გულახდილობა, სითამამე, პრეზენტაბელურობა - ეს არის ის ძირითადი უნარ- ჩვევები, რომლითაც გამოირჩევიან ახალგაზრდული კლუბის წევრები.
გენდერული ძალადობასა და დაცვის მექანიზმებზე ჩატარდა ახალგაზრდული კლუბის საინფორმაციო შეხვედრები ხონში, წყალტუბოსა და სენაკში.
ცვლილებები მოხდა შეხვედრის ფორმატში - აქტივობებს დაემატა როლური თამაშები - იმიტირებული სცენები. მონაწილეებმა სხვადასხვა აქტუალური თემა აირჩიეს: ბულინგი, ოჯახში ძალადობა, დისკრიმინაცია. ეს ის პრობლემებია, რომლებიც მოზარდებს აწუხებთ და იციან, რომ მხოლოდ მათი ჩართულობითაა შესაძლებელი უკეთესი გარემოს შექმნა.
- რას ნიშნავს მოლაპარაკება, როგორ მოვილაპარაკოთ, რომ კონფლიქტამდე საქმე არ მივიდეს, ვინ არის ფასილიტატორი - ამ საკითხებზე გაიმართა ვორკშოპები ფოთში, თერჯოლასა და ზუგდიდში ახალგაზრდების ჯგუფებთან.
მუშაობისას გამოყენებული იყო როლური სავარჯიშოები. მონაწილეები იმიტირებული წარმოდგენებით ცდილობდნენ მოლაპარაკებათა პროცესის წარმართვას, მედიატორის როლისა და ფუნქციის გათავისებას. ისინი თვლიან, რომ მიღებული ინფორმაცია საშუალებას მისცემს, პრაქტიკაში ეფექტურად აწარმოონ მოლაპარაკება და შეძლონ კონფლიქტების მართვა.
ფოთის საჯარო სკოლაში, თერჯოლის კერძო სკოლასა და დიდი ნეძის (ზუგდიდის მუნიციპალიტეტი) საჯარო სკოლაში ჩატარდა ახალგაზრდული კლუბების საინფორმაციო შეხვედრები.
გენდერული ძალადობა, ფორმები და დაცვის მექანიზმები ძალადობის პრევენციისთვის - ასეთი იყო შეხვედრების თემა.
ძირითადი თემის განხილვის შემდეგ იყო ჯგუფური თამაშები, ძალადობის სცენების წარმოდგენა: ძალადობა ოჯახში, სკოლაში, ცოლ-ქმრული კონფლიქტები. მოზარდებმა დამოუკიდებლად იმუშავეს, ბევრი პირველად მონაწილეობდა მსგავს აქტივობაში. მათ კარგად დაინახეს ძალადობის ფორმები და ნეგატიური შედეგები. ისიც გაიგეს, როგორ უნდა დაიცვას ადამიანმა თავი ძალადობისგან.
ხონის, ფოთის და ქუთაისის მუნიციპალიტეტებში ვაჟებთან მუშაობაშეაჯამეს. შემაჯამებელი შეხვედრების მთავარი მიზანი იყო, ვაჟებს გაეკეთებინათ მოხსენებები და ეჩვენებინათ, რამდენად კარგად ერკვევიან განვლილ საკითხებში. ისინი თამამად წარსდგნენ ერთმანეთის წინაშე და გაუზიარეს მნიშვნელოვანი ინფორმაცია. შეხვედრების ბოლო ნაწილი დაეთმო უკუკავშირს და ჯგუფურ სავარჯიშოს. ვაჟებს სურვილი აქვთ, ოჯახის წევრებსა და მეგობრებსგაუზიარონ თავიანთი ცოდნა.
„ჩემს მოსწავლეებს ვერ ვცნობ. თამამად შემიძლია განვაცხადო, რომ ეს არის ფონდი „სოხუმის“ მუშაობის შედეგი,“ - აღნიშნა ერთ-ერთი სკოლის სამოქალაქო განათლების პედაგოგმა.
ცვლილებები ეტყობა ახალგაზრდული კლუბების ყველა მონაწილეს. როგორც თავად ამბობენ, მოსწონთ თემები, უფრო გააქტიურდნენ და მუშაობის სტიმული აქვთ.
კლუბების შემაჯამებელი შეხვედრები თვითონ ახალგაზრდებმა ჩაატარეს. გამოიყენეს ყველა მეთოდი, რომლითაც საინფორმაციო შეხვედრებზე მუშაობდნენ: ინტერაქტივი, ჯგუფური სავარჯიშო, როლური თამაში, დისკუსია, უკუკავშირი.
შეხვედრის ყველა მონაწილე აქტიურად ჩაერთო. სწორედ ეს იყო წყალტუბოში, ოზურგეთსა და ლანჩხუთში ხუთთვიანი მუშაობის შედეგი.
- კონფლიქტების ანალიზი, მოლაპარაკება, კომუნიკაცია, თანასწორობა, პიროვნული კონფლიქტები - ამ თემებზე ხუთი თვის განმავლობაში მიმდინარეობდა მუშაობა ახალგაზრდულ ჯგუფებთან.
ბოლოს შემაჯამებელი ვორკშოპები გაიმართა. გავლილ თემებზე დისკუსიები ახალგაზრდა ლიდერებმა წარმართეს. შეხვედრებს ესწრებოდნენ სკოლის პედაგოგებიც. მონაწილეთა შეფასებით, არაფორმალური განათლებით, ინფორმირებით შესაძლებელია კონფლიქტების მართვა და ურთიერთობის დარეგულირება მოზარდებში.
ვორკშოპები ჩატარდა წყალტუბოში, ოზურგეთსა და ლანჩხუთში.
დასრულდა ვაჟებთან მუშაობის ერთი ციკლი. შემაჯამებელი შეხვედრები გაიმართა წყალტუბოს (16 ოქტომბერი), ოზურგეთისა (17 ოქტომბერი) და ლანჩხუთის (19 ოქტომბერი) მუნიციპალიტეტებში. შეხვედრების უდიდესი ნაწილი დაეთმო თავად ვაჟების მიერ გაკეთებულ მოხსენებას ძალადობისა და გენდერული თანასწორობის საკითხებზე. მოიყვანეს მაგალითები და შეკრებილებს გაუზიარეს თავიანთი ცოდნა.
შეხვედრის ნაწილი დაეთმო ჯგუფურ სავარჯიშოებს. მონაწილეებმა იმსჯელეს, რამდენად საჭიროა არაფორმალური შეხვედრები, რომელ კლასებშია უმჯობესი შეხვედრების ჩატარება. დიდი ნაწილის აზრით, მიზანშეწონილია მუშაობა მეექვსე-მეცხრეკლასელებთან, რადგან ამ დროს უყალიბდებათ ბავშვებს სწორი აზროვნება.
გრძელდება შემაჯამებელი ვორკშოპები კონფლიქტოლოგიაში.
ხონში გამართულ შეხვედრაზე მონაწილეებმა საპრეზენტაციოდ შეარჩიეს კონფლიქტების ანალიზი „კონფლიქტის ხის“ მეთოდით. ანალიზის დროს რეალური ისტორია გამოიყენეს, რამაც დისკუსია საინტერესო გახადა.
ფოთში მონაწილეებმა პრეზენტაციები ჯგუფური მუშაობით წარმოადგინეს: კომუნიკაციის და მოლაპარაკების მნიშვნელობა კონფლიქტის მართვის დროს.
ქუთაისელმა ახალგაზრდა ლიდერებმა პრეზენტაციები შემდეგ საკითხებზე გააკეთეს: „პიროვნული კონფლიქტების მართვა“, „გენდერული თანასწორობა“, „ფასილიტაცია“. განსაკუთრებით მაღალი იყო მონაწილეთა ჩართულობა.
სენაკის, თერჯოლისა და ფოთის მუნიციპალიტეტებში ვაჟებთან გამართული შემაჯამებელი შეხვედრები განსხვავდებოდა წინა შეხვედრებისაგან. ამჯერად თავად მონაწილეები აკეთებდნენ პრეზენტაციებს - ძალადობისა და გენდერული თანასწორობის შესახებ.
შეხვედრის დასასრულს ტრენერმა ბიჭები ორ გუნდად გაანაწილა. მათ უნდა ეპასუხათ კითხვებზე: საჭიროდ მიაჩნიათ თუ არა მსგავსი მუშაობა მოზარდებთან, თუ ისურვებდნენ ასეთი ტიპის შეხვედრების ჩატარებას, სამიზნე აუდიტორიად რომელ კატეგორიას შეარჩევდნენ და სხვა.
საბოლოო ჯამში, ბიჭებმა თავად შეაფასეს ჩატარებული მუშაობა და ახალი შეხვედრების სურვილი გამოთქვეს.
ხონში, ფოთსა და ქუთაისში ჩატარდა ახალგაზრდული კლუბების შემაჯამებელი შეხვედრები.
ეს იყო იმ თემების თავისუფალი არჩევანი, რომლებზეც 5 თვის მანძილზე მუშაობდნენ ახალგაზრდები. მათ საინტერესო პრეზენტაციები წარმოადგინეს ძალადობის, ტოლერანტობის და ჯანსაღი ცხოვრების წესის საკითხებზე.
გაიმართა ჯგუფური მუშაობა და დისკუსიები. მონაწილეები აქტიურად მსჯელობდნენ ძალადობის მიზეზებზე ახალგაზრდებში, ოჯახის როლზე მოზარდის აღზრდაში, სტერეოტიპებსა და საზოგადოების გულგრილობაზე ძალადობის პრობლემების მიმართ.
ორი მონაწილის უკუკავშირი ასეთია:
„მე ძალიან მომწონს არაფორმალური შეხვედრები, რომლებიც დადებით გავლენას ახდენს პიროვნების განვითარებაზე. ამას მე თვითონ ვგრძნობ საკუთარ თავზე“.
„მე გავხდი ძალიან აქტიური, საინტერესო მოსაუბრე. ჩემი მომავალი პროფესია ამ შეხვედრების კურსმა განაპირობა“.