ზუგდიდის მუნიციპალიტეტის სოფელ კოკის ახალგაზრდული საინიციატივო ჯგუფის წევრებმა შეხვედრაზე განხორციელებული მინი პროექტების შესახებ ისაუბრეს.ჯგუფის ლიდერებმა მოკლე მოხსენებები გააკეთეს,შესრულებული სამუშაოები წარადგინეს და მიღებულ შედეგებზე იმსჯელეს.
კოკის ქალთა საინიციატივო ჯგუფის წევრებმა ადვოკატირების პროცესში გამოკვეთილი პრობლემების მოგვარების მიმდინარეობაზე ისაუბრეს.ისინი მომდევნო თვეებშიც აქტიურად შეეცდებიან ამ მიმართულებით მუშაობის გაგრძელებას.
ქალთა ფონდი „სოხუმის“ წარმომადგენელმა - ეკატერინე გამახარიამ მონაწილეობა მიიღო საქართველოში ნატოს სამეკავშირეო ოფისის მიერ ორგანიზებულ საერთაშორისო კონფერენციაში თემაზე „ქალთა მონაწილეობის გაძლიერება მშვიდობისა და უსაფრთხოების პროცესებში“. ღონისძიება გახსნეს ალექსანდრე ვინიკოვმა, ნატოს სამეკავშირეო ოფისის ხელმძღვანელმა და მარი-დოჰა ბეზანსენოტმა, სახალხო დიპლომატიის საკითხებში ნატოს გენერალური მდივნის თანაშემწემ (დისტანციურ რეჟიმში). კონფერენციაზე განიხილეს შემდეგი საკითხები: „ქალების როლი მშვიდობის მშენებლობასა და შენარჩუნებაში: საერთაშორისო საუკეთესო პრაქტიკა და ადგილობრივი გამოცდილება“ და „ქალების, მშვიდობისა და უსაფრთხოების შესახებ ეროვნული სამოქმედო გეგმის განხორციელება და ქალთა მონაწილეობის კონტექსტში არსებული პროგრესი და გამოწვევები“.
კონფერენცია მრგვალი მაგიდის დისკუსიით ფორმატით დასრულდა, რომელშიც მოხსენებებით სამხრეთ კავკასიის რეგიონში მოქმედი ქალთა არასამთავრობო ორგანიზაციების წარმომადგენლები წარსდგნენ, მათ შორის ქალთა ფონდი „სოხუმის“ თბილისის ოფისის ხელმძღვანელი - ეკატერინე გამახარია. დისკუსიის დროს მომხსენებლებმა განიხილეს სამხრეთ კავკასიაში მშვიდობის მშენებლობის მიმართულებით არსებული გამოწვევები, იმსჯელეს იმ სტრატეგიებზე, რომლებიც გაზრდის „ქალები, მშვიდობისა და უსაფრთხოების“ დღის წესრიგის გატარებაზე პასუხისმგებელი პირების მხრიდან ნაკისრი ვალდებულებების შესრულებას.
ქუთაისში, იოსელიანის ქუჩის №13-ის მე-4 კორპუსში გაიმართა დევნილთა თემის სამუშაო შეხვედრა. ქალებმა სიხარულით აღნიშნეს, რომ პრობლემური სახურავის საკითხი ეტაპობრივად გვარდება, სამუშაოები დაწყებულია, თუმცა გარე ფასადი, ნესტიანი კედლები მათთვის კვლავ პრობლემად რჩება.
საინიციატივო ჯგუფის წევრები, რომლებსაც ჩვენი ტრენინგების შემდეგ აქვთ ცოდნა ადვოკატირების საკითხებზე, ამჯერად თავიანთ გამოცდილებას თემის წევრებს უზიარებენ, სამოქალაქო პასუხისმგებლობის ამაღლების მიზნით.
შეხვედრის მონაწილეები საუბრობენ ერთიანობის, გუნდურობის და საერთო ქონების მოვლა-პატრონობის აუცილებლობაზე.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ივნისში დაიწყო კოალიციური პროექტის „დევნილი და კონფლიქტით დაზარალებული ქალები და ახალგაზრდები ქალების, მშვიდობისა და უსაფრთხოების დღის წესრიგის ადგილობრივ დონეზე ლოკალიზებისათვის“ მეორე ეტაპი. პროექტი ხორციელდება გაეროს ქალთა ორგანიზაციის მხარდაჭერით, დიდი ბრიტანეთის მთავრობის კონფლიქტების სტაბილურობისა და უსაფრთხოების ფონდის ფინანსური რესურსით.
წინა საპროექტო პერიოდში შეიქმნა დევნილ ქალთა ქსელი. ახალი პროექტი მოიაზრებს „ქალთა და ახალგაზრდობის მშვიდობის ელჩების ქსელის“ შესაძლებლობების გაძლიერებას და გაფართოებას. ასევე - ქსელის წევრების ინიციატივების მხარდაჭერას, რაც მიზნად დაისახავს დევნილთა და კონფლიქტით დაზარალებული ქალების და გოგონების სოციალურ-ეკონომიკური პირობების გაუმჯობესებას, მათი საჭიროებების ადვოკატირებას და შესაბამის პროგრამებსა და ბიუჯეტებში ჩართვას.
პროექტის მიზნებისა და დაგეგმილი აქტივობების გაცნობისათვის საინფორმაციო შეხვედრები ჩატარდა ქუთაისში, წყალტუბოში, ხონში, სენაკსა და ზუგდიდში. შეხვედრებში მონაწილეობდნენ „ქალთა და ახალგაზრდობის მშვიდობის ელჩების ქსელის“ წევრები. შეხვედრებზე ასევე მოხდა ამ თემებისთვის მნიშვნელოვანი პრობლემების იდენტიფიცირება.
პროექტი ხორციელდება გაეროს ქალთა ორგანიზაციის
მხარდაჭერით
გაიმართა პროექტის „კონფლიქტების ტრანსფორმაციის მხარდაჭერა სამხრეთ კავკასიაში და მოლდოვაში“ ქსელური შეხვედრა. მასში მონაწილეობდნენ აქტივისტები, თემის ლიდერი ქალები, ბინათმესაკუთრეთა ამხანაგობის თავმჯდომარეები ქუთაისის, ხონის, სენაკის, წყალტუბოს, სენაკის და ზუგდიდის მუნიციპალიტეტებიდან.
შეხვედრის მონაწილეებმა პროექტის ფარგლებში შესრულებული სამუშაოები შეაჯამეს და იდენტიფიცირებული პრობლემების ადვოკატირების სტრატეგიული მიდგომები გააჟღერეს.
შეხვედრა გახსნა ქალთა ფონდი „სოხუმის“ თავმჯდომარემ ალლა გამახარიამ და მონაწილეებს მხარდაჭერა აღუთქვა პრობლემათა ადვოკატირების პროცესში. შეხვედრის მონაწილეებს მიესალმა საქველმოქმედო-ჰუმანიტარული ცენტრი „აფხაზეთის“ წარმომადგენელი ირაკლი კოჩუა.
პროექტის ასისტენტებმა ცალკეული მინიციპალიტეტების მიხედვით შესრულებული აქტივობების შედეგები შეაფასეს და, არსებული სიტუაციის გათვალისწინებით, პრობლემათა ადვოკატირების სტრატეგიულ რესურსებზე გააკეთეს აქცენტი.
მომდევნო პანელში ქუთაისის, ხონის, სენაკის, ზუგდიდის და წყალტუბოს მუნიციპალიტეტების სათემო ლიდერებმა თავიანთ საქმიანობაზე, იდენტიფიცირებულ პრობლემებზე და ადვოკატირების პროცესის პერსპექტივებზე ისაუბრეს.
შეხვედრის მონაწილეები შეთანხმდნენ, რომ აქტიურად გააგრძელებენ ადვოკატირებას არსებული რესურსების გამოყენებით.
ქუთაისში გრძელდება საინფორმაციო შეხვედრების ციკლი, რომელთაც საინიციატივო ჯგუფის აქტიური წევრები ატარებენ.
მინისტადიონის მოწყობა თაბუკაშვილის ქუჩაზე, ყოფილი სააფთიაქო სამმართველოს შენობაში მცხოვრები დევნილთა თემის მიერ გამოვლენილი პრობლემაა. ამ საკითხზე მუშაობენ ფონდ „სოხუმში“ გადამზადებული ქალები. ისინი სამოქალაქო ჩართულობის ფორმებზეც ფლობენ ინფორმაციას და სხვებსაც უზიარებენ. მერიაში წარსადგენი წერილი მზად აქვთ და რეაგირებას დაელოდებიან. ქალებმა იციან, რომ მათ შეუძლიათ შეცვალონ თავიანთი სოციალური პირობები.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
წარმატებით გრძელდება პროექტის „იძულებით გადაადგილებული ქალები და გოგონები - საჭიროებაზე ორიენტირებული ადგილობრივი პოლიტიკის შემუშავების აქტორები ქუთაისში“ მეორე ეტაპი.
„მივაღწიეთ ერთი პრობლემის მოგვარებას და ეს ამ პროექტის დამსახურებაა: სისუფთავის და უსაფრთხოების უზრუნველსაყოფად სადარბაზოს შესასვლელის მოწესრიგება. ახლა ძელსკამების ადვოკატიებას ვიწყებთ“, - აცხადებენ მუსიკალური ინტერნატის შენობაში მცხოვრები დევნილი ქალები.
საინიციატივო ჯგუფის წევრები, რომლებიც ჩვენი პროექტის ფარგლებში გადამზადდნენ, სამოქალაქო პასუხისმგებლობის აუცილებლობაზე ახლა სხვებს ესაუბრებიან.
შეხვედრის მონაწილეები საჭიროებაზე ორიენტირებულ თემებს აქტიურად განიხილავენ და ჭავჭავაძის გამზირის #58-ის მიმდებარე ტერიტორიაზე ახლა ძელსკამების მოწესრიგების საკითხს აყენებენ დღის წესრიგში.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისის საინიციატივო ჯგუფის წევრები საკუთარ თემში აქტიურად ატარებენ საინფორმაციო შეხვედრებს.
ახლა დასახლება „კოტეჯებზე“ გიამბობთ - გურამ გაბისკირიას ქუჩაზე, სადაც ყოფითი და ინფრასტრუქტურული პრობლემების იდენტიფიცირებაც მოხდა და ადვოკატირებაც დაიწყო: გზის საფარის და სანიაღვრე სისტემის მოწესრიგებასთან დაკავშირებით ისინი უკვე შესაბამისი უწყებების რეაგირებას ელოდებიან.
ეს ეტაპები სწორედ ჩვენი პროექტის ფარგლებში განხორციელდა. ამიტომ სჯერათ, რომ გუნდურ მუშაობას უკეთესი შედეგი და წარმატება მოაქვს.
დევნილთა დასახლებაში მცხოვრები ქალები კარგად ინფორმირებულები არიან სამოქალაქო ჩართულობის ფორმებზე და ცდილობენ, უფრო გააქტიურდნენ, რათა თავიანთი ცხოვრება უკეთესობისკენ შეცვალონ.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისის ახალგაზრდული კლუბის წევრებს ჩაუტარდათ ტრენინგი თემაზე “მედიაცია და შუამავლობა, როგორც შერიგების რიტუალი". მონაწილეებმა მიიღეს ინფორმაცია მედიაციის, მედიატორობის სხვადასხვა ტიპებისა და შუამავლობის მნიშვნელობის შესახებ, ჩაერთნენ პრაქტიკული ტიპის სავარჯიშოებში, რომლებიც ეხებოდა კონფლიქტების მართვასა და პროცესის მედიატორობას. ტრენინგს USAID-ის წარმომადგენელი - გიორგი ხეჩინაშვილი ესწრებოდა. კლუბის ლიდერმა, წევრებსა და დამსწრე საზოგადოებას, პროექტის- “ახალგაზრდები მშვიდობისთვის” ფარგლებში განხორციელებული აქტივობები და შედეგები გააცნო. შეხვედრას სსიპ ჟიული შარტავას სახელობის აფხაზეთის N 6 საჯარო სკოლა მასპინძლობდა . ქუთაისისა და ხონის ქალთა საინიციატივო ჯგუფებმა გაცვლითი შეხვედრის ფორმატის ფარგლებში ერთმანეთს ინფორმაცია და გამოცდილება გაუზიარეს,ისაუბრეს მათ მიერ ადვოკატირებულ პრობლემებსა და საჭიროებებზე. მონაწილეთა შეფასებით, მსგავსი შეხვედრები კარგ შესაძლებლობას აძლევს კლუბის წევრებს, უფრო ახლოს გაიცნონ ერთმანეთი.
