხელ გაეგზავნა მესიჯი, რომ ქალზე ძალადობა ბოროტებაა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
16-დღიან კამპანიაში განსაკუთრებული ინტერესით ჩაერთნენ ფონდი „სოხუმის“ ახალგაზრდული ცენტრები. ცენტრების წევრები, რომლებმაც გაიარეს ტრენინგების ციკლი, ახლა დამოუკიდებლად ატარებენ სხვადასხვა სახის ღონისძიებას.
საინფორმაციო შეხვედრა, ნახატების გამოფენა, საინფორმაციო ფურცლის მომზადება, დისკუსია, ფილმის ჩვენება - ასეთია მათ მიერ ინიცირებული აქტივობების ფორმატი. თითოეულ ღონისძიებაში არანაკლებ 20-30 მოსწავლეა ჩართული. ეს იმას ნიშნავს, რომ ათობით ახალგაზრდა ეცნობა აქტუალურ ინფორმაციას და პროტესტს უცხადებს ძალადობას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მრგვალ მაგიდას ონლაინ ფორმატში ესწრებოდნენ ბაღდათის მუნიციპალიტეტის ადგილობრივი რეფერირების სუბიექტები: საკრებულოს გენდერული თანასწორობის საბჭოს წევრები, ადგილობრივი თვითმმართველობის, პოლიციის წარმომადგენლები, პედაგოგები.
გაიმართა ფონდი „სოხუმის“ მიერ ჩატარებული კვლევის „მსხვერპლთათვის არსებული სერვისების მონიტორინგის“ პრეზენტაცია. განიხილეს შემუშავებული რეკომენდაციები და არსებული გამოწვევები.
შეხვედრაზე ისაუბრეს ბაღდათის მუნიციპალიტეტში შემაკავებელი ორდერების სტატისტიკაზე, ძალადობის იდენტიფიკაციაზე და მსხვერპლის დახმარების კუთხით არსებულ სერვისებზე. ასევე - საერთაშორისო კამპანიაზე „16 აქტიური დღე ქალთა მიმართ ძალადობის წინააღმდეგ“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფახულანის (წალენჯიხის მუნიციპალიტეტი) ქალთა საინიციატივო ჯგუფმა უკვე გაიარა ტრენინგი გამოკითხვის ჩატარების უნარ-ჩვევებზე. მიღებული კომპეტენტური ინფორმაცია ხელს შეუწყობს ფოკუს-ჯგუფების, ინტერვიუების და ანკეტირების ხარისხიანად ჩატარებას. დეკემბერში ჯგუფის წევრები კვლევის პროცესში ჩაერთვებიან.
ლიის (წალენჯიხის მუნიციპალიტეტი) ახალგაზრდული საინიციატივო ჯგუფი კი აქტიურად ერთვება კამპანიაში „16 აქტიური დღე ქალთა მიმართ ძალადობის წინააღმდეგ“. ახალგაზრდებმა გააჟღერეს იდეები, რომელთაც კამპანიის ფარგლებში განახორციელებენ.
პროექტი ხორციელდება USAID-ის მხარდაჭერით