აგვისტოს მეორე ნახევარში ახალგაზრდული კლუბის საინფორმაციო შეხვედრები ჩატარდა სენაკში, ოზურგეთში, ქუთაისში, ლანჩხუთში. იყო თემის „ოჯახში ძალადობის პრევენცია, დაცვის მექანიზმები, საზოგადოების როლი“ განხილვა, განსხვავებული ხედვები, ახალგაზრდების აქტიური ჩართულობა.
მონაწილეთა მოსაზრებები:
„ბევრი რამ ვისწავლე კლუბში. არ მეგონა, თუ ასეთი ინტერესი გამიჩნდებოდა“.
„ჩემთვის მნიშვნელოვანია მსგავსი თავისუფალი შეხვედრების ჩატარება“.
„არაფორმალური განათლება დადებით ცვლილებებს იწვევს მოზარდებში, მე ამის ნათელი მაგალითი ვარ“.
წყალტუბოში, თერჯოლაში, ფოთში, ხონსა და განმუხურში (ზუგდიდის მუნიციპალიტეტი) ჩატარდა ახალგაზრდული კლუბების საინფორმაციო შეხვედრები აქტუალურ თემაზე „ოჯახში ძალადობის პრევენცია, დაცვის მექანიზმები, საზოგადოების როლი“.
აქტიური ჯგუფები თავიდანვე ჩაერთნენ მუშაობაში. გამოიკვეთა ლიდერები, რომლებმაც განიხილეს ოჯახური ძალადობის მიზეზები, ისაუბრეს სტერეოტიპებზე, რომლებიც აფერხებს პრევენციულ ღონისძიებებს ქალთა მიმართ ძალადობის წინააღმდეგ.
ახალგაზრდებმა მოიყვანეს მაგალითები საკუთარი ოჯახისა და ახლობლების ცხოვრებიდან. მეტად მნიშვნელოვანი ფაქტია, რომ ისინი რეალურად აღიქვამენ ძალადობის მასშტაბებს და პრევენციაზე ფიქრობენ.
„აუცილებელია ამ საკითხებზე საუბარი არა მარტო ჩვენთან, არამედ უნდა ჩაერთონ მშობლები, პედაგოგები, სოციალური მუშაკები,“ - ასეთი იყო შეხვედრის ერთ-ერთი მონაწილის აზრი.
ახალგაზრდული კლუბების საინფორმაციო შეხვედრები გაიმართა თერჯოლაში, ფოთში, ლანჩხუთში. საუბრის თემა იყო - ძალადობის პრევენცია ახალგაზრდებში, დაცვის მექანიზმები და საზოგადოების როლი. მონაწილეებმა აქტიურად იმსჯელეს ამ აქტუალურ თემაზე. ისაუბრეს მიზეზებზე, რომლებზეც ოჯახში, სკოლასა და საზოგადოებაში ხშირად დუმილს ამჯობინებენ. როგორც წინა თვეებში, ივლისშიც 9 შეხვედრა ჩატარდა 9 მუნიციპალიტეტში.
ფონდმა „სოხუმმა“ წელს პირველად დაიწყო მუშაობა ვაჟებთან. ეს არის 6-თვიანი შეხვედრების ციკლი ერთსა და იმავე ჯგუფებთან.
პროექტის ამ კომპონენტის მიზანია - ამაღლდეს ვაჟთა განათლების დონე ქალთა მიმართ ძალადობის საკითხებში, რათა მათ გაითავისონ, რომ მამაკაცები მემკვიდრეობით არ არიან აგრესიულები და მათ აქვთ განსაკუთრებული როლი და პასუხისმგებლობა.
მუშაობა წარიმართა ქუთაისის, წყალტუბოს, ხონის, თერჯოლის, სენაკის, ფოთის, ზუგდიდის, ლანჩხუთის და ოზურგეთის მუნიციპალიტეტების სკოლებში.
ივლისში გაიმართა ბოლო, მეექვსე შეხვედრა ვაჟებთან. შეხვედრებზე იყო შემაჯამებელი სავარჯიშოები და თამაშები, საუბარი საზოგადოებრივი სტერეოტიპების მანკიერ მხარეზე, თამაშის „რა? სად? როდის?“ ანალოგი. ნაჩვენები იყო ანიმაცია. ბიჭებმა მცირე როლური თამაშებიც კი მოასწრეს.
უკუკავშირის დროს მონაწილეებმა გულახდილად ისაუბრეს ექვსთვიანი მუშაობის ეფექტურობაზე. აღნიშნავდნენ, რომ ყველა შეხვედრა მათთვის ძალიან საინტერესო და ინფორმაციული იყო. მიღებული ცოდნა და გამოცდილება ცხოვრების ყველა ეტაზე გამოადგებათ.
და კიდევ: გული წყდებათ პროექტის დასრულების გამო. თუმცა იციან, რომ ახლა ახალი ჯგუფები გაივლიან ასეთ საინტერესო ექვსთვიან ციკლს.
სენაკში, ზუგდიდში, ქუთაისში ახალგაზრდებმა დისკუსია გამართეს შემდეგ საკითხზე „ქალთა მიგრაცია - კავშირი ოჯახურ კონფლიქტებთან“.
დისკუსიისას დაფიქსირდა, რომ მიგრაცია ხშირად ხელს უწყობს ოჯახში კონფლიქტების განვითარებას. მონაწილეებმა არაერთი ცოცხალი ისტორია გაიხსენეს, ასეთი ოჯახებიდან გამოსულ ბავშვებს როგორ უჭირთ მეგობრებთან კომუნიკაცია.
- როცა ოჯახში დედის ფუნქცია სხვას აქვს შეთავსებული, მაგალითად, მამას ან ბებია-ბაბუას, ურთიერთობაში პრობლემები ხშირად იქმნება, რადგან დედის დეფიციტს ვერავინ ავსებს. ასეთი ბავშვები შინაგანად ჩაკეტილები ხდებიან და აგრესიას სხვადასხვა ფორმით ავლენენ, - მიიჩნევენ ახალგაზრდები.
მონაწილეებმა მიიღეს რეკომენდაციები, როგორ დაეხმარონ თანატოლებს კონფლიქტური სიტუაციების დაძლევაში.
ძალადობის პრევენცია ახალგაზრდებში, დაცვის მექანიზმები და საზოგადოების როლი - ამ აქტუალურ თემას მიეძღვნა ახალგაზრდული კლუბების საინფორმაციო შეხვედრები, რომლებიც გაიმართა სენაკის მესამე საჯარო სკოლაში, ქუთაისის ბავშვთა სახლში და სოფელ დიდი ნეძში (ზუგდიდის მუნიციპალიტეტი). შეხვედრები
მონაწილეები დაინტერესდნენ თემის განხილვით. აქტიურად ჩაერთნენ დისკუსიაში.
„ჩემთვის აქტუალური ძალადობის თემა, სტატისტიკა შემაშფოთებელია და ამიტომ საჭიროა მსგავსი შეხვედრების უფრო ფართო მასშტაბით ჩატარება,“ - აღნიშნა ერთ-ერთმა მონაწილე გოგონამ.
წყალტუბოს, ოზურგეთის და ხონის მუნიციპალიტეტების მოსწავლეებთან ჩატარდა ახალგაზრდული კლუბების საინფორმაციო შეხვედრები. შეხვედრების თემა - ძალადობის პრევენცია ახალგაზრდებში, დაცვის მექანიზმები და საზოგადოების როლი. მონაწილეებმა ისაუბრეს ძალადობის მიზეზებზე, ოჯახისა და საზოგადოების როლზე მოზარდის ჩამოყალიბებაში.
დისკუსია ახალგაზრდებისთვის გულახდილობის და სითამამის სივრცე აღმოჩნდა. ისინი აქტიურად ჩაერთნენ, იმსჯელეს ცხოვრებისეული მაგალითების მიხედვით.
ქალთა მიგრაცია, კავშირი ოჯახურ კონფლიქტებთან და მისი მოგვარების მექანიზმები - ამ საკითხებზე გაიმართა დისკუსია წყალტუბოში, ხონსა და ოზურგეთში ახალგაზრდებთან გამართულ ვორკშოპებზე.
მონაწილეებმა დააფიქსირეს, რომ ქალთა მიგრაცია სერიოზული პრობლემაა ყველა რეგიონში. მიგრაციაში მყოფი ქალის ოჯახში ხშირია კონფლიქტი. მონაწილეებს შორისაც აღმოჩნდნენ ისეთები, რომელთა ოჯახის წევრი საზღვარგარეთ იმყოფება სამუშაოდ. ისინი განსაკუთრებული ინტერესით საუბრობდნენ ამ საკითხზე.
- ქალთა მიგრაცია სეროზულ პრობლემებს ქმნის ოჯახში, ასეთ ოჯახებში გაზრდილი ბავშვები გაუცხოვებას, სულიერი სიახლოვის დეფიციტს განიცდიან. მათ განსაკუთრებული მხარდაჭერა სჭირდებათ, რათა შეძლონ საზოგადოებაში ინტეგრირება, - მიიჩნევენ ახალგაზრდები.
ტრეფიკინგი როგორც ძალადობის ფორმა, მისი მიზეზები, სტატისტიკა, ტრეფიკინგის მსხვერპლის პრობლემები, პრევენციული ზომები - ეს თემები განიხილეს ფონდი „სოხუმის“ ახალგაზრდულ კლუბებში - ქუთაისის ახალგაზრდულ ცენტრში, სოფელ ღვანკითში (თერჯოლის მუნიციპალიტეტი) და ოზურგეთის ერთ-ერთ საჯარო სკოლაში.
მონაწილეებმა ისაუბრეს სოციალურ პრობლემებზე, რომელმაც გამოიწვია მიგრაცია და მასთან ერთად - ტრეფიკინგი. ტრეფიკინგი განიხილეს, როგორც განვითარების სერიოზული საფრთხე. აქცენტები გაკეთდა სამართლებრივი დაცვის მექანიზმებზე.
ქუთაისში, თერჯოლაში, ოზურგეთში ახალგაზრდებთან ვორკშოპები გაიმართა, განხილვის თემა იყო ბულინგი. მონაწილეებმა იმ მიზეზებზე ისაუბრეს, რომლებიც ხელს უწყობს ახალგაზრდებში აგრესიის მატებას. ერთ-ერთი მიზეზი ის არის, რომ ცოცხალი ურთიერთობები დაიკარგა და კომუნიკაცია ძირითადად ხორციელდება ონლაინ. ეს ამკვიდრებს ცივ, უემოციო ურთიერთობებს. ახლო მეგობრებიც კი ერთმანეთს კარგად არ იცნობენ. მიზეზებს შორის დასახელდა კონფლიქტები ოჯახში, მშობლების მიგრაცია. მონაწილეთა აზრით, სახელმწიფომ მეტად უნდა იზრუნოს სოციალური პრობლემების მოსაგვარებლად - ეს ხელს შეუწყობს ჰარმონიას ოჯახსა და საზოგადოებაში.