ფონდი „სოხუმის“ ადვოკატირების კამპანიის ფარგლებში ორგანიზაციის აქტივისტები ზუგდიდში, ბარამიას 7-ში განსახლებულ დევნილთა და ადგილობრივი თემის საჭიროების მოგვარებას ცდილობენ: მუნიციპალური ტრანსპორტით მოსარგებლე მოქალაქეები არ არიან უზრუნველყოფილი მგზავრების მოსაცდელით, რაც დისკომფორტს უქმნის, პირველ რიგში, ქალებს (რომელთა მხრებზეა ოჯახზე ზრუნვის პოლიტიკა - ოჯახისთვის საჭირო საყიდლებზე, აფთიაქში წასვლა, ბავშვების სკოლაში ტარება და ა.შ.), მოსწავლეებს, შშმ პირებს, ხანდაზმულებს.
გაიმართა შეხვედრა მერთან, დეპუტატის ბიუროს წარმომადგენელთან, ინფრასტრუქტურულ სამსახურში. შეგროვდა ხელმოწერები და მერიაში შეტანილ იქნა შესაბამისი წერილი.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ადვოკატირების კამპანიის ფარგლებში მნიშვნელოვანია გრძელვადიან პერსპექტივაზე გათვლილი საქმიანობა, მიმართული დევნილი და კონფლიქტით დაზარალებული ახალგაზრდების მხარდაჭერისკენ: აფხაზეთის მე-12 საჯარო სკოლის (ზუგდიდში) ადმინისტრაციასთან, პედკოლექტივთან, აღსაზრდელებთან თანამშრომლობით გაჩნდა მზაობა, სკოლის ბაზაზე მოეწყოს ახალგაზრდული სივრცე, რათა მოზარდებმა არაფორმალურ გარემოში ჩაატარონ საინტერესო შეხვედრები, დისკუსიები, იფიქრონ სამეწარმეო უნარების განვითარებაზე.
პროექტის ფარგლებში ფონდი „სოხუმის“ აქტივისტის, მარიამ ნარმანიას ხელმძღვანელობით ჩატარდა შეხვედრები თემებზე: „ეკოლოგია და კლიმატის ცვლილებები“, „ქალთა უფლებები“. ახალგაზრდები აქტიურად ჩაერთნენ და სხვადასხვა საკითხებთან მიმართებით საინტერესო დისკუსიებიც გაიმართა.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ფონდი „სოხუმის“ ორგანიზებული ქალთა სამშვიდობო კოალიციის წევრების სამუშაო შეხვედრა ჩატარდა. კიდევ ერთხელ მოხდა ზუგდიდის მუნიციპალიტეტში იგპ და კონფლიქტით დაზარალებული ქალების და გოგონების საჭიროებათა კვლევის მიგნებების განხილვა და შეირჩა კონკრეტული პრობლემები, რომელთა ადვოკატირების ერთთვიანი კამპანიებიც ჩატარდება.
ადვოკატირების კამპანიას 7 ჯგუფი ჩაატარებს:- კოალიციის წევრი ორგანიზაციები და ქალთა საინიციატივო ჯგუფები.
იმ საკითხების ჩამონათვალში, რომელთა ადვოკატირებაც იწყება, არის ახალგაზრდული სივრცის შექმნა გამყოფი ხაზის თემში, სოციალური ინფრასტრუქტურა დევნილთა ახალი განსახლების ადგილას, წყალმომარაგების, ამბუალატორიაში ხარისხიანი მომსახურების ხელმისაწვდომობის, ოჯახში ძალადობის მსხვერპლთა დაცვის მუნიციპალური ღონისძიებების საკითხები.
ადვოკატირების ჯგუფებმა უკვე დაიწყეს კამპანიის მოსამზადებელი სამუშაოები და საჭირო ინფორმაციის მოძიება.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ფონდი „სოხუმის“ ადვოკატირების კამპანიაში აქტიურად არის ჩართული ქალთა სამშვიდობო კოალიციის წევრი - ასოციაცია „მერკური“ (ზუგდიდი). ორგანიზაცია ოჯახში ძალადობის მსხვერპლთა დახმარების მრავალწლიანი გამოცდილების გამოყენებით, მუნიციპალიტეტის ბიუჯეტში ოჯახში ძალადობით დაზარალებულებისთვის სერვისების მიწოდების საკითხის გაუმჯობესებას უწევს ადვოკატირებას.
ზუგდიდის მუნიციპალიტეტმა ერთ-ერთმა პირველმა დანერგა ძალადობის მსხვერპლთა დახმარების პროგრამები. 2022 წლის ბიუჯეტის განხილვის პროცესში ამ საკითხზეც მოხდა კვალიფიციურ არასამთავრობო სექტორთან დიალოგი. ადვოკატირების ჯგუფის წევრები აგრძელებენ საფინანსო, იურიდიულ სამსახურთან კონსულტაციებს.
შესაბამისი მხარდაჭერის შემთხვევაში ზუგდიდის მუნიციპალიტეტი დანერგავს კიდევ ერთ ინოვაციას - აუთსორსინგის მეთოდის გამოყენება დაზარალებულებისთვის კვალიფიციური სერვისის მისაწოდებლად.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ქალთა მხარდაჭერის ცენტრებში საინფორმაციო შეხვედრები გრძელდება. მოქალაქეთა ინფორმირების გარდა, ამ შეხვედრებზე ოჯახური ძალადობის ფაქტების იდენტიფიცირება და შემდეგ მათზე რეაგირება ხდება.
ნოემბერში ქობულეთის, წალენჯიხის, ჩოხატაურის, ტყიბულის და სამტრედიის ცენტრების მობილიზატორებმა იდენტიფიცირებული პრობლემები ფსიქოლოგს და იურისტს გადასცეს რეაგირებისთვის.
ქალთა მხარდაჭერის ცენტრები სხვადასხვა თემში არსებული პრობლემების ადვოკატირებასაც ახდენენ, პროცესში თემის აქტივისტებიც არიან ჩართულები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მონიტორინგის ჯგუფმა კიდევ ერთ მნიშვნელოვან თემაზე დაიწყო მუშაობა - ადრეულ ეტაპზე მოძალადის ქცევის კორექციის პროგრამების დანერგვის საკითხზე მოსახლეობის განწყობების და დამოკიდებულებების შესწავლა.
კვლევის შედეგად გამოვლინდება, საზოგადოებაში რამდენად მნიშვნელოვნად მიაჩნიათ მოძალადის ქცევის კორექციის პროგრამა, რაც გულისხმობს მოძალადის მიერ ძალადობრივი ქცევის შეცვლისთვის ფსიქოლოგიურ-სოციალური დახმარების პროგრამას, რომლის მიზანია, აღარ განმეორდეს ძალადობა და დაცული იყოს მსხვერპლის უსაფრთხოება. ამომწურავი ინფორმაციის მისაღებად დასავლეთ საქართველოს 10 მუნიციპალიტეტში ჩატარდება ფოკუს-ჯგუფები, ჩაღრმავებული ინტერვიუები და რაოდენობრივი კვლევა.
ჯგუფის მუშაობა აქტიურ ფაზაში შევიდა, დაიწყო ანკეტირების პროცესი, ჩატარდა ოთხი ფოკუს-ჯგუფი და ორი ინტერვიუ. თვისებრივი კვლევის პირველი მონაცემებით იკვეთება, რომ საზოგადოებას მნიშვნელოვნად მიაჩნია ასეთი პროგრამა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სტრესთან გამკლავება, სიმშვიდე, პრობლემების მოგვარება, იმედი… - ეს და უამრავი სხვა შედეგი მოიტანა ფონდი „სოხუმის“ ფსიქოლოგისა და იურისტის საკონსულტაციო მუშაობამ.
მათ რეგიონებში ონლაინ ჩაატარეს სამი ჯგუფური შეხვედრა და ინდივიდუალური კონსულტაციები ქალთა მხარდაჭერის ცენტრების ბენეფიციარებისთვის.
გაიმართა მუშაობა კრიზისულ ოჯახებთან, ასევე ონლაინ გაგრძელდა ინდივიდუალური ფსიქოთერაპია 29 ბენეფიციართან.
პარალელურად მიმდინარეობდა აქტიური კომუნიკაცია ფონდი „სოხუმის“ დღის სარეაბილიტაციო ცენტრის ბენეფიციარებთან - ფსიქოლოგიური თერაპია, რაც ასე სჭირდება ამ ქალებს...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ძალადობისა და კონფლიქტის თემაზე ფონდი „სოხუმის“ ტრენერებმა ტრენინგი ჩაატარეს ჩოხატაურის, თერჯოლის, სენაკის და ტყიბულის მუნიციპალიტეტებში მცხოვრები ახალგაზრდებისთვის.
ეს 6-თვიანი აქტიური მუშაობის ნაწილია და მონაწილეებიც დიდი ინტერესით ჩაერთნენ პროცესში. იყო საინტერესო დისკუსიები, გულახდილი საუბრები, კონკრეტული მაგალითები... 80-მდე ახალგაზრდაა გაერთიანებული ახალგაზრდულ ცენტრებში, ისინი ტრენინგიდან ტრენინგამდე დამოუკიდებელი აქტივობების ინიცირებას ახდენენ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
2021 წლის 16 ნოემბერს, საქართველოს საგარეო საქმეთა სამინისტრომ უმასპინძლა შეხვედრას სამოქალაქო საზოგადოებასთან მრგვალი მაგიდის ფორმატში — „ჟენევის საერთაშორისო მოლაპარაკებები — ქალები, მშვიდობა და უსაფრთხოება“, რომელიც გაეროს ქალთა ორგანიზაციისა და დიდი ბრიტანეთის მხარდაჭერით გაიმართა. შეხვედრის მიზანს კონფლიქტის მშვიდობიანი მოგვარების და სამშვიდობო პროცესებში ქალთა ჩართულობაზე სამოქალაქო საზოგადოებასთნ დიალოგის ხელშეწყობა წარმოადგენდა.
ქალთა ფონდი „სოხუმის“ თბილისის წარმომადგენელმა შეხვედრაზე აღნიშნა, ქალთა ორგანიზაციებთან საკონსულტაციო პლატფორმების შექმნის და ამოქმედების მნიშვნელობა და ყურადღება გაამახვილა, ყველა დარგობრივი სახელმწიფო სამინისტროს მიერ „ქალები, მშვიდობა, უსაფრთხოების“ საკითხების ირგვლივ ქალთა ორგანიზაციებთან უფრო აქტიური თანამშრომლობის აუცილებლობაზე. მან ასევე ხაზი გაუსვა საგარეო საქმეთა სამინისტროს მიერ „კონფლიქტის მშვიდობიანი მოგვარების სტრატეგიის“ დაგეგმვის და შემუშავების პროცესში ქალთა ორგანიზაციების ჩართულობის უზრუნველყოფის აუცილებლობას, მათ შორის, კონფლიქტით დაყოფილი საზოგადოებიდან (აფხაზეთი, სამხრეთ ოსეთი) და მასში გენდერული განზომილების გათვალისწინებას, რაც უფრო სიცოცხლისუნარიანს და ქმედითს გახდიდა მას.
ფოტო ეკუთვნის შერიგებისა და სამოქალაქო თანასწორობის საკითხებში სახელმწიფო მინისტრის აპარატს.
- პანდემიურმა სიტუაციამ კიდევ უფრო გაართულა ურთიერთობები ოჯახის წევრებს შორის, გაიზარდა კონფლიქტების განვითარების რისკები, ამიტომაც გახშირდა ძალადობა ოჯახში. ასეთ პირობებში განსაკუთრებული მნიშვნელობა აქვს საინფორმაციო შეხვედრებს მოსახლეობასთან, ფსიქოლოგის ჩართულობას, - ამგვარი მოსაზრებები ჰქონდათ შეხვედრის მონაწილეებს თერჯოლის, ბაღდათის, ვანის, ზუგდიდის და სენაკის ქალთა მხარდაჭერის ცენტრებში.
მობილიზატორების აქტიურობით, თვითმმართველობის სოციალურ სამსახურებთან თანამშრომლობით, ადგილებზე მოხდა ძალადობის ფაქტების იდენტიფიცირება და მიმდინარეობს შესაბამისი რეაგირება მსხვერპლთა დასახმარებლად.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)