შეხვედრები (642)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
აგვისტოში აქტიურად იმუშავა ფონდი „სოხუმის“ კიდევ ერთმა მნიშვნელოვანმა ჯგუფმა - ოჯახში ძალადობის აღმოფხვრის, ოჯახში ძალადობის მსხვერპლთა დაცვისა და დახმარების შესახებ საქართველოს კანონის იმპლემენტაციის მონიტორინგის ჯგუფმა.
გაიმართა ჩაღრმავებული ინტერვიუები წყალტუბოსა და სენაკის მუნიციპალიტეტის საკრებულოების გენდერულ მრჩევლებთან. ასევე ფოკუს-ჯგუფები ამავე მუნიციპალიტეტებში შექმნილ გენდერული თანასწორობის საბჭოების წევრებთან.
შეხვედრების შედეგად გამოიკვეთა, რომ ადგილობრივ თვითმმართველობებს გაცნობიერებული აქვთ თავიანთი მონაწილეობის აუცილებლობა ძალადობის პრევენციის საკითხში. ამას კი ფონდ „სოხუმთან“ მრავალწლიანი თანამშრომლობის შედეგად ასახელებენ.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
5 ქვეყნის (უკრაინა, საქართველო, სომხეთი, რუსეთი, გერმანია) წარმომადგენლებმა, პროექტის მონაწილეებმა საგანმანათლებლო ვიზიტი განახორციელეს 25-30 ივლისს საქართველოში. ისინი შეხვდნენ 10 ორგანიზაციის წარმომადგენლებს: ქუთაისში - „განათლების, დასაქმებისა და განვითარების ცენტრი“, ახალგაზრდა იურისტთა ასოციაციის ქუთაისის ფილიალი, პედაგოგთა კავშირი „განათლება და სამყარო“; თბილისში - იგპ ქალთა ასოციაცია „თანხმობა“, დანიის ლტოლვილთა საბჭო, ცენტრი „აფხაზეთი; გორში - ორგანიზაცია „განთიადი“; ფოთში - „ლაზიკა“; ზუგდიდში - „საუნჯე“; ბათუმში - „განვითარებისა და განათლების ცენტრი“.
შეხვედრის თემა: „გამოცდილების გაზიარება იძულებით გადაადგილებულ პირთა და ლტოლვილთა ინტეგრაციის წარმატებული პრაქტიკის სფეროში“.
მონაწილეებს შესაძლებლობა ჰქონდათ, გაცნობოდნენ საქართველოში მოქმედი არასამთავრობო ორგანიზაციების მრავალფეროვან საქმიანობას: დევნილთა სოციალურ-ეკონომიკური ინტეგრაციის გრძელვადიანი პროგრამების დანერგვა, იგპ-თა საინფორმაციო და სამართლებრვი მხარდაჭერა, დევნილთა მიმართ სტრატეგიის შემუშავება, დევნილთა პრობლემების ადვოკატირება, მუშაობა ახალგაზრდობასთან ადგილობრივ საზოგადოებაში ინტეგრაციისთვის, განსახლება, დასაქმება.
მონაწილეებმა მიიღეს არა მარტო ზოგადი ინფორმაცია, არამედ პასუხი მათთვის საინტერესო კითხვებზე. მათ შეხვედრები სასარგებლოდ შეაფასეს და აღნიშნეს, რომ ქართველ პარტნიორთა გამოცდილებას თავიანთ მუშაობაში გამოიყენებენ.
პროექტი ხორციელდება ორგანიზაცია DRA - ქართულ-რუსული გაცვლა - მხარდაჭერით (გერმანია)
შეხვედრა თბილისში, საქველმოქმედო ჰუმანიტარულ ცენტრ „აფხაზეთში“ გაიმართა. ეს იყო ერთ-ერთი შეხვედრა 5 ქვეყნის (უკრაინა, საქართველო, სომხეთი, რუსეთი, გერმანია) წარმომადგენლების საგანმანათლებლო ვიზიტის დროს საქართველოში თემაზე „გამოცდილების გაზიარება იძულებით გადაადგილებულ პირთა და ლტოლვილთა ინტეგრაციის წარმატებული პრაქტიკის სფეროში“ (პროექტი „დავძლიოთ ომის შედეგები ერთად“).
ამ შეხვედრის შესახებ ინფორმაცია დაიბეჭდა ცენტრი „აფხაზეთის“ ბიულეტენში.
პროექტი ხორციელდება ორგანიზაცია DRA - ქართულ-რუსული გაცვლა -
მხარდაჭერით (გერმანია)
ზუგდიდის სამხარეო ადმინისტრაციის დარბაზში, 18 ივლისს ფონდი „სოხუმის“ ორგანიზებით ჩატარდა ინფორმაციის და გამოცდილების გაცვლის შეხვედრა სამეგრელო-ზემო სვანეთის თვითმმართველობებთან, ადგილობრივი და საერთაშორისო ორგანიზაციების მონაწილეობით. ამ ფორმატის ეს რიგით მეორე შეხვედრაა - პირველი ქუთაისში გაიმართა იმერეთის ადგილობრივი თვითმმართველობების მონაწილეობით.
ფონდი „სოხუმის“ წარმომადგენლებმა შეხვედრის მონაწილეებს გააცნეს პროექტი, რომელიც ხორციელდება ვიშეგრადის ფონდის მხარდაჭერით და მიმართულია ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისაკენ ევროპის მოწინავე ქვეყნების გამოცდილებაზე დაყრდნობით.
ინტერესი გამოიწვია საკითხმა, როგორია ჩეხეთის გამოცდილება ადგილობრივ დონეზე თანაბარ მართვაში მოქალაქეთა ჩართულობის კუთხით და რა „გენდერული მარკერები“ გამოიყენება პროგრამებში ჩართულთა სოციალურ-დემოგრაფიული სურათის ანალიზისთვის; რა პრაქტიკა არსებობს ქართულ სინამდვილეში სამოქალაქო მონაწილეობის თვალსაზრისით და როგორია ამ მიმართულებით ადგილობრივი ხელისუფლების, სამოქალაქო ჯგუფების, საერთაშორისო ორგანიზაციების თანამშრომლობის რეზულტატები - PIN სოციალური ჩართულობის პროექტის, გაეროს განვითარების პროგრამის წარმატებული პრაქტიკის მაგალითზე - ადგილობრივი სამოქალაქო ჯგუფების მონაწილეობით.
საუბარი შეეხო საკითხს, რამდენად ქმედით მექანიზმს წარმოადგენს დემოკრატიული მმართველობის ხელშეწყობისათვის მუნიციპალური გენდერული თანასწორობის საბჭოები, რომლის ინსტიტუციონალიზაციაშიც ფონდ „სოხუმს“ უდიდესი წვლილი მიუძღვის და როგორ ხდება მუნიციპალიტეტების მხრიდან ორგანიზაციის ექსპერტიზის და გამოცდილების გამოყენება.
შეხვედრის მასალები სასარგებლო იქნება პროექტით დასახული მიზნებისა და ამოცანების შესასრულებლად, რაც თანხვედრაშია სახელმწიფო პოლიტიკის დეკლარირებულ პრინციპებთან - მოხდეს გენდერულ სფეროში სახელმწიფო პოლიტიკის ძირითადი მიმართულებების განსაზღვრა და ახალი კონცეფციების მიღების მხარდაჭერა; გენდერული თანასწორობის სფეროში საკანონმდებლო ბაზის შექმნა, გენდერული განვითარების უზრუნველყოფა და საერთაშორისო ხელშეკრულებებთან ჰარმონიზაციის ხელშეწყობა.
პროექტი ხორციელდება ვიშეგრადის ფონდის მხარდაჭერით
სოციალური მომსახურების სააგენტოს ხონის წარმომადგენლობაში ჩატარდა შეხვედრა თემაზე „დევნილთა რეფორმა“. მონაწილეებმა განიხილეს დევნილთა რეფორმის ფარგლებში განხილული სხვადასხვა ვერსია და საკუთარი პოზიციები დააფიქსირეს.
(PIN-ის პროექტი „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში საქართველოში“ -დაფინანსებულია ევროკავშირის და ჩეხეთის საგარეო საქმეთა სამინისტროს მიერ).
პროექტი ხორციელდება ჩეხური ორგანიზაცია „ადამიანი გაჭირვებაში“ PIN მხარდაჭერით
ხონის საკრებულოს სხდომათა დარბაზში ხონის სოციალურ საკითხებში მრჩეველთა საბჭოს მორიგი სხდომა გაიმართა.
თემატიკა: PIN-ის დაფინანსებული პროექტების მიმდინარეობის მოკლე მიმოხილვა; მუნიციპალიტეტის სოციალური პრიორიტეტები - სარეკომენდაციო წინადადებები „პრიორიტეტების დოკუმენტისთვის“; ადგილობრივი თვითმმართველობის სოციალური ბიუჯეტის მონიტორინგის ძირითადი მიგნებები; სოციალური სერვისების მიმწოდებელი ორგანიზაციების („პანაცეა“, „მწვანე რეგიონები“, დევნილთა ინტეგრაციის ცენტრი) საქმიანობის მოკლე ანგარიში; გლობალური დასაქმების ონლაინ პლატფორმის „ციფრული მოქალაქის“ პროექტი - როგორც პერსპექტივა ხონის სოციალური სტრატეგიის რეალიზებისთვის.
სხდომაზე გამოიკვეთა ახალი ინიციატივები უფრო ეფექტური სოციალური პოლიტიკის დასანერგად, გაიმართა დისკუსია ბენეფიციართა საჭიროებებზე მორგებული სოციალური დახმარების სახეების თაობაზე. საუბარი შეეხო სკოლამდელი განათლების სერვისში არსებულ გამოწვევებს. დაისახა თვითმმართველობის და სამოქალაქო ჯგუფების ერთობლივი სამომავლო სტრატეგია შშმ ახალგაზრდების დღის ცენტრის საქმიანობის გაფართოებისთვის.
პროექტი ხორციელდება ჩეხური ორგანიზაცია „ადამიანი გაჭირვებაში“ PIN მხარდაჭერით
ჩეხეთში, არასამთავრობო ორგანიზაციაში „გენდერული კვლევები“ (Gender Studies) გაიმართა სემინარი საქართველოს მუნიციპალიტეტის წარმომადგენლებისთვის ჩეხეთის რესპუბლიკაში გენდერული მეინსტრიმინგის და გენდერული თანასწორობის საკითხებზე არასამთავრობო ორგანიზაციების მუშაობის კუთხით. საუბარი წარმართა კლარა კოზლოვამ. ის არის ექსპერტი, მონაწილე ფონდი „სოხუმის“ პროექტისა „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“ (მხარდამჭერი - ვიშეგრადის ფონდი). მან უამბო სემინარის მონაწილეებს აღნიშნული პროექტის შესახებ და 5 ქვეყნის (ჩეხეთი, პოლონეთი, უნგრეთი, სლოვაკეთი, საქართველო) წარმომადგენელი ექსპერტების მიერ პროექტის ფარგლებში ჩატარებული კვლევის შესახებ პოლიტიკური დოკუმენტებისთვის ადგილობრივი ხელისუფლების ორგანოებში გენდერული პრობლემატიკის გათვალისწინებით ევროპული ინტეგრაციის კონტექსტში.
პროექტი ხორციელდება ვიშეგრადის ფონდისმხარდაჭერით
ივნისში ორი მნიშვნელოვანი თარიღი აღინიშნება - ბავშვთა დაცვის საერთაშორისო დღე და დევნილთა და ლტოლვილთა საერთაშორისო დღე. ფონდი „სოხუმის“ ქალთა მხარდაჭერის ცენტრების მობილიზატორებმა შეხვედრები, ძირითადად, ამ დღეებს მიუძღვნეს ქალაქებსა და სოფლებში, სხვადასხვა ბენეფიციარებთან. საუბრობდნენ პრობლემებზე და მათი ადვოკატირების გზებზე.
თვის განმავლობაში ჩატარდა 33 სამობილიზაციო შეხვედრა ქუთაისის, წყალტუბოს, სენაკის, ხონის, ფოთის და ზუგდიდის მუნიციპალიტეტებში.
ქუთაისის, ხონის, წყალტუბოს ქალთა საინიციატივო ჯგუფები მთელი თვის განმავლობაში აქტიურად მუშაობდნენ სხვადასხვა საკითხის ადვოკატირების მიზნით.
ქუჩის განათება, გზის გასწორება სოფლებში, ასფალტის დაგება, სახურავის რეაბილიტაცია, საინფორმაციო შეხვედრები სხვადასხვა თემთან, კომუნიკაცია ადგილობრივი სახელმწიფო სტრუქტურების წარმომადგენლებთან - საინიციატივო ჯგუფების ერთი თვის საანგარიშო პერიოდში სწორედ ეს საკითხები აისახა.
ყოველი მოგვარებული პრობლემა, რომლის უკან კონკრეტული ადამიანები დგანან - პირდაპირ კავშირშია საერთო მიზანთან, რაც საზოგადოებაში ადამიანური უსაფრთხოების ხარისხის ამაღლებას გულისხმობს.
ქალთა მხარდაჭერის ცენტრების მობილიზატორებმა 6 შეხვედრა ჩაატარეს ივნისში სხვადასხვა სახელმწიფო დაწესებულების წარმომადგენლებთან. ხონის და წყალტუბოს ქალთა მხარდაჭერის ცენტრის მობილიზატორები შეხვდნენ სოციალური საკითხების და ჯანდაცვის კომისიის წარმომადგენლებს. ფოთში შედგა შეხვედრა მერის მრჩეველთან გენდერის საკითხებში, სენაკში კი - სოფელ თეკლათის გამგებელთან. ხურჩა/კოკის ქალთა მხარდაჭერის ცენტრის მობილიზატორებმა შეხვედრა გამართეს ზუგდიდის გამგებელთან, ხოლო ქუთაისში ჩატარდა შეხვედრა კოლეჯ „იბერიას“ დირექტორთან.
საჭირო ინფორმაციები და სიახლეები (სოციალური მხარდაჭერა, გენდერული საკითხები, პროფესიული სწავლების უფასო პროგრამები), რომელთა შესახებაც მობილიზატორებმა გაიგეს შეხვედრებზე, აუცილებლად იქნება ასახული მომავალი თვის სამობილიზაციო შეხვედრებზე.