შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
რა პრობლემებია ქალებისა და გოგონებისათვის ჩვენს საზოგადოებაში მათი ადამიანური უსაფრთხოების უზრუნველყოფის კუთხით; როგორია რისკები რეგიონის, ასაკობრივი, სოციალური, ეთნიკური და სხვა განსხვავებების მიხედვით?
ფონდი „სოხუმის“ და აფხაზეთის ქალთა ასოციაციის ერთობლივი პროექტის ფარგლებში ქალთა ადამიანური უსაფრთხოების ხარისხის კვლევა დაიწყო.
ფონდი „სოხუმის“ მხრიდან პროექტის მონაწილეების ჯგუფმა ქუთაისში, ხონში, სენაკში, ფოთში, წყალტუბოში, ხურჩაში (ზუგდიდის მუნიციპალიტეტი), 6 ფოკუს-ჯგუფი და 6 ჩაღრმავებული ინტერვიუ ჩაატარა. გამოიკითხა 120 ქალი და გოგონა. წარმოდგენილმა ანგარიშებმა თვალსაჩინო გახადა ის საჭიროებები და საფრთხეები, რაც ქალებში უსაფრთხოებას ემუქრება. კვლევის საბოლოო ანგარიში ერთ თვეში დაიდება.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
მუჰაჯირობა - ასე ერქვა თბილისში, პარლამენტის ეროვნული ბიბლიოთეკის საკონფერენციო დარბაზში გამართულ ღონისძიებას, რომელზეც მიწვეული იყო ფონდი „სოხუმი“ (ერთ-ერთი ორგანიზატორი - ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატი).
ეს იყო გახსენება ისტორიისა, რომელმაც დიდი ტკივილი მიაყენა ქართველ და აფხაზ ხალხებს.
- ჩვენ გვინდა შევეხმიანოთ აფხაზეთში იმ აფხაზებს, რომლებიც დღევანდელ დღეს აღნიშნავენ. ჩვენ ყოველთვის ერთად ვიყავით და ვიქნებით ჭირსა და ლხინში! - ითქვა ღონისძიებაზე.
გამოფენაზე წარმოდგენილი იყო უნიკალური ფოტომასალა. დასასრულს გაიმართა ქართულ-აფხაზური ფოლკლორული საღამო.
ორგანიზატორების თქმით, გამოფენა საქართველოს სხვა ქალაქებშიც გაიმართება.
{youtube}jSDX__8mtx4{/youtube}
ოზურგეთის გენდერული საკონსულტაციო საბჭო აქტიურად თანამშრომლობს ადგილობრივ ხელისუფლებასთან.
20 მაისს საბჭოსა და გურიის გუბერნიას შორის თანამშრომლობის მემორანდუმი გაფორმდა. ერთიანი თანამშრომლობის მემორანდუმს ხელი მოაწერა ქალაქ ოზურგეთის მერიამ, საკრებულომ ,ოზურგეთის თემთა მუნიციპალიტეტის გამგეობამ და გენდერულმა საკონსულტაციო საბჭომ.
გურიის გუბერნატორმა გია სალუქვაძემ გენდერული კუთხით აქტიურ მუშაობაზე გაამახვილა ყურადღება.
„ქალაქ ოზურგეთის მუნიციპალიტეტის მერია ერთ-ერთი პირველია, სადაც გენდერული ბალანსი დაცულია. ჩვენ ნებისმიერ პოზიტიურ ინიციატივას მივიღებთ და ვითანამშრომლებთ გენდერულ საკონსულტაციო საბჭოსთან“, - აღნიშნა ქალაქის მერმა ბეგლარ სიორიძემ.
ოზურგეთის მუნიციპალიტეტის საკრებულოს თავმჯდომარემ დავით დარჩიამ მადლობა გადაუხადა გენდერულ საკონსულტაციო საბჭოს აქტიური და საჭირო საქმიანობისთვის და განაცხადა: „მწირი ბიუჯეტის პირობებშიც კი შევძელით რამდენიმე პროექტის დაფინანსება. ეს ნიშნავს იმას, რომ ჩვენთვის გენდერული საკითხები პრიორიტეტულია. იმედია, ამ კუთხით სამაგალითო ვიქნებით სხვა მუნიციპალიტეტებისთვის“ .
მუნიციპალიტეტის გამგებლის, მერაბ ჭანუყვაძის თქმით, გამგეობაში საპასუხისმგებლო თანამდებობები ქალბატონებმა დაიკავეს და საკმაოდ წარმატებითაც.
„მემორანდუმის გაფორმებით, ერთიანი ძალებით ბევრი კარგი საქმის გაკეთებას შევძლებთ უკვე მთელი რეგიონის მასშტაბით,“ - აღნიშნა ლელა ნაცვალაძემ, საკრებულოს წევრმა, გენდერული საკონსულტაციო საბჭოს თავმჯდომარემ.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
გრძელდება მუშაობა ძალადობისაგან დაცვის ეროვნულ ქსელთან პარტნიორობით შეზღუდული შესაძლებლობების მქონე პირებთან.
20 მაისს შედგა მეორე საინფორმაციო შეხვედრა. ბენეფიციარებმა აღნიშნეს, რომ მცირეა მათთვის გამოყოფილი პენსია (I ჯგუფი - 150 ლარი, II ჯგუფი - 100 ლარი, III ჯგუფი - 70 ლარი). მართალია, ჯანდაცვის პროგრამით ისინი ფინანსდებიან ფსიქოტროპული მედიკამენტებით, მაგრამ ბევრი სხვა წამალიც სჭირდებათ.
შეხვედრის მონაწილეებმა მიიღეს ინფორმაცია საკრებულოს სხდომის შესახებ, რომელსაც რამდენიმე მათგანი ფონდი „სოხუმის“ წარმომადგენელთან ერთად დაესწრება 27 მაისს.
მაისში 33 სამობილიზაციო შეხვედრა ჩატარდა დასავლეთ საქართველოს სხვადასხვა ადგილას - ქუთაისში, წყალტუბოში, ხონში, სენაკში, ფოთში და სოფლებში: ტერნალი (წყალტუბოს მუნიციპალიტეტი), ნოსირი (სენაკის მუნიციპალიტეტი), კოკი და ხურჩა (ზუგდიდის მუნიციპალიტეტი).
მობილიზატორებს არ გამორჩენიათ თვის მნიშვნელოვანი თარიღი: 17 მაისი - ოჯახის დღე. ამასთან დაკავშირებით შეხვედრებზე ისაუბრეს ოჯახის მნიშვნელობაზე, მის სიმტკიცეზე და ქალის როლზე ოჯახში.
შეხვედრებზე, ძირითადად, იმსჯელეს ოჯახში ძალადობისაგან ქალთა დაცვის მექანიზმების შესახებ. აღინიშნა, რომ 10 წელი გავიდა მას შემდეგ, საქართველოს პარლამენტმა მიიღო კანონი ძალადობის წინააღმდეგ, მაგრამ ჯერაც არ არის მიღწეული მისი მოქმედების ეფექტურობა. სამობილიზაციო შეხვედრების შემდეგ ქალებმა მონაწილეობა მიიღეს ქალთა მხარდაჭერის ცენტრებში ჩატარებულ ღონისძიებებში და ბევრმა მათგანმა შეძლო თავისი პრობლემის მოგვარება.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ ქალთა მხარდაჭერის ცენტრებში ფსიქოლოგიური და იურიდიული კონსულტაციების გარდა სხვა ღონისძიებებიც ტარდება.
17 მაისს ფოთის ქალთა მხარდაჭერის ცენტრში გაიმართა მასტერ-კლასი კულინარიაში. 11 ქალბატონი დიდი ინტერესით გაეცნო პიცის ცხობის საიდუმლოს. ბოლოსკი ყველამ ერთად დააგემოვნა.
მათ აღნიშნეს, რომ ასეთი აქტივობები, კულინარიული ცოდნის მიღებასთან ერთად, განტვირთვის ერთგვარი საშუალებაა მათთვის.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ბათუმში, დემოკრატიული ჩართულობის ცენტრში ჩატარდა შეხვედრები ბათუმის გენდერული საკონსულტაციო საბჭოს სამუშაო ჯგუფის წევრებთან, რომლებიც ადგილობრივი სოციალური ჯგუფების გენდერულ საჭიროებათა კვლევას ატარებენ. კიდევ ერთხელ დაზუსტდა კვლევის გრაფიკი, განისაზღვრა ანგარიშის წარდგენის ვადები. საბჭოს წევრები იმედოვნებენ, რომ ისევე, როგორც შარშან, მოხერხდება პრობლემების იდენტიფიცირება და შემდგომში თვითმმართველობასთან თანამშრომლობა მათი ადგილობრივ ბიუჯეტში ასახვის კუთხით.
საბჭო ცდილობს თავისი წვლილის შეტანას ადგილობრივი სამოქალაქო ჯგუფების მხარდაჭერის საკითხში. ამას მოწმობს ფონდი „სოხუმიდან“ ნაწილობრივი დაფინანსებით მერიისთვის „თავისუფალი ინიციატივების კონკურსში“ წარდგენილი პროექტები. ჩვენდა სასიხარულოდ, თვითმმართველობიდან ამ დროისათვის უკვე მიღებულია ერთ-ერთის დაფინანსების თანხმობა.
პროექტი ხორციელდება აშშ სახელმწიფო დეპარტამენტის მხარდაჭერით
ქუთაისის გენდერული საკონსულტაციო საბჭო პრობლემის ადვოკატირების მიზნით საგანგებო შეხვედრაზე შეიკრიბა. შეხვედრაში მონაწილეობდნენ გენდერული საკონსულტაციო საბჭოს წევრები და ფონდი „სოხუმის“ ხელმძღვანელები.
სხდომაზე განიხილეს ქუთაისის მერიისთვის წარდგენილი პროექტის „გენდერული განათლება სკოლამდელ დაწესებულებებში“ თანადაფინანსებასთან დაკავშირებული პრობლემები. გამოიკვეთა მერიის მხარდაჭერა აღნიშნული პროექტის ამოქმედებასთან დაკავშირებით.
ადვოკატირების პროცესი ააიპ ბაგა-ბაღების გაერთიანების ხელმძღვანელობასთან შეხვედრით გაგრძელდა. მხარეებმა მზადყოფნა გამოთქვეს ერთობლივად ეძებონ სამართლებრივი მექანიზმები პროექტის თანადაფინანსებისთვის საჭირო თანხის გამოსაყოფად.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
4 წელია, ვითარდება პარტნიორობა ჩეხეთის არასამთავრობო ორგანიზაციასთან - დამოუკიდებელი სოციალურ-ეკოლოგიური მოძრაობა - NESEHNUTI: ახალგაზრდული ფორუმ-თეატრების ფესტივალის მოწყობა; ქუთაისში გენდერული საკითხების ადვოკატირების პროცესის მხარდაჭერა; ქუთაისში გამართული BarCamp; ახალგაზრდული საერთაშორისო ჯგუფის მასპინძლობა ფონდ „სოხუმში“.
ჩეხეთის, სლოვაკეთის, ბელორუსიის, სომხეთის, აზერბაიჯანისა და საქართველოს 20-ზე მეტი წარმომადგენელი აქტიურად ეცნობოდა ფონდი „სოხუმის“ საქმიანობას, დაისვა უამრავი შეკითხვა, გამოვლინდა დიდი ინტერესი ქალთა ორგანიზაციის მიმართ.
პარტნიორობის განვითარების ფარგლებში იგეგმება ფონდის თანამშრომლის სტაჟირება აღმოსავლეთ პარტნიორობის 4 ქვეყანაში.
პროექტი ხორციელდება ჩეხეთის არასამთავრობო ორგანიზაციის
„დამოუკიდებელი სოციალურ-ეკოლოგიური მოძრაობის“ მხარდაჭერით
მორიგი საინფორმაციო შეხვედრა ბათუმის დევნილთა ახალ დასახლებაში ჩატარდა. აქ 22 სამსართულიან კორპუსში 3000-მდე ოჯახია ჩასახლებული. მათი უმრავლესობა წყალტუბოს კოლექტიური ცენტრებიდან გადაიყვანეს.
დევნილებმა ნომერ პირველ პრობლემად უმუშევრობა დაასახელეს. მათ აღნიშნეს, რომ გადაუხდელობის გამო, ხშირად არ მიეწოდებათ ელექტროენერგია და გაზი. ბევრი ადამიანი საბანკო ვალშია გახვეული.
დასახლების მეორე კორპუსის ბინადრის ჯაბა ბერიძის თქმით, გასულ წელს მათ სართულზე ხანძარი გაჩნდა, ამიტომ დერეფანი გარემონტებას საჭიროებს. ამ საქმეში მობინადრენი დახმარებას ადგილობრივ სტრუქტურებს და დევნილთა და განსახლების სამინისტროს სთხოვენ.
პროექტი ხორციელდება აშშ სახელმწიფო დეპარტამენტის მხარდაჭერით