შეხვედრები (642)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
კარგი შედეგი გამოიღო ხონის სამოქალაქო საზოგადოების ორგანიზაციების მუშაობამ. ხონის საკრებულომ მუნიციპალიტეტში ადგილობრივი თვითმმართველობისა და სამოქალაქო საზოგადოების 2020-2021 წლების ერთობლივი სამოქმედო გეგმა დაამტკიცა და სახელმძღვანელოდ მიიღო.
სამოქმედო გეგმა მიზნად ისახავს ადგილობრივი ხელისუფლების უფლებამოსილებების გაფართოებას და მუნიციპალიტეტში ელექტრონული სერვისების გაუმჯობესებას.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის
საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
სამუშაო ჯგუფის მორიგი შეხვედრა გაიმართა ვანის მუნიციპალიტეტის საკრებულოში. სამოქალაქო საზოგადოების ორგანიზაცია „თანადგომა 2020“ ხელმძღვანელმა ჯგუფის წევრებს წარუდგინა ჩატარებული მონიტორინგის ფარგლებში შემუშავებული რეკომენდაციები. იმსჯელეს იმაზე, თუ რა საკითხები შევა ჯგუფის სამოქმედო გეგმაში. მერიის იურიდიული სამსახურის ხელმძღვანელმა ჯგუფის წევრებს გააცნო ეთიკის კოდექსის სამუშაო ვარიანტი. კოდექსის საბოლოო ვარიანტის შემუშავებას ჯგუფი წლის ბოლომდე გეგმავს.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
იმერეთის სამხარეო ადმინისტრაციასთან პარტნიორობით 12 მუნიციპალიტეტის წარმომადგენელებთან ონლაინ შეხვედრა ჩატარდა. შეხვედრას ესწრებოდნენ სამხარეო ადმინისტრაციის გენდერზე პასუხისმგებელი პირი, მუნიციპალიტეტების გენდერული საბჭოს წევრები, მერიის სოციალური და ჯანდაცვის სამსახურის უფროსები, გენდერული მრჩევლები. განხილული იყო მუნიციპალიტეტებში გენდერული პოლიტიკის დანერგვის, ქალთა მიმართ და ოჯახში ძალადობის გამოვლენის, ძალადობის პრევენციის და მსხვერპლთა დაცვის მიმართულებით განხორციელებული საქმიანობა. საუბარი შეეხო კოვიდ-19-ის პირობებში შექმნილი ახალი რეალობის ფონზე გენდერული ბიუჯეტირების, პროგრამების შეფასების კუთხით არსებულ გამოწვევებს. ფონდი „სოხუმის“ წარმომადგენლებმა მონაწილეებს წარუდგინეს ჩატარებული კვლევებით გამოვლენილი პრობლემები, კოვიდ-19-ის პირობებში ძალადობის მსხვერპლების და რისკ-ჯგუფების მდგომარეობა, სხვადასხვა სტრუქტურისთვის შემუშავებული რეკომენდაციები. ისაუბრეს სამხარეო ადმინისტრაციების როლსა და ფუნქციებზე მუნიციპალიტეტებში გენდერული თანასწორობის პოლიტიკის კოორდინაციაში; გენდერული საბჭოების საქმიანობის, მათ წინაშე არსებული გამოწვევების შესახებ, ეროვნულ დონეზე შესაბამისი სტრუქტურებისთვის ინფორმაციის მიწოდების მნიშვნელობაზე; მეთოდოლოგიური დახმარების, სათანადო რესურსების აუცილებლობის საკითხზე.
სექტემბერი და ოქტომბერი გამორჩეულად აქტიური თვეები იყო რაჭა-ლეჩხუმის და ქვემო სვანეთის მუნიციპალიტეტების სკოლებისათვის.
ამ რეგიონის პედაგოგებისათვის ჩატარდა ონლაინ ტრენინგების ციკლი ბულინგისა და ძალადობის თემაზე. შემდეგ კი მათ თავიანთ სკოლებში ჩაატარეს 43 აქტივობა: საინფორმაციო შეხვედრები, პრეზენტაციები, საუბრები მშობლებთან, აქციები, ვიდეორგოლების შექმნა, ფილმების ჩვენება და დისკუსიები და ა.შ.
საერთო ჯამში პროექტში ჩაერთო რაჭა-ლეჩხუმის და ქვემო სვანეთის 16 სკოლა და 20 პედაგოგი.
ეთიკის კოდექსის სამუშაო ვარიანტის განხილვას დაეთმო სამუშაო ჯგუფის მორიგი შეხვედრა ბაღდათის მუნიციპალიტეტის მერიაში. ჯგუფის წევრებს შორის განაწილდა მოვალეობები, რაც ხელს შეუწყობს კოდექსის დროულად შემუშავებას და შემდგომში მის მიღებას იურიდიულ დოკუმენტად. პარტნიორმა სამოქალაქო საზოგადოების ორგანიზაციებმა ჯგუფის წევრებს წარუდგინეს საჯარო მმართველობის რეფორმის საგზაო რუკის განხორციელების მონიტორინგის ფარგლებში შემუშავებული რეკომენდაციები, რომლებიც სამოქმედო გეგმაში უნდა აისახოს.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ვებგვერდის განახლებასა და მონაწილეობით ბიუჯეტზე მსჯელობდნენ თერჯოლაში, სამუშაო ჯგუფის შეხვედრაზე. საკრებულოში გამართულ შეხვედრას ესწრებოდნენ ჯგუფის ახალი წევრები, საკრებულოს კომისიის ხელმძღვანელი და ფინანსური სამსახურის წარმომადგენელი.
სამომავლო გეგმების განხილვისას დაისვა მუნიციპალიტეტის ვებგვერდის განახლების საკითხი, რადგან ეს ელექტრონული სერვისი აუცილებელია. ასევე გაკეთდა აქცენტი მონაწილეობით ბიუჯეტზე, რომ რაც შეიძლება მეტი მოქალაქე ჩაერთოს ახალი ბიუჯეტის განხილვაში და შეძლოს თავისი კონკრეტული საჭიროებების მოგვარება.
ეს ორი ძირითადი კომპონენტი ფინანსურ მხარდაჭერას მოითხოვს, ამიტომაც დაიგეგმა საკონსულტაციო შეხვედრა ფინანსური განყოფილების წევრებთან.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ოჯახის ექიმები, სასწრაფო დახმარების ექიმები, პოლიკლინიკებსა და სოფლის ამბულატორიებში მომუშავე მედპერსონალი შეიკრიბა საინფორმაციო შეხვედრაზე ცაგერის მუნიციპალიტეტის სამედიცინო კლინიკაში.
ისაუბრეს აქტუალურ საკითხებზე: კანონი ქალთა მიმართ/ოჯახში ძალადობის აღკვეთის შესახებ, რეფერირება და კონკრეტულად - სამედიცინო პერსონალის როლი ძალადობის მსხვერპლთა იდენტიფიკაციისა და დახმარების კუთხით. ასევე გაიმართა ამ საკითხებზე სპეციალურად მედპერსონალისთვის გამოცემული პუბლიკაციის პრეზენტაცია. შეკრებილებმა გამოხატეს თავიანთი მოსაზრებები და მზადყოფნა, უფრო აქტიურად ჩაერთონ ძალადობის პრევენციის პროცესში.
ხონის საკრებულოს სხდომაზე მალე უნდა გაიტანონ დასამტკიცებლად სამუშაო ჯგუფის მომზადებული სამოქმედო გეგმა. უკვე არსებობს გეგმის საბოლოო ვერსია, თუმცა საკრებულოს სააქტო დარბაზში კიდევ ერთხელ შეიკრიბნენ სამუშაო ჯგუფის წევრები. შეხვედრაზე დაიგეგმა წინა სამუშაო პროცესი, რომელიც მოამზადებს ნიადაგს სამოქმედო გეგმის დამტკიცებისთვის. შეხვედრას ესწრებოდნენ მერიის, საკრებულოს და სამოქალაქო საზოგადოების ორგანიზაციების წარმომადგენლები.
პროექტი ხორციელდება ევროკავშირის მხარდაჭერით
ახალი ამბავი ინტერნეტში, ნიუსის სტრუქტურა, ფოტოების სწორად შერჩევა, მკითხველთა აუდიტორიის გაფართოება - ეს არის ფონდი „სოხუმის“ ორგანიზებულ ტრენინგზე განხილული საკითხების ერთი ნაწილი. განსაკუთრებული აქცენტი გაკეთდა იმაზე, როგორ აისახოს ნიუსში საქმიანობის შედეგები, მიღებული გაკვეთილები და წარმატების ისტორია.
ონლაინ ტრენინგში მონაწილეობდნენ 8 მუნიციპალიტეტის 16 სამოქალაქო საზოგადოების ორგანიზაციის, ფონდი „სოხუმის“, მეწარმე ქალთა ფონდის და იმერეთის მეცნიერთა კავშირ „სპექტრის“ წარმომადგენლები.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
9 ოქტომბერს ამბროლაურის მუნიციპალიტეტში ჩატარდა საინფორმაციო შეხვედრა სამედიცინო პერსონალთან. შეხვედრას ესწრებოდნენ ოჯახის ექიმები, სასწრაფო დახმარების ექიმები, პოლიკლინიკებსა და სოფლის ამბულატორიებში მომუშავე მედპერსონალი.
ისაუბრეს აქტუალურ საკითხებზე: კანონი ქალთა მიმართ/ოჯახში ძალადობის აღკვეთის შესახებ, რეფერირება და კონკრეტულად - სამედიცინო პერსონალის როლი ძალადობის მსხვერპლთა იდენტიფიკაციისა და დახმარების კუთხით.
ასევე გაიმართა ამ საკითხებზე სპეციალურად მედპერსონალისთვის გამოცემული პუბლიკაციის პრეზენტაცია. შეკრებილებმა გამოხატეს თავიანთი მოსაზრებები და მზადყოფნა, უფრო აქტიურად ჩაერთონ ძალადობის პრევენციის პროცესში.