წალენჯიხის მუნიციპალიტეტის სოფელ ფახულანის ქალთა საინიციატივო ჯგუფის წევრებმა კვლევის შედეგად გამოვლენილი პრობლემების საფუძველზე,ადვოკატირების გეგმა შეიმუშავეს.წყოუშის თემში ერთ-ერთ პრიორიტეტულ საკითხად სპორტული მოედნის განახლება დასახელდა.გამოიკვეთა , რომ მოედანი არ შეესაბამება თანამედროვე სტანდარტებს,არ არის შესაბამისი ინფრასტრუქტურა, და არ შეესაბამება თანამედროვე სტანდარტებს. შეხვედრაზე ქალთა ჯგუფის წევრებმა განსახორციელებელი აქტივობების შესახებ იმსჯელეს.
სენაკის ახალგაზრდული ჯგუფის წევრებმა დაასრულეს მუშაობა მინი-პროექტზე -„კულტურით, სპორტით, შემეცნებით მშვიდობისკენ“ . პროექტის ფარგლებში სხვადასხვა აქტივობა განხორციელდა: ვორკშოპი მშვიდობის თემაზე, ფილმის ჩვენება და დისკუსია, შეხვედრა დევნილ ქალებთან, ინფო-პიკნიკი, სპორტული შეჯიბრებები. მიზანი მშვიდობის თემის გააქტიურება და პოპულარიზება იყო. ქალთა საინიციატივო ჯგუფის წევრებმა ადვოკატირების გეგმაზე იმუშავეს. მონაწილებმა იმსჯელეს იმ აქტივობებზე, რომელიც მათ მიერ შერჩეული პრობლემების მოსაგვარებლად უნდა განხორციელდეს. სწორად გაწერილი გეგმა დაეხმარება ჯგუფის წევრებს, ადვოკატირების პროცესი ეფექტიანად განახორციელონ.
8 და 9 ივნისს ქალთა ფონდი ,,სოხუმის’’ ორგანიზებით რეგიონული ჟურნალისტებისა და აკაკი წერეთლის სახელმწიფო უნივერსიტეტის ჟურნალისტიკის ფაკულტეტის სტუდენტებსათვის ჩატარდა ტრენინგი თემაზე: გენდერული დეზინფორმაცია და გენდერულად პასუხისმგებლიანი გაშუქება. ტრენინგი მიზნად ისახავდა მონაწილეების ინფორმირებულობისა და კვალიფიკაციის ამაღლებას გენდერული დეზინფორმაციისა და გენდერულად მგრძნობიარე გაშუქების საკითხებზე.
ტრენინგის პირველ დღეს, 8 ივნისს ესწრებოდა იმერეთში მოქმედი მედიასაშუალებების 18 ჟურნალისტი, მათ შორის ტელე და რადიო, ონლაინ მედიასააგენტოების ჟურნალისტები და დამოუკიდებებლი ბლოგერები, ხოლო 9 ივნისს, აკაკი წერეთლის სახელმწიფო უნივერსიტეტის ჟურნალისტიკის ფაკულტეტის 23, 1-ლი-მე-4 კურსის სტუდენტი.
ტრენინგი მონაწილეების მხრიდან შეფასდა, როგორც სასარგებლო და ინფორმაციული. მონაწილეებმა ხაზი გაუსვეს შეძენილი ცოდნისა და უნარების მნიშვნელობას, რომელსაც ისინი გამოიყენებენ ყოველდღიურ საქმიანობაში. რეალური მაგალითებისა და პრაქტიკული რეკომენდაციების განხილვამ ხელი შეუწყო პრობლემების უკეთ გააზრებას და გენდერულ დეზინფორმაციასთან ბრძოლის ეფექტური გზების მოძიებას.
სასტუმრო West Tower Kutaisi-ში ჩატარდა ტრენინგი პედაგოგებისათვის. გენდერი, გენდერული ძალადობა, ძალადობის იდენტიფიკაცია, ბავშვთან კომუნიკაცია და რეფერირების ეტაპები, სამართლებრივი მექანიზმები და პედაგოგების როლი ძალადობის პრევენციაში, საერთაშორისო დოკუმენტები - ეს საკითხები განიხილეს ტრენინგზე. მონაწილეები წარმოადგენდნენ 9 მუნიციპალიტეტს (სენაკი, თერჯოლა, სამტრედია, ქუთაისი, წყალტუბო, ხონი, ზუგდიდი, ხობი, ვანი).
მონაწილეები აქტიურად ჩაერთნენ სატრენინგო პროცესში, დისკუსიებში, ერთმანეთს უზიარებდნენ თავიანთ გამოცდილებას. მათ გადაეცათ პრაქტიკული სახელმძღვანელო, რომელიც შემუშავდა პედაგოგებისათვის - ხელმისაწვდომია ქალთა ფონდი „სოხუმის“ ვებგვერდზე: https://fsokhumi.ge/index.php/ka/publikacia/informatia-zaladobis-tsinaagmdeg/item/14732-2024-04-19-05-52-14
მონაწილეთა შეფასებით, ტრენინგი ხელს შეუწყობს გენდერული სტერეოტიპების მსხვრევას და ძალადობის პრევენციას ადრეული იდენტიფიცირების და ინტერვენციის მექანიზმებით. ისინი სკოლებში დანერგავენ გენდერულ მიდგომებს და აქტიურად ჩაერთვებიან ძალადობის შემთხვევების გამოვლენის პროცესში.
პროექტი ხორციელდება გენდერული თანასწორობის ფონდის მხარდაჭერით (კანადა)
ქალთა ფონდ ,,სოხუმის’’ ორგანიზებით , ზუგდიდის მუნიციპალიტეტის სოფელ დიდინეძის სკოლაში , ახალგაზრდებთან ტრენინგი ჩატარდა თემაზე: „შუამდგომლობა და მედიაცია, როგორც შერიგების რიტუალი“. შუამდგომლობისა და მედიაციის მნიშვნელობა, კონფლიქტების მართვა და საჭირო უნარ-ჩვევების გამომუშავება-ეს იყო ტრენინგის მიზანი. პირველ ნაწილში ისაუბრეს, ისტორიულად თუ რა როლი ქონდა მედიაციასა და შუამდგომლობას,დღევანდელობასთან გაივლო პარალელიც. მეორე, თემატური ბლოკი დაეთმო მედიაციის არსს და იმ უნარების დეტალურ განხილვას, რომლითაც უნდა იყოს აღჭურვილი მედიატორი. მესამე, პრაქტიკულ ნაწილში, როლური თამაშებით მონაწილეებმა მიღებული თეორიული მასალა პრატიკულად განამტკიცეს. დროული და საჭრო-ასე შეაფასეს ტრენინგი ახალგაზრდებმა. დიდინეძის ქალთა საინიციატივო ჯგუფის წევრებმა თემში მოგვარებული და მოსაგვარებელი საკითხების შესახებ ისაუბრეს. გამოიკვეთა სანიაღვრე არხების პრობლემა,რის გამოც ძლიერი წვიმების დროს ეზოები,ნათესები და ნარგავები ზიანდება. ქალთა საინიციატივო ჯგუფმა ადვოკატირების გეგმის შემუშავებაზე იმსჯელა.
ქალთა ფონდი „სოხუმის“ თბილისის ოფისის ხელმძღვანელი - ეკატერინე გამახარია ქალები, მშვიდობა, უსაფრთხოებისა და ჰუმანიტარული ქმედების კომპაქტის თემაზე (WPS-Compact) ტრენერთა რეგიონულ ტრენინგში მონაწილეობის მისაღებად შეირჩა. ტრენერთა ტრენინგმა, რომელიც ქალთა მშვიდობის მშენებელთა გლობალური ქსელის ორგანიზებით (GNWP) და ეუთოს WIN პროექტის მხარდაჭერით, 5-6 ივნისს სტამბოლში გაიმართა, გააერთიანა ცენტრალური აზიის, აღმოსავლეთ ევროპის და სამხრეთ კავკასიის მშვიდობის მშენებელი და მედიატორი ქალები.
ღონისძიების ფარგლებში, ეკატერინემ მონაწილეობა მიიღო სამხრეთ კავკასიის მშვიდობისმშენებელ ქალთა სუბრეგიონულ შეხვედრაში, სადაც ეუთოსა და GNWP-ის წარმომადგენელთა საყურადღებოდ განიხილა საქართველოში არსებული ვითარება. მან ყურადღება გაამახვილა „უცხოური აგენტის კანონის“ ნეგტიურ ზეგავლენაზე სამოქალაქო სექტორის ფუნქციონირებისთვის და განსაკუთრებით გაუსვა ხაზი მის შეუქცევად დამანგრეველ გავლენას ქალთა გადაწყვეტილების მიღების პროცესში მონაწილეობის თვალსაზრისით და იმ რისკებს, რომლებიც მშვიდობის მშენებელ ქალებს ემუქრებათ კანონის ამოქმედების შემდეგ.
6 ივნისს ჰიბრიდული ღონისძიების დროს „ქალთა ლიდერობის წინსვლა ქალებში, მშვიდობა და უსაფრთხოება და ჰუმანიტარული ქმედება: პროგრესის შეფასება და წინსვლის გზა“ ეკატერინემ, როგორც ერთ-ერთმა მომხსენებელმა, ისაუბრა, რეგიონულ კონტექსტში მიღწეულ პოზიტიურ ცვლილებებზე ქალთა გაძლიერების და მონაწილეობის თვალსაზრისით და იმ აუცილებელ სამომავლო სტრატეგიებზე, რაც პროცესის პროგრესს შეუწყობს ხელს.
ფორუმს ესწრებოდნენ ეუთოს, UN Women და ევროკავშირის ოფიციალური პირები.
ზუგდიდის მუნიციპალიტეტის სოფელ კოკის ახალგაზრდული ჯგუფის წევრებმა დაასრულეს მუშაობა მინი პროექტზე:"გამარჯობა აფხაზეთო შენი!",რომლის ფარგლებში სხვადასხვა აქტივობა განხორციელდა-დისკუსია მშვიდობის თემაზე,შეხვედრა თანატოლებთან,ფილმის ჩვენება და გაანალიზება.პროექტის მიზანს მშვიდობის თემის პოპულარიზება წარმოადგენდა. ქალთა საინიციატივო ჯვუფის წევრებმა ადვოკატირების თემაზე იმუშავეს.მონაწილეებმა დასახელებული პრობლემების შესახებ იმსჯელეს.შემუშავდა ადვოკატირების გეგმა ,რომლის მიხედვით ჯგუფის წევრები პროცესის ეფექტიანად განხორციელებას შეეცდებიან.
ქალთა ფონდმა „სოხუმმა“ ახალი კამპანია დაიწყო გენდერული დეზინფორმაციის შესახებ სლოგანით - „მიიღე სიმართლე, უარყავი გენდერული დეზინფორმაცია“.
კამპანიის ფარგლებში ვაწარმოებთ ინსტაგრამს - womenfundsukhumi. შეგიძლიათ გამოგვიწეროთ და ჩვენს შემეცნებით პოსტებს გაეცნოთ. კერძოდ, თუ რა არის გენდერული დეზინფორმაცია და რა მითები და სტერეოტიპები არსებობს მასთან დაკავშირებით.
გამოგვყევით ინსტაგრამზე - https://www.instagram.com/womenfundsukhumi/
და ასევე ტიკტოკზე - https://www.tiktok.com/@womenfundsukhumi?is_from_webapp=1&sender_device=pc
მაისში საინტერესო მუშაობა მიმდინარეობდა ექვსივე კურსზე (ქართული ენა, ინგლისური ენა, სამსახიობო ხელოვნება, ფოტო და ვიდეოგადაღება, პოლიმერული თიხით ძერწვა, ქარგვა).
ფოტო და ვიდეოგადაღების ახალი ჯგუფი მაისის ბოლოს დასრულდა. მაისში ძერწვის ახალი ჯგუფი შეუდგა სწავლას. ბავშვები საკმაოდ ნიჭიერები არიან და გამოირჩევიან უჩვეულო ხედვით, ფანტაზიით, უნარებით. მაქსიმ ბელოვი, მაგალითად, თავის გამოგონილ საოცარ პერსონაჟებს ქმნის.
თანდათანობით უკეთესი შედეგები აქვთ ქართულის თუ ინგლისურის კურსების მონაწილეებს. ისინი კითხულობენ, წარმოთქვამენ სპეციფიკურ ბგერებს, ადგენენ წინადადებებს, წარმართავენ დიალოგებს.
მაისში ფსიქოლოგიც აქტიურად, გეგმის მიხედვით მუშაობდა. გაიმართა საუბრები ბავშვებთან შემდეგ თემებზე: გრძნობების პროგნოზი, ემოციების მართვა, თანაგრძნობა და ა.შ. გაიმართა 9 ჯგუფური და 10 ინდივიდუალური შეხვედრა.
ყველაზე მთავარი, რასაც ემსახურება პროექტი, არის მეგობრული ატმოსფერო, რომელიც ყველა კურსზე იგრძნობა. ბავშვები ეხმარებიან ერთმანეთს, განიცდიან, როცა რომელიმე მათგანი ავად ხდება...
26 მაისს საქართველოს დამოუკიდებლობის დღისადმი მიძღვნილ გამართულ ღონისძიებას ყველა ბავშვი ესწრებოდა. მათ წარმოადგინეს კურსებზე შექმნილი ნაძერწები და ნაქარგები, ასევე თავიანთი ნახატები. სამსახიობო კურსის მონაწილეებმა კი ლექსები წაიკითხეს ქართულ ენაზე.
პროექტი ხორციელდება ჩეხური ორგანიზაცია „ადამიანი გაჭირვებაში“
PIN მხარდაჭერით
