შეხვედრები (650)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ჩატარდა პროექტის საკოორდინაციო საბჭოს მორიგი შეხვედრა, სადაც საბჭოს წევრებმა განიხილეს ივლისში დაგეგმილი საპროექტო ღონიძიებები - ტრენინგი და სამოქალაქო საზოგადოების ორგანიზაციების ფორუმის შეხვედრა, ტელეგადაცემა და პრესკონფერენცია ადგილობრივი და რეგიონალური მედიის წარმომადგენლების მონაწილეობით. დადგინდა ღონისძიებების ჩატარების ზუსტი თარიღები და თემები.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
თერჯოლის საკრებულოს სააქტო დარბაზში შეიკრიბნენ სამუშაო ჯგუფის წევრები და ჯგუფის ხელმძღვანელი - საკრებულოს თავმჯდომარე ნინო ჯანელიძე, რომელიც აქტიურად ჩაერთო პროცესში. შეხვედრაზე განხილულ იქნა მონიტორინგისა და საჭიროების კვლევის შედეგად გამოვლენილი პრობლემები და სამოქმედო გეგმის სამუშაო ვერსია. იყო საუბარი ცხელი ხაზის ტექნიკურ უზრუნველყოფაზე. აქცენტი გაკეთდა ელექტრონულ სერვისებზე, კვალიფიკაციის ამაღლების საჭირობაზე. შეხვედრა აქტიურად და ნაყოფიერად წარიმართა.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
სამოქალაქო საზოგადოების ორი ორგანიზაცია აქტიურ საპროექტო მუშაობას იწყებს თერჯოლის მუნიციპალიტეტში.
ბავშვთა უფლებების დაცვისა და მოქალაქეობრივი აღზრდის კავშირი „ბავშვები - საქართველოს მომავალი“ ახორციელებს პროექტს „მონაწილეობითი ბიუჯეტი - გზა დემოკრატიისაკენ“. მისი მიზანია, ადამიანებმა გაიგონ, რას შეცვლის მათ ცხოვრებაში საჯარო მმართველობის რეფორმა და რამდენად მნიშვნელოვანია მათი ჩართულობა სამოქალაქო ბიუჯეტირებაში.
ორგანიზაცია „ქალები საქართველოს მომავლისათვის“ მუშაობს პროექტზე „გზა ცვლილებებისაკენ“. მისი დასრულების შემდეგ გაირკვევა, რამდენად ეფექტიანია ერთ-ერთი მუნიციპალური პროგრამა. პროექტი ხელს შეუწყობს ბენეფიციარების კონკრეტული საჭიროებების დაკმაყოფილებას.
პროექტი ხორციელდება ევროკავშირის მხარდაჭერით
ფონდი „სოხუმის“ ფეისბუქგვერდზე თვის მანძილზე განთავსდა ვიდეოჩანაწერები წალენჯიხის, ფოთის, ოზურგეთის და წყალტუბოს მუნიციპალიტეტების ადგილობრივი თვითმმართველობის წარმომადგენლების მონაწილეობით (გასულ თვეებში წარმოდგენილი იყო ხუთი მუნიციპალიტეტი).
მათში ასახულია მუნიციპალიტეტების საქმიანობა და სტრატეგია ფონდი „სოხუმის“ სწრაფი მოკვლევის შედეგად გამოვლენილი პრობლემების საპასუხოდ - COVID-19 ვირუსით გამოწვეული საჭიროებების ფონზე.
ამბროლაურის მუნიციპალიტეტში ამ ზაფხულს სამოქალაქო საზოგადოების ორგანიზაციები ორ პროექტს ახორციელებენ.
„რაჭა-ლეჩხუმისა და ქვემო სვანეთის თვითმმართველობის რესურსცენტრის“ პროექტია „ამბროლაურში მცხოვრებ მოქალაქეთა ჩართულობა საჯარო მმართველობის რეფორმის განხორციელებაში“. პროექტის მიზანია მოსახლეობის ჩართვა მუნიციპალიტეტის პოლიტიკის დაგეგმვასა და გადაწყვეტილების მიღების პროცესში.
„რაჭა-ლეჩხუმისა და ქვემო სვანეთის რეგიონალური ჰაბი - აფხაზინტერკონტი“ ახორციელებს პროექტს, რომლის სახელწოდებაა „ანგარიშვალდებული და გამჭვირვალე თვითმმართველობა - ინფორმირებული მოსახლეობა“. პროექტის განხორციელების შედეგად, თვითმმართველობის ელექტრონული სერვისები გამართულად იმუშავებს, თემის მოსახლეობას კი საშუალება მიეცემა, საკუთარი ინიციატივები მიაწოდოს ადგილობრივ თვითმმართველობას.
საპროექტო განაცხადები მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით
ოზურგეთის სამოქალაქო საზოგადოების ორგანიზაციებმა მცირე პროექტების განხორციელება დაიწყეს.
„განათლებისა და თანასწორობის ცენტრის“ პროექტით „იყავი ინფორმირებული - იქნები ძლიერი“ 4 თვის მანძილზე იმუშავებს მუნიციპალიტეტის ორ სოფელში (ნაგომარი, ჭანიეთი) და სამ დაბაში (ნასაკირალი, ლაითური, ურეკი). პროექტი ემსახურება მოსახლეობის ინფორმირებას, რა მნიშვნელობა აქვს მათ მონაწილეობას საჯარო მმართველობის რეფორმის დანერგვის პროცესში.
ორგანიზაცია „ახალგაზრდა პედაგოგთა კავშირი“ ახორციელებს პროექტს „რა არის საჯარო მმართველობა“. სამთვიანი პროექტი მოიაზრებს საზოგადოების ინფორმირებულობისა და ჩართულობის გაზრდას ადგილობრივ მართვაში. მუნიციპალიტეტში მცხოვრები ახალგაზრდები გაივლიან ტრენინგკურსს, გაუჩნდებათ ინტერესი და მოტივაცია, რაც შემდგომში სხვების ჩართულობასაც განაპირობებს.
საპროექტო განაცხადები მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით
ამბროლაურის მუნიციპალიტეტში საინფორმაციო-გაცნობით შეხვედრას ესწრებოდნენ მერიის და საკრებულოს სხვადასხვა სტრუქტურის წარმომადგენლები, გენდერული თანასწორობის საბჭოს წევრები.
შეხვედრის მონაწილეებმა ისაუბრეს ფონდი „სოხუმის“ გამოცდილებაზე და ადგილობრივი თვითმმართველობის ჩართულობაზე ოჯახში ძალადობის/ქალთა მიმართ ძალადობის პრევენციის და მსხვერპლთა დახმარების პროცესში. საუბარი შეეხო ფონდი „სოხუმის“ ტრენინგს მუნიციპალიტეტის სამედიცინო პერსონალთან.
შეხვედრის დროს ითქვა, რომ მუნიციპალიტეტსა და არასამთავრობო ორგანიზაციას შორის თანამშრომლობა სასიკეთო ცვლილებების საწინდარი გახდება.
ფონდმა „სოხუმმა“ ლენტეხის მუნიციპალიტეტში პირველად გამართა საინფორმაციო შეხვედრა, რომელსაც ესწრებოდნენ მერიის და საკრებულოს სხვადასხვა სტრუქტურის წარმომადგენლები, გენდერული თანასწორობის საბჭოს წევრები.
შეხვედრის მონაწილეებმა გაცვალეს ინფორმაციები: როგორ პასუხობს ადგილობრივი ბიუჯეტი გენდერულ პარამეტრებს, ოჯახური ძალადობის პრევენციის და მსხვერპლთა დახმარების საკითხები რამდენად პრიორიტეტულია ხელისუფლებისთვის, რა გამოწვევები არსებობს და რა იგეგმება ამ მიმართულებით.
მონაწილეებმა მიიღეს ინფორმაცია ფონდი „სოხუმის“ მიერ ჩატარებულ კვლევაზე -ადგილობრივი თვითმმართველობის როლის შესახებ ოჯახში ძალადობის პრევენციისა და მსხვერპლთა დახმარების კუთხით.
როგორც შეხვედრაზე აღინიშნა, არასამთავრობო სექტორსა და სახელმწიფო სტრუქტურებს შორის მსგავსი თანამშრომლობა ახალი ინიციატივების დანერგვას შეუწყობს ხელს.
ჯერ კიდევ არ არის დაზუსტებული, როდის ჩატარდება არჩევნები საქართველოში, მაგრამ ფონდი „სოხუმი“ აქტიურად მუშაობს პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ ფარგლებში.
პროექტის მიზანია ონლაინ ხმის მრიცხველის შექმნა - წინასაარჩევნოდ ამომრჩეველთა ინფორმირების მიზნით. საპროექტო ჯგუფი ონლაინ შეხვედრებზე იხილავს ყველა აქტუალურ საკითხს.
ფონდი „სოხუმის“ ყველა ინტერნეტპლატფორმაზე განთავსებულია მოწოდება, რომ მოსახლეობამ დააფიქსიროს, რა კითხვას დაუსვამდა პოლიტიკურ პარტიებს. ამჟამად მიმდინარეობს კითხვების ჩაწერა. აქტიურ ფაზაშია მუშაობა საინფორმაციო ვიდეორგოლზე.
პროექტი ხორციელდება ვიშეგრადის ფონდის მხარდაჭერით
ცაგერის მუნიციპალიტეტის სამოქალაქო საზოგადოების ორი ადგილობრივი ორგანიზაცია საინტერესო პროექტებზე მუშაობს.
„აქტიური მოქალაქე - ანგარიშვალდებული ხელისუფლება“ - ამ ორგანიზაციის პროექტია „ცაგერის მუნიციპალიტეტის თანამშრომელთა კომპეტენციის ამაღლება საჯარო მმართველობის რეფორმის ეფექტურად განხორციელებისათვის“. პროექტის მნიშვნელობა სათაურშივე ჩანს. ის ხელს შეუწყობს ადგილობრივი თვითმმართველობის ეფექტიანობის, გამჭვირვალობისა და ინკლუზიურობის ხარისხის გაუმჯობესებას.
„ქალთა უფლებებისა და თანასწორობის ცენტრის“ პროექტს ეწოდება „მეტი ინფორმირებულობა, მეტი ჩართულობა“. ის მოსახლეობას გააცნობს, რა სერვისებია ცაგერის მუნიციპალიტეტში, როგორ უნდა გამოიყენოს მოქალაქემ ეს სერვისები და ა.შ. პროექტის შედეგად გაიზრდება სერვისების ეფექტიანობა და ეფექტურობა.
საპროექტო განაცხადები მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით