54 ახალგაზრდა შეიკრიბა ახალგაზრდული კლუბების შემაჯამებელ შეხვედრებზე თერჯოლაში, სენაკსა და განმუხურში (ზუგდიდის მუნიციპალიტეტი).
ხუთთვიანი მუშაობის დროს განხილული იყო კონკრეტული თემები: გენდერული ძალადობის ფორმები და სახეები, ჯანსაღი ცხოვრების წესი ძალადობის პრევენციისთვის, ტოლერანტობა, ძალადობა ახალგაზრდებს შორის. ლიდერებმა პრეზენტაციისთვის სწორედ ეს თემები ამოირჩიეს. გაიმართა აქტიური დისკუსიები, ახალგაზრდებმა წარმოაჩინეს თავიანთი ცოდნა, ინფორმირებულობა, გამოცდილება, რაც ახალგაზრდული კლუბის ეფექტური მუშაობის შედეგია.
სენაკში, თერჯოლასა და ზუგდიდში ახალგაზრდების ჯგუფებთან შემაჯამებელი ვორკშოპები გაიმართა. შეხვედრებს პედაგოგებიც ესწრებოდნენ.
ახალგაზრდების ჯგუფებთან ხუთი თვის განმავლობაში მიმდინარეობდა დისკუსიები ისეთ თემებზე, რომლებიც კონფლიქტების მართვას ემსახურება: კონფლიქტების ანალიზი, მოლაპარაკება, კომუნიკაცია, შინაგანი კონფლიქტები, გენდერული თანასწორობა.
შეხვედრების მონაწილეებმა პრეზენტაციებით, ინტერაქტიული ჩართულობით და დისკუსიით შეაჯამეს თავიანთი ცოდნა და გამოცდილება. მათი შეფასებით, არაფორმალური განათლება მნიშვნელოვანია, რადგან მიღებული ინფორმაციებითა და შეძენილი უნარ-ჩვევებით უფრო ადვილია კონფლიქტების მართვა.
ვაჟებთან შეხვედრების ახალმა 6-თვიანმა ციკლმა დაიწყო ათვლა. ახალი სამუშაო ჯგუფები ჩამოყალიბდა თერჯოლის, წყალტუბოს, ფოთის, ოზურგეთის და ლანჩხუთის მუნიციპალიტეტებში. ჯგუფებში აქტიური და მოტივირებული ახალგაზრდები გაერთიანდნენ. პირველ შეხვედრებზე მათ იმსჯელეს ძალადობის საკითხებზე, მის პრობლემურობაზე. ვაჟები აანალიზებენ პრობლემის სიმწვავეს და აქვთ საკუთარი შეხედულებები, თუ როგორ უნდა შემცირდეს ძალადობა. რაც ყველაზე მთავარია, შეხვედრების მონაწილეებს ახალი ინფორმაციების მიღების და ძალადობის პრევენციაში ჩართვის დიდი სურვილი აქვთ.
- მიმუშავია არასამთავრობო ორგანიზაციებთან, მომწონს თქვენი ფორმატი და მინდა, ჩემმა მოსწავლეებმაც მოგისმინონ.
- არაფორმალური განათლება ყველაზე მეტად სჭირდებათ ახალგაზრდებს. მზად ვართ, ვითანამშრომლოთ ამ მიმართულებით.
ასეთი სიტყვებით დაიწყო ფონდი „სოხუმის“ თანამშრომლობა სკოლების დირექტორებთან ნიგვზიანში (ლანჩხუთის მუნიციპალიტეტი), გუმბრინში (წყალტუბოს მუნიციპალიტეტი), დვაბზუში (ოზურგეთის მუნიციპალიტეტი). ახალი სტრატეგიით, შერჩეულ სკოლებში მოსწავლეები ხუთთვიან კურს გაივლიან კონფლიქტების მართვის საკითხებზე. კურსის დამთავრების შემდეგ ყველა სკოლაში შეიქმნება ლიდერთა ჯგუფი, რომელიც ამ თემებზე გააგრძელებს დისკუსიას სხვადასხვა ჯგუფთან.
პირველივე შეხვედრიდან გამოიკვეთა მოსწავლეთა დაინტერესება. მათ გააჟღერეს საკუთარი ინიციტივებიც, რაც სამომავლო სტრატეგიაში შევა.
„ჩემთვის აუცილებელია კლუბის შეხვედრებში მონაწილეობა, რადგან ბევრი კომპლექსი მეხსნება და უფრო აქტიური ვხდები“, - ეს ახალგაზრდული კლუბების საინფორმაციო შეხვედრების ერთ-ერთი მონაწილის სიტყვებია.
სექტემბერში კლუბებში 9 შეხვედრა გაიმართა თემაზე: „გენდერული ძალადობა. ფორმები, სახეები და დაცვის მექანიზმები ძალადობის პრევენციისთვის“. ბოლო სამი შეხვედრა ჩატარდა გვიშტიბში (წყალტუბოს მუნიციპალიტეტი), ხაჯალიაში (ლანჩხუთის მუნიციპალიტეტი), ანასეულში (ოზურგეთის მუნიციპალიტეტი).
ამ სკოლებში პირველად ჩამოყალიბდა ახალგაზრდული კლუბები. ამიტომ მონაწილეები გაეცნენ ინფორმაციას ფონდ „სოხუმზე“, კლუბებზე და გაუჩნდათ თანამშრომლობის სურვილი.
თემის განხილვა აქტიურად წარიმართა. მოსწავლეებმა ისაუბრეს სტერეოტიპულ აზროვნებაზე, ცხოვრებისეულ მაგალითებზე, პრევენციის აუცილებლობაზე. კლუბების ახალ წევრებს აქვთ მოტივაცია, ჩაერთონ მუშაობაში და შედგომში თანატოლებს შორის გაავრცელონ მიღებული ინფორმაცია.
სასწავლო პროცესის დაწყების პარალელურად ვაჟებთან ახალი 6-თვიანი სამუშაო პერიოდი დაიწყო. პირველი შეხვედრები გაიმართა სენაკის, ზუგდიდის, ქუთაისისა და ხონის მუნიციპალიტეტებში. შეხვედრები მოიცავდა საინფორმაციო ნაწილს და ასევე გარკვეული დრო დაეთმო ძალადობის საკითხების განხილვას. ვაჟები თავად აღიარებენ საკითხის პრობლემურობას, აქვთ საკუთარი მოსაზრებები, რომელთაც ღიად აფიქსირებენ. პირველმა თვემ მოსალოდნელზე კარგად ჩაიარა. ახალ ჯგუფებში არიან მოტივირებული და მიზანდასახული მოზარდები და მათთან მუშაობა კარგ შედეგს გამოიღებს.
- როგორ უკავშირდება ძალადობა კონფლიქტებს, როგორ ვმართოთ კონფლიქტები - ამ საკითხებზე გაიმართა მსჯელობა ახალაგაზრდების ჯგუფთან სენაკში, ქუთაისსა და ფოთში.
ახალი სტრატეგიით, კონფლიქტის მართვის საკითხებზე აღნიშნულ ჯგუფებთან ხუთი თვე გაგრძელდება მუშაობა. მონაწილეები გაეცნენ კონფლიქტის ანალიზს და მის მეთოდებს. გაიხსენეს ცოცხალი ისტორიები თავიანთი ცხოვრებიდან, რომლის ანალიზიც ჯგუფურად გაკეთდა.
- ანალიზი გვაჩვენებს, კონფლიქტურ სიტუაციაში რა არის მთავარი პრობლემა, რამ გამოიწვია კონფლიქტის განვითარება და რა შედეგები მივიღეთ. ანალიზი გვასწავლის საკუთარი შეცდომების დანახვას, რათა მომავალში არ გადავდგათ ისეთი ნაბიჯები, რომლებიც კონფლიქტამდე მიგვიყვანს, - ასეთი იყო მონაწილეთა შეფასება.
ფონდი „სოხუმის“ ახალგაზრდულ კლუბებში ხუთთვიანი სამუშაო კურსისთვის კიდევ სამი ჯგუფი შეირჩა - ამჯერად ქუთაისში, ფოთსა და სოფელ თეკლათში (სენაკის მუნიციპალიტეტი). სკოლის მოსწავლეებთან გაიმართა სამი საინფორმაციო შეხვედრა თემაზე: „გენდერული ძალადობა, სახეები, ფორმები, მიზეზები, დაცვის მექანიზმები ძალადობის პრევენციისთვის“.
ახალგაზრდები გაეცნენ კლუბის მუშაობის სპეციფიკას, თემებს, რომლებზეც იმუშავებენ ხუთი თვის განმავლობაში. ისინი აქტიურად ჩაერთნენ პირველი თემის განხილვაში. ისაუბრეს ტრადიციებზე, ნაადრევ ქორწინებაზე, უფროსი თაობის დამოკიდებულებაზე ძალადობის პრობლემის მიმართ, გამოსავალზე, დაცვის მექანიზმებზე.
საინფორმაციო შეხვედრების მონაწილეების აზრით, კლუბზე მნიშვნელოვანი და საჭირო თემები განიხილება, ამიტომაც მათ კლუბის წევრობის სურვილი გამოთქვეს.
ახალგაზრდულ კლუბებში სექტემბრის საინფორმაციო შეხვედრები დაიწყო. პირველი შეხვედრები გაიმართა თერჯოლაში, სოფელ დიდი ნეძში (ზუგდიდის მუნიციპალიტეტი) და სოფელ კუხში (ხონის მუნიციპალიტეტი).
ამ ჯგუფებში შემდეგი თვეების განმავლობაში კიდევ 5 შეხვედრა ჩატარდება სხვადასხვა მოდულის მიხედვით. პირველი შეხვედრის თემა კი იყო: „გენდერული ძალადობა, სახეები, ფორმები, მიზეზები, დაცვის მექანიზმები ძალადობის პრევენციისთვის“.
ჯგუფები ერთმანეთისგან განსხვავდებოდნენ გამოცდილებით, აქტიურობით, კრეატიულობით, დისკუსიაში ჩართვით. მაგრამ იგრძნობოდა საერთო სურვილი - იმუშაონ ძალადობის თემაზე, გაიმდიდრონ ცოდნა, შეიძინონ ახალი უნარ-ჩვევები, ისწავლონ საკუთარი და სხვისი უფლებების დაცვა.
ვორკშოპების ციკლი ახალგაზრდებთან ახალი სტრატეგიით მიმდინარეობს. სექტემბრიდან ცხრა მუნიციპალიტეტში თანამშრომლობა ახალ სკოლებთან დაიწყო. თითოეულ სკოლაში ყალიბდება სამიზნე ჯგუფები 10-15 ადამიანის შემადგენლობით. თითოული ჯგუფი გაივლის ხუთთვიან პროგრამას კონფლიქტების მართვაზე. ხუთი თვის შემდეგ სკოლებში შეიქმნება „მშვიდობის კლუბები“. შემდეგ კლუბის ლიდერები თვითონ განაგრძობენ მუშაობას სხვადასხვა კლასში.
ახალგაზრდები მზად არიან, ჩაერთონ ხუთთვიან პროგრამაში და მიღებული გამოცდილება პრაქტიკულად გამოიყენონ.
პირველი ვორკშოპები უკვე გაიმართა თერჯოლაში, ზუგდიდსა და ხონში.
- რა კავშირშია ძალადობა ოჯახურ კონფლიქტებთან. რამდენად მნიშვნელოვანია კონფლიქტის ანალიზი და რა მეთოდები არსებობს ამისთვის, - ეს იყო პირველი ვორკშოპის თემა.
მონაწილეთა შეფასებით, მათ მნიშვნელოვანი ინფორმაციები მიიღეს, რადგან კონფლიქტების პრევენცია ანალიზის გარეშე შეუძლებელია.