შეხვედრები (642)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ფონდის „სოხუმის“ თბილისის წარმომადგენლობამ ინოვაციური პროექტის „ონლაინ ხმის მრიცხველი - ამომრჩველის რჩევის აპლიკაცია (Voter Advice Application) 2020 წლის საპარლამენტო არჩევნებისთვის“ ფარგლებში პოლიტიკურ პარტიებთან შეხვედრებიდაიწყო. ფონდის „სოხუმის“ თანამშრომლებმა პოლიტიკური პარტიების წარმომადგენლებს გააცნეს ინფორმაცია პროექტისა და მასში ჩართვის შესაძლებლობის შესახებ, რამაც მათი დაინტერესება გამოიწვია. პარტიებმა გამოთქვეს თანამშრომლობის სურვილი. ორგანიზაცია კვლავაც აგრძელებს პოლიტიკურ პარტიებთან შეხვედრებს და აქტიურ კომუნიკაციას პროექტში მათი ჩართულობის უზრუნველსაყოფად.
ამ ეტაპზე შეხვედრებში მონაწილეობა მიიღეს შემდეგმა პარტიებმა:ეკა ბესელიას „პარტია სამართლიანობისთვის“, მოქალაქეთა პოლიტიკური გაერთიანება „ლელო საქართველოსთვის“, ახალი პოლიტიკური ცენტრი „გირჩი“, „ერთიანი ნაციონალური მოძრაობა“, „ევროპული საქართველო“.
„ამომრჩევლის რჩევის აპლიკაცია“ გულისხმობს ონლაინ პლატფორმის შექმნას, სადაც მოქალაქეებს აპლიკაციაში ასახულ კითხვებზე პასუხების გაცემის გზით, შესაძლებლობა ექნებათ, გაეცნონ იგივე კითხვაზე საარჩევნო პოლიტიკური სუბიექტების პოზიციას და შეხედულებას, მოკლედ და ამომრჩევლისთვის გასაგებ ენაზე. ეს დაეხმარება მოქალაქეს, გაიგოს, თუ რომელი პოლიტიკური სუბიექტი დგას ყველაზე ახლოს მის შეხედულებებთან, რათა არჩევნებზე შეძლოს ინფორმირებული და გააზრებული არჩევანის გაკეთება.
პროექტი ხორციელდება ვიშეგრადის ფონდის მხარდაჭერით
დაიბეჭდა საინფორმაციო ფურცელი, რომელშიც ახსნილია ონლაინ ხმის ელექტრონული მრიცხველის არსი: რომ ონლაინ პლატფორმა საუკეთესო შესაძლებლობაა ორივე მხარისთვის - ამომრჩევლისთვისაც და პოლიტიკური სუბიექტისთვისაც: ონლაინ ხმის ელექტრონული მრიცხველის დანერგვა არის მოქალაქეთა ინფორმირება „ამომრჩევლთა რჩევის აპლიკაციის“ მეშვეობით.
პოლიტიკურ პარტიას ეძლევა საშუალება, ამომრჩეველს გააცნოს თავისი პროგრამა. ამომრჩეველი კი იღებს ინფორმაციას იმის შესახებ, თუ რომელი პარტიაა უფრო ახლოს მის ხედვასთან.
პროექტი ხორციელდება ვიშეგრადის ფონდის მხარდაჭერით
სამოქალაქო საზოგადოების ორგანიზაციების მორიგი ფორუმის მუშაობაში მონაწილეობა მიიღეს პროექტის პარტნიორი ორგანიზაციების და სამიზნე მუნიციპალიტეტების პარტნიორი ორგანიზაციების წარმომადგენლებმა.
განხილვის მთავარი თემა იყო - მცირე პროექტების განხორციელება ლანჩხუთის, ხონის, თერჯოლის, ამბროლაურის მუნიციპალიტეტებში. წარმოდგენილი იყო პრეზენტაციები საკრებულოების ანგარიშვალდებულებისა და გამჭვირვალობის ახალი ელექტრონული სისტემის, მოსახლეობის ინფორმირებულობის გაზრდისა და მონაწილეობითი ბიუჯეტის შესახებ. განსაკუთრებით საინტერესო იყო ოზურგეთის ადგილობრივი თვითმმართველობის გამოცდილება საჯარო მმართველობის საგზაო რუკის რეალიზების პროცესში.
ფორუმი გაიმართა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში იმერეთის მხარის მეცნიერთა კავშირ „სპექტრის“ ორგანიზებით.
პროექტი ხორციელდება ევროკავშირის მხარდაჭერით
ბაღდათის მუნიციპალიტეტის სამოქალაქო საზოგადოების ორგანიზაცია „თანასწორობა ახლა“ ატარებს საინფორმაციო შეხვედრებს სხვადასხვა ჯგუფთან. ეს არის აქტივობები მცირე პროექტის „მოსახლეობის მონაწილეობა ადგილობრივ დონეზე საჯარო მმართველობის რეფორმის დანერგვის პროცესში“ ფარგლებში. პროექტის მიხედვით ხდება მარტოხელა მშობლების, მრავალშვილიანი დედების და პენსიონერების ინფორმირება იმის თაობაზე, თუ რა გავლენას მოახდენს მათზე საჯარო მმართველობის რეფორმა. შეხვედრების მონაწილეები ინტერესით ეცნობიან სამოქალაქო ჩართულობის ფორმებს.
საპროექტო განაცხადი მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით
ორგანიზაციამ „მოქალაქეთა აქტიურობა ეფექტიანი მმართველობისა და სამართლიანობისათვის“ ივნის-ივლისში ჩაატარა მოსამზადებელი სამუშაოები, მოხდა საინიციატივო ჯგუფის მობილიზება, გაიმართა ტრენინგი სამოქალაქო აქტივიზმის გაზრდის თემატიკაზე. ახლა მუშაობენ თემის პრობლემების ადვოკატირებაზე. აქტივისტებმა მიიღეს საჭირო ინფორმაცია, რათა აქტიურად ჩაერთონ პროექტში „ვანის მუნიციპალიტეტის სალომინაოს თემის ადმინისტრაციულ ერთეულში ახალგაზრდებისა და შშმ პირების საჭიროებები და მოთხოვნილებები, ინფორმირებულობა და გაწყვეტილების მიღების პროცესში ჩართვის ხელშეწყობა“.
საპროექტო განაცხადი მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით
„განათლებისა და განვითარების ცენტრი ედელვაისის“ პროექტის პირველი აქტივობა ხონის ადგილობრივ თვითმმართველობაში გაიმართა. მუნიციპალიტეტის მერის, საკრებულოს თავმჯდომარის და სამოქალაქო მრჩეველთა საბჭოს წევრებისთვის გაკეთდა პროექტის „საზოგადოების ხმა თვითმმართველობაში“ პრეზენტაცია. ამჟამად მიმდინარეობს მუშაობა პროექტის გეგმის მიხედვით. პროექტის ბოლოს მუნიციპალიტეტში ამოქმედდება ცხელი ხაზი, რომელიც გაზრდის საზოგადოების ინფორმირებულობას ყველა საჯარო პროცესის შესახებ.
მცირე პროექტი მომზადდა პარტნიორული პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში, რომელსაც ახორციელებს სამი ორგანიზაცია: ფონდი „სოხუმი“, მეწარმე ქალთა ფონდი და იმერეთის მეცნიერთა კავშირი „სპექტრი“.
პროექტი ხორციელდება ევროკავშირის მხარდაჭერით
ხონის დევნილთა საინიციატივო ჯგუფის წარმომადგენლები შეხვდნენ მუნიციპალიტეტის მერს ლადო ჯურხაძეს და მიაწოდეს ინფორმაცია პროექტზე „მეტი ჩართულობის უზრუნველსაყოფად ხელმისაწვდომობის გაზრდა მოქალაქეებისთვის“. პროექტი ითვალისწინებს მუნიციპალიტეტის ვებგვერდის განახლებას, რათა მოსახლეობამ აქტიურად ისარგებლოს თვითმმართველობის ელექტრონული პლატფორმით და მოაგვაროს თავისი პრობლემები.
მცირე პროექტი მომზადდა პარტნიორული პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში, რომელსაც ახორციელებს სამი ორგანიზაცია: ფონდი „სოხუმი“, მეწარმე ქალთა ფონდი და იმერეთის მეცნიერთა კავშირი „სპექტრი“.
პროექტი ხორციელდება ევროკავშირის მხარდაჭერით
იმერეთის მხარის მეცნიერთა კავშირი „სპექტრის“ მონაწილეობით ლანჩხუთის მუნიციპალიტეტში პროექტის განმახორციელებელი გუნდი („საქართველოს სასოფლო დარბაზი“ და „ლანჩხუთის საინფორმაციო ცენტრი“) შეხვდა ადგილობრივი სამუშაო ჯგუფის წევრებს.
ვორკშოპის თემა იყო „ეფექტური სტრატეგიული გეგმის შემუშავების მექანიზმი ლანჩხუთის მუნიციპალიტეტში საჯარო მმართველობის გაუმჯობესებისათვის“. განხილულ იქნა შემდეგი საკითხები: სტრატეგიული დაგეგმვის არსი და მეთოდები, ეფექტური სტრატეგიული გეგმის შემუშავების პირობები, სტრატეგიული მიზნებისა და ამოცანების განსაზღვრა და SWOT ანალიზი.
სამუშაო ჯგუფი (ადგილობრივი თვითმმართველობისა და სამოქალაქო საზოგადოების წარმომადგენლები) აქტიურად ჩაერთო მუშაობაში. მონაწილეებმა შეიმუშავეს და წარმოადგინეს სტრატეგიული ხედვა და გამოკვეთეს სტრატეგიული პრიორიტეტები.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
სამოქალაქო საზოგადოების ორგანიზაცია „ქალები საქართველოს მომავლისათვის“ ახორციელებს პროექტს „გზა ცვლილებებისაკენ“. პროექტის მონაწილეები შეხვდნენ მერიის ჯანდაცვისა და სოციალურ საკითხთა სამსახურის ხელმძღვანელს, შეისწავლეს სოციალური პროგრამების შესახებ არსებული საჯარო ინფორმაცია და დოკუმენტები, შექმნეს ბენეფიციარების მონაცემთა ბაზა, დაამუშავეს კვლევის კითხვარი და დაგეგმეს კვლევის ჩატარება.
პროექტი სოციალური და ჯანმრთელობის დაცვის სფეროს განეკუთვნება და ბენეფიციართა კეთილდღეობის გაუმჯობესებაზეა გათვლილი. ეს მუშაობა არის ნაწილი პარტნიორული პროექტისა „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზო რუკის მონიტორინგისათვის“, რომელსაც ახორციელებს სამი ორგანიზაცია: ფონდი „სოხუმი“, მეწარმე ქალთა ფონდი და იმერეთის მეცნიერთა კავშირი „სპექტრი“.
პროექტი ხორციელდება ევროკავშირის მხარდაჭერით
განათლებისა და თანასწორობის ცენტრი ოზურგეთის მუნიციპალიტეტში აქტიურად ახორციელებს პროექტს „იყავი ინფორმირებული - იქნები ძლიერი“.
გაიმართა პროექტის პრეზენტაცია და სამი ონლაინ ტრენინგი. ტრენინგი ჩატარდა ასევე სასტუმრო „ოზურგეთი პლაზაში“.
ტრენინგებზე მონაწილეებმა გაიგეს ბევრი საინტერესო ინფორმაცია, მათ შორის: როგორ ისარგებლონ მუნიციპალიტეტის ელექტრონული სერვისებით, როგორ მოიპოვონ საჯარო ინფორმაცია და გამოიყენონ თავიან სასარგებლოდ. ეს ყოველივე ხელს უწყობს მათ ჩართვას ადგილობრივ დონეზე გადაწყვეტილების მიღების პროცესში.
საპროექტო განაცხადი მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით