შეხვედრები (642)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
მეწარმე ქალთა ფონდის პარტნიორმა ადგილობრივმა ორგანიზაციამ „აქტიური მოქალაქე - ანგარიშვალდებული ხელისუფლება“ ცაგერის მუნიციპალიტეტში ქვეგრანტით მხარდაჭერილი პროექტის „ცაგერის მუნიციპალიტეტის თანამშრომელთა კომპეტენციის ამაღლება საჯარო მმართველობის რეფორმის ეფექტურად განხორციელებისათვის“ ფარგლებში ტრენინგი ჩაატარა თემაზე „საჯარო მმართველობის რეფორმის (PAR) დოკუმენტის მიხედვით ადგილობრივი თვითმმართველობის ელექტრონული სერვისების ეფექტიანობის გაუმჯობესების, მოქალაქეთა ჩართულობის გაზრდის მექანიზმების განსაზღვრა“.
ტრენინგს ესწრებოდნენ მუნიციპალიტეტის აღმასრულებული და საკანონმდებლო ორგანოების წარმომადგენლები - 29 ადამიანი.
ტრენინგი მიზნად ისახავდა ადგილობრივ საჯარო მოხელეთა კვალიფიკაციის ამაღლებას საჯარო მმართველობის რეფორმაზე, რომელიც ეფექტიანი, გამჭვირვალე, ინკლუზიური მმართველობის დამკვიდრებას შეუწყობს ხელს.
საპროექტო განაცხადი მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმის სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით
ხონის საკრებულოს სააქტო დარბაზში ჩატარდა სამუშაო ჯგუფის შეხვედრა, რომელზეც შემუშავდა სამოქმედო გეგმა. გეგმას საფუძვლად დაედო მონიტორინგის და საჭიროებათა კვლევის შედეგად გამოვლენილი რეკომენდაციები.
სამუშაო ჯგუფის ხელმძღვანელმა ალექსანდრე აკობიძემ გააკეთა პრობლემების მონახაზი. ჯგუფის წევრებმა განიხილეს ხონის მუნიციპალიტეტისთვის მნიშვნელოვანი საკითხები და ისაუბრეს გადაჭრის გზებზე. აღინიშნა, რომ პროექტი ხელს უწყობს საკრებულოს, მერიის და სამოქალაქო საზოგადოების მჭიდრო კომუნიკაციას, მუნიციპალიტეტის განვითარებას. სწორედ ეს დაინახეს საჯარო მოხელეებმა და საზოგადოების წარმომადგენლებმა.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ოზურგეთის ორგანიზაცია „ახალგაზრდა პედაგოგთა კავირი“ ივნისიდან მუშაობს პროექტზე „რა არის საჯარო მმართველობა“. ჩატარდა ტრენინგ კურსი „რა არის საჯარო მმართველობა“. კურსი რამდენიმე შეხვედრას მოიცავს. მისი მიზანია ახალგაზრდების ინფორმირება და ცნობიერების ამაღლებაა.
პროექტში ჩართულია 25 ახალგაზრდა. ტრენინგებზე განხილული იყო აქტუალური საკითხები: სახელმწიფოს შექმნის ისტორიული ასპექტები, საჯარო უფლებამოსილება, მმართველობის პროცესი, კონსტიტუციური უფლებები, პოლიტიკის დაგეგმვა, მუნიციპალურ დონეზე პრიორიტეტების განსაზღვრა და სხვა.
საპროექტო განაცხადი მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით
იმერეთის მხარის მეცნიერთა კავშირმა „სპექტრმა“ პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში გამართა პრესკონფერენცია სამიზნე მუნიციპალიტეტებში განხორციელებული საჭიროებების კვლევის შესახებ. პრესკონფერენციაში მონაწილეობა მიიღეს ელექტრონული და ბეჭდური მედიის წარმომადგენლებმა იმერეთის, გურიისა და რაჭა-ლეჩხუმის რეგიონებიდან.
პროექტი ხორციელდება ევროკავშირის მხარდაჭერით
7 და 8 ივლისს მეწარმე ქალთა ფონდმა ყოველთვიური კონსულტაციები ჩაატარა ამბროლაურისა და ცაგერის მუნიციპალიტეტებში. განსახორციელებელი პროექტების ეფექტიანი შედეგების მიღებასთან დაკავშირებით კონსულტაციები გაეწიათ პარტნიორ ორგანიზაციებს:
ცაგერში - „ცაგერის ქალთა უფლებებისა და თანასწორობის ცენტრი“, „აქტიური მოქალაქე - ანგარიშვალდებული ხელისუფლება.“
ამბროლაურში - „რაჭა-ლეჩხუმისა და ქვემო სვანეთის თვითმმართველობის რესურს ცენტრი“, „რაჭა-ლეჩხუმისა და ქვემო სვანეთი რეგიონალური ჰაბი-„აფხაზინტერკონტი.“
ასევე მოეწყო შეხვედრა ადგილობრივი თვითმმართველობის წარმომადგენლებთან. ისინი გაეცნენ ამბროლაურისა და ცაგერის მუნიციპალიტეტებში ჩატარებული ადგილობრივი საჭიროებების შეფასების შედეგებს. ადგილობრივი მთავრობები მზად არიან, ითანამშრომლონ პროექტის ფარგლებში საჯარო მმართველობის რეფორმის წარმატებით განხორციელებისათვის.
პროექტს ახორციელებენ კულტურულ-ჰუმანიტარული ფონდი „სოხუმი“, მეწარმე ქალთა ფონდი და იმერეთის მეცნიერთა კავშირი „სპექტრი“.
პროექტი ხორციელდება ევროკავშირის მხარდაჭერით
რაჭა-ლეჩხუმის და ქვემო სვანეთის რეგიონული ჰაბი ფონდი „აფხაზინტერკონტი“ ამბროლაურის მუნიციპალიტეტში ახორციელებს პროექტს „ანგარიშვალდებული და გამჭვირვალე თვითმმართველობა - ინფორმირებული მოსახლეობა“. 7 ივლისს გაიმართა პროექტის პრეზენტაცია/მრგვალი მაგიდა - დისკუსია.
შეხვედრას ესწრებოდნენ სამოქალაქო საზოგადოებრივი ორგანიზაციების, სათემო ორგანიზაციებისა და ადგილობრივი თვითმმართველობის წარმომადგენლები. ისაუბრეს პროექტის ფარგლებში დაგეგმილ აქტივობებზე, რაც მიზნად ისახავს ელექტრონული სერვისების ხელმისაწვდომობას.
საპროექტო განაცხადი მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით
ჩატარდა პროექტის საკოორდინაციო საბჭოს მორიგი შეხვედრა, სადაც საბჭოს წევრებმა განიხილეს ივლისში დაგეგმილი საპროექტო ღონიძიებები - ტრენინგი და სამოქალაქო საზოგადოების ორგანიზაციების ფორუმის შეხვედრა, ტელეგადაცემა და პრესკონფერენცია ადგილობრივი და რეგიონალური მედიის წარმომადგენლების მონაწილეობით. დადგინდა ღონისძიებების ჩატარების ზუსტი თარიღები და თემები.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
თერჯოლის საკრებულოს სააქტო დარბაზში შეიკრიბნენ სამუშაო ჯგუფის წევრები და ჯგუფის ხელმძღვანელი - საკრებულოს თავმჯდომარე ნინო ჯანელიძე, რომელიც აქტიურად ჩაერთო პროცესში. შეხვედრაზე განხილულ იქნა მონიტორინგისა და საჭიროების კვლევის შედეგად გამოვლენილი პრობლემები და სამოქმედო გეგმის სამუშაო ვერსია. იყო საუბარი ცხელი ხაზის ტექნიკურ უზრუნველყოფაზე. აქცენტი გაკეთდა ელექტრონულ სერვისებზე, კვალიფიკაციის ამაღლების საჭირობაზე. შეხვედრა აქტიურად და ნაყოფიერად წარიმართა.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
სამოქალაქო საზოგადოების ორი ორგანიზაცია აქტიურ საპროექტო მუშაობას იწყებს თერჯოლის მუნიციპალიტეტში.
ბავშვთა უფლებების დაცვისა და მოქალაქეობრივი აღზრდის კავშირი „ბავშვები - საქართველოს მომავალი“ ახორციელებს პროექტს „მონაწილეობითი ბიუჯეტი - გზა დემოკრატიისაკენ“. მისი მიზანია, ადამიანებმა გაიგონ, რას შეცვლის მათ ცხოვრებაში საჯარო მმართველობის რეფორმა და რამდენად მნიშვნელოვანია მათი ჩართულობა სამოქალაქო ბიუჯეტირებაში.
ორგანიზაცია „ქალები საქართველოს მომავლისათვის“ მუშაობს პროექტზე „გზა ცვლილებებისაკენ“. მისი დასრულების შემდეგ გაირკვევა, რამდენად ეფექტიანია ერთ-ერთი მუნიციპალური პროგრამა. პროექტი ხელს შეუწყობს ბენეფიციარების კონკრეტული საჭიროებების დაკმაყოფილებას.
პროექტი ხორციელდება ევროკავშირის მხარდაჭერით
ფონდი „სოხუმის“ ფეისბუქგვერდზე თვის მანძილზე განთავსდა ვიდეოჩანაწერები წალენჯიხის, ფოთის, ოზურგეთის და წყალტუბოს მუნიციპალიტეტების ადგილობრივი თვითმმართველობის წარმომადგენლების მონაწილეობით (გასულ თვეებში წარმოდგენილი იყო ხუთი მუნიციპალიტეტი).
მათში ასახულია მუნიციპალიტეტების საქმიანობა და სტრატეგია ფონდი „სოხუმის“ სწრაფი მოკვლევის შედეგად გამოვლენილი პრობლემების საპასუხოდ - COVID-19 ვირუსით გამოწვეული საჭიროებების ფონზე.