შეხვედრები (642)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
3 დეკემბერს აღინიშნება შეზღუდული შესაძლებლობების მქონე პირთა დღე. ფონდი „სოხუმის“ ქუთაისის ქალთა მხარდაჭერის ცენტრის მობილიზატორმა ამ დღეს შეხვედრა ჩაატარა დღის ცენტრ „ვალენტინში“.
შეკრებილებმა მიიღეს ინფორმაცია საერთაშორისო კამპანიის შესახებ „16 აქტიური დღე ქალთ მიმართ ძალადობის წინააღმდეგ“, ისაუბრეს ძალადობის სხვადასხვა სახეზე. აღნიშნეს, რომ ნებისმიერი ძალადობა დასაგმობია და გამოთქვეს ძალადობის პრევენციის პროცესში ფსიქოლოგის აქტიური ჩართვის სურვილი.
ქუთაისის ქალთა საინიციატივო ჯგუფმა გენდერული საბჭოს პროექტის ფარგლებში შექმნილი თოჯინების ჩრდილების სპექტაკლ „პირიმზეს“ ჩვენება მოაწყო საბავშვო ბაღ „ვარსკვლავებში“. სცენარი მეგობრობის, სიყვარულის, სიკეთის, თანასწორობის პროპაგანდას ემსახურება. მთავარი გმირი „პირიმზე“ამსხვრევს საზოგადოებრივ სტერეოტიპებს. სპეკტაკლი მოზარდებში სწორი გენდერული აზროვნების ჩამოყალიბებას ისახავს მიზნად. მისი ჩვენება 16-დღიან კამპანიას მიეძღვნა.
ქუთაისის ამომრჩეველ ქალთა კლუბი აგრძელებს აქტიურ თანამშრომლობას ფონდი „სოხუმის“ მიერ შექმნილ გენდერულ საკონსულტაციო საბჭოსთან.
28 ნოემბერს გაიმართა საბჭოს საგანგებო სხდომა. შეხვედრაზე საბჭოს წევრებმა კლუბის მოდერატორთან ერთად იმსჯელეს მიღებული კანონის შესაბამისად - საკრებულოში გენდერული თანასწორობის საბჭოს შექმნაზე. საუბარი შეეხო საჭირო პროცედურებს და ლობირების გზებს.
შეხვედრაზე საბჭოს წევრებმა დააფიქსირეს მხარდაჭერა 16-დღიანი კამპანიისადმი ქალთა მიმართ ძალადობის წინააღმდეგ.
პროექტი ხორციელდება აშშ საელჩოს მხარდაჭერით
16-დღიანი კამპანიის ფარგლებში ოზურგეთის მუნიციპალიტეტის სოფლების დვაბზუსა და ცხემლისხიდის სკოლებში გენდერული საკონსულტაციო საბჭოს წევრებმა ჩაატარეს საინფორმაციო შეხვედრები მოსწავლეებთან და პედაგოგებთან. შემდეგ მოსწავლეებმა სოფლებში თავად გამართეს აქცია და შეხვედრები სოფლის მოსახლეობასთან, დაარიგეს საინფორმაციო ფურცლები.
პროექტი ხორციელდება აშშ საელჩოს მხარდაჭერით
ქუთაისის ქალთა მხარდაჭერის ცენტრმა გენდერული ძალადობის წინააღმდეგ მიმართულ კამპანიას მიუძღვნა პროექტი, რომლის ფარგლებშიც მოხდა ფილმი-სიუჟეტის გადაღება. ფილმში საუბარია ქალთა მხარდაჭერის ცენტრის მუშაობაზე, ძალადობის პრობლემაზე, გამოსავალზე.
პროექტის დასასრულს გაიმართა პრეზენტაცია, ნაჩვენები იქნა ფილმი-სიუჟეტი. შეხვედრაზე მოწვეულნი იყვნენ ქუთაისის გენდერული საკონსულტაციო საბჭოს წევრები, ფონდი „სოხუმის“ აქტივისტები, პარტნიორი არასამთავრობო ორგანიზაციების და მასმედიის წარმომადგენლები.
აქტიურმა დისკუსიამ ნათლად წარმოაჩინა პრობლემის აქტუალობა და თითოეული ადამიანის სურვილი, მეტი გააკეთოს ძალადობის პრევენციისათვის.
ქალთა მხარდაჭერის ცენტრების მობილიზატორებმა სამობილიზაციო შეხვედრები ჩაატარეს სხვადასხვა ჯგუფთან ქალაქებსა და სოფლებში ქუთაისში, ფოთში, აგრეთვე წყალტუბოს, სენაკის, ხონის და ზუგდიდის მუნიციპალიტეტებში.
შეხვედრების თემა, ძირითადად, გენდერულ ძალადობას შეეხებოდა. მონაწილეებს მიეწოდათ ინფორმაცია 16-დღიანი კამპანიის შესახებ ქალთა მიმართ ძალადობის წინააღმდეგ. დაიგეგმა სხვადასხვა აქტივობა.
ხონის ქალთა მხარდაჭერის ცენტრი, ფოთის მე-7 და კოკის (ზუგდიდის მუნიციპალიტეტი) საჯარო სკოლები - კიდევ სამი საინფორმაციო შეხვედრა გაიმართა ახალგაზრდულ კლუბებში.
თემა აქტუალური და მნიშვნელოვანი: გენდერული ძალადობა, მიზეზები და მექანიზმები პრევენციისთვის.
შეხვედრების მონაწილეებმა იმსჯელეს ძალადობის მიზეზებზე, მენტალიტეტზე. ერთმა მონაწილემ, რომლის დედა საზღვარგარეთაა, აღნიშნა: „მე წინააღმდეგობას ვუწევ მამას, რომელიც არ მუშაობს და დედას თხოვს ფულს. ჩვენ ბევრჯერ შევთავაზეთ, თვითონ წასულიყო და დედა შინ დაბრუნებულიყო, მაგრამ ამაოდ. მე ყველაფერს გავაკეთებ, რომ ასეთი ცხოვრება არ მქონდეს. ჩემი ოჯახი დიდი გაკვეთილია ჩემთვის“.
საკრებულოს სხდომათა დარბაზში ხონის ქალთა საინიციატივო ჯგუფის წევრები შეიკრიბნენ. შეხვედრაზე მოწვეული იყო თვითმმართველობის შესაბამისი სამსახურის წარმომადგენელი, რომელმაც შეაფასა ადვოკატირების საკითხის გარშემო (მთავარი ბიბლიოთეკის ცენტრალური გათბობის მოწესრიგება) არსებული სიტუაცია და თვითმმართველობის პოზიცია გამოხატა.
როგორც აღინიშნა, საკითხი უკვე დგას ადგილობრივ დღის წესრიგში, მაგრამ თემის აქტუალობას ზრდის სამოქალაქო აქტიურობა, ხელმოწერები.
შეხვედრაზე დაიგეგმა ადვოკატირების მომდევნო ეტაპები, რომელთა შორის ყველაზე მნიშვნელოვანია ადგილობრივი ბიუჯეტის განხილვაში მონაწილეობა, რაც საშუალებას იძლევა მომავალი წლის პროგრამებში მოხდეს სასურველი საკითხების გათვალისწინება.
ხონის გამგეობაში მრჩეველთა საბჭოს გაფართოებული სხდომა გაიმართა, რომელზეც შეთანხმება მოხდა ადგილობრივი სოციალური ჩართულობის სტრატეგიის სამოქმედო გეგმის ძირითად მიმართულებებზე. საბავშვო ბაღებში ახალი ჯგუფების დამატება და ყველაზე მეტი საჭიროების მქონე სკოლამდელი დაწესებულებების ინვენტარიზაცია; ხანდაზმულთა სოციალური ინკლუზია - სამრეცხაო „სათნოების სახლის“ ბინადართათვის; შშმ პირებისათვის ადაპტირებული ტრანსპორტის შეძენა - მონაწილეთა ფოკუსში, ძირითადად, ეს საკითხები მოხვდა.
შეხვედრის მონაწილეებმა - საბჭოს წევრებმა, თვითმმართველობის სხვადასხვა სამსახურის წარმომადგენლებმა - საფუძვლიანად განიხილეს პროგრამებისთვის საჭირო ხარჯი, ეფექტი და ადგილობრივი ბიუჯეტის რესურსი თანადაფინანსებისთვის.
როგორც აღინიშნა, ყველა მიმართულება მნიშვნელოვანია და ყველაზე მეტად მოწყვლადი ჯგუფების საჭიროებებს ასახავს.
უახლოეს პერიოდში იგეგმება ტრენინგი პროექტების შემოტანის მსურველთთვის.
პროექტი ხორციელდება ჩეხური ორგანიზაცია „ადამიანი გაჭირვებაში“ PIN მხარდაჭერით
ქალთა საინიციატივო ჯგუფები აქტიურად მუშაობენ ქუთაისში და წყალტუბოში, ატარებენ საინფორმაციო შეხვედრებს საზოგადოების სხვადასხვა სპექტრის წარმომადგენლებთან. ადვოკატირების გეგმიდან გამომდინარე, უკვე დამთავრდა ხელმოწერების შეგროვებისა და ადრესატებთან წერილების გაგზავნის ეტაპი.
თითოეულმა ჯგუფმა გააანალიზა ადვოკატირების გეგმა და რეალობის გათვალისწინებით ცვლილებები შეიტანა. ადვოკატირების პროცესის დასაჩქარებლად დაიგეგმა დამატებითი აქტივობები: შეხვედრები ადგილობრივი თვითმმართველობის წარმომადგენლებთან, ლობისტებთან.