შეხვედრები (642)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
1 მაისიდან ფონდმა „სოხუმმა“ ძალადობისაგან დაცვის ეროვნულ ქსელთან პარტნიორობით დაიწყო მუშაობა ახალ ბენეფიციარებთან - შეზღუდული შესაძლებლობების მქონე პირებთან.
13 მაისს ქუთაისში ჩატარდა საინფორმაციო შეხვედრა, რომელსაც 14 ბენეფიციარი ესწრებოდა. შეხვედრის მონაწილეებმა მიიღეს ინფორმაცია ფონდი „სოხუმის“ პროექტის, მიზნებისა და ამოცანების შესახებ.
განისაზღვრა, რომ სამთვიანი მუშაობის შემდეგ უნდა დარეგისტრირდეს საზოგადოებრივი ორგანიზაცია, რათა ამ კატეგორიის ადამიანებმა შეძლონ თავიანთი პრობლემების ადვოკატირება, პროექტების წერა და დაფინანსების მოპოვება.
11 მაისს გაიმართა ქუთაისის გენდერული საკონსულტაციო საბჭოს მეთექვსმეტე სხდომა.
მონაწილეებმა პირველ საკითხად განიხილეს გენდერული საკონსულტაციო საბჭოს მიერ მერიისთვის წარდგენილი პროექტის „გენდერული განათლება სკოლამდელ დაწესებულებებში“ თანადაფინანსებასთან დაკავშირებული პრობლემები და პერსპექტივები. სხდომაზე მოწვეულნი იყვნენ ქუთაისის ააიპ ბაგა-ბაღების გაერთიანების წარმომადგენლები. პაატა კლდიაშვილის (მერიის ეკონომიკის განვითარებისა და ადგილობრივი ქონების მართვის სამსახურის უფროსი) თქმით, პროექტის თანადაფინანსება აიპ ბაგა-ბაღების გაერთიანებიდან მოხდება, რაც ერთობლივი ხელშეკრულებით გაფორმდება.
გენდერულმა საკონსულტაციო საბჭომ იმუშავა აგრეთვე იმაზეც, როგორ ჩატარდეს ეფექტურად სოციოლოგიური კვლევა „გენდერული საჭიროებების შეფასება ადგილობრივი განვითარების კონტექსტში“.
კვლევის მეთოდოლოგიის გაცნობის შემდეგ საბჭოს წევრებმა ფუნქციები გაინაწილეს და ორგანიზაციულ საკითხებზე შეთანხმდნენ.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ოზურგეთში, დაბა ნასაკირალის პირველ რაიონში ფონდი „სოხუმის“ წარმომადგენელი რეპატრიანტ მესხებს შეხვდა და მათ პრობლემებს გაეცნო.
პრობლემა ბევრია - აქაური მცხოვრებნი, ძირითადად, უმუშევრობას უჩივიან, უამრავი ყოფითი საკითხი აწუხებთ.
ნასაკირალში არ არის ბაგა-ბაღი. რაც შეეხება სკოლას, ამასთან დაკავშირებით როზეტა სკამკოჩაიშვილმა (სოფელ დვაბზუს დეპუტატი, გენდერული საკონსულტაციო საბჭოს წევრი) აღნიშნა: - 30 მოსწავლეზე სკოლას არავინ გახსნის, აქაური ბავშვები მეზობელ სოფელში სწავლობენ და მათ ავტობუსი ემსახურებათ.
არის კონკრეტული პრობლემებიც - 45 წლის ნაილი ბიწაძე (ფეხზე ნაოპერაციები), რომელიც დალოგინებულ 87 წლის პაშა ბიწაძეს უვლის, ოჯახთან ერთად ავარიულ შენობაში ცხოვრობს (დაზიანებულია კიბეები, ფანჯრები, ჩამონგრეულია ჭერი). რთული მდგომარეობა აქვთ, მაგრამ სოციალური დახმარება შეუწყდათ - ისინი ფონდი „სოხუმის“ ამომრჩეველ ქალთა კლუბს და გენდერულ საკონსულტაციო საბჭოს პრობლემის მოგვარებაში დახმარებას სთხოვენ.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ოზურგეთის გენდერული საკონსულტაციო საბჭოს სხდომა დაეთმო ადგილობრივი გენდერული საჭიროებების შეფასებას, რომელიც ამჯერად მუნიციპალიტეტის სოფლებში ჩატარდება (გასულ წელს კვლევის არეალი იყო ქალაქი ოზურგეთი).
შეხვედრაზე ჩატარდა ვორკშოპი კვლევის მეთოდებზე. მონაწილეებს განემარტათ ჩაღრმავებული ინტერვიუს, ფოკუს-ჯგუფისა და ანკეტირების ჩატარების პრინციპები. განაწილდა ჯგუფები, შერჩეულ იქნა რესპონდენტები.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ფონდი „სოხუმის“ მორიგი საინფორმაციო შეხვედრა სენაკში ჩატარდა ეთნიკური უმცირესობის წარმომადგენლებთან - ასურელებთან. ჭავჭავაძის ქუჩაზე ასურელები დაახლოებით ერთ საუკუნეა ცხოვრობენ. 50-მდე ოჯახს შენარჩუნებული აქვს ენა, ეუფლებიან დამწერლობას (უმეტესად ასაკოვნები). ახალგაზრდები ქართულ სკოლებში სწავლობენ.
როგორც თავად ამბობენ, მათ ქართველების მსგავსი ტრადიციები აქვთ, რადგან ქრისტიანები არიან, თუმცა არის განსხვავებაც: მაგალითად, ქორწინების რიტუალი - ჯვრისწერა აუცილებელი პირობაა.
შეხვედრის დროს გამოიკვეთა სხვადასხვა პრობლემა. განსაკუთრებით გამახვილდა ყურადღება ღელეზე, რომელიც სახლების გვერდით ჩამოედინება - ძალიან დაბინძურებულია, მაგრამ მოსახლეობა თავისი ძალებით ვერაფერს უხერხებს.
პრობლემის აღმოსაფხვრელად ფონდი „სოხუმის“ ასისტენტის დახმარებით მათ იმ დღესვე მიმართეს განცხადებით ქალაქის მუნიციპალიტეტის გამგეობას, საკრებულოს, გენდერულ საკონსულტაციო საბჭოს.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
სენაკის გენდერული საკონსულტაციო საბჭოს მორიგ სხდომაზე ისაუბრეს გენდერული საჭიროებების შეფასებასთან დაკავშირებულ სამზადისზე. შეფასება მაისშია დაგეგმილი. გენდერული საკონსულტაციო საბჭოს წევრებისთვის ფონდი „სოხუმის“ წარმომადგენელმა ჩაატარა სპეციალური ვორკშოპი კვლევის მეთოდებსა და ტექნიკაზე.
დისკუსიის დროს განისაზღვრა სამიზნე ჯგუფები, ვადები და შემსრულებლები.
განხილულ იქნა მიმდინარე საკითხებიც, რომლებიც უკავშირდება გენდერული საკონსულტაციო საბჭოს მიერ პროექტის განხორციელებას სენაკის საბავშვო ბაღებში.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
მორიგი საინფორმაციო შეხვედრა ჩატარდა დევნილებთან - ქუთაისში, ნიკეას ქუჩაზე, ყოფილი კოოპერაციული სასწავლებლის 5-სართულიან შენობაში.
რეაბილიტირებულ კოლექტიურ ცენტრში დევნილებმა საკუთარ პრობლემებზე ისაუბრეს. აღნიშნეს, რომ დაგებას საჭიროებს გზის საფარი ეზოში, არ არის გამწვანება, გასართობი საშუალებები ბავშვებისათვის. შენობის უკან მეტალ-პლასტმასის საწარმოა - ხმაური ხელს უშლის მოსახლეობას. შენობასთან არის ანტისანიტარიის ბუდე, რაც სასწრაფოდ მისახედი და მოსაგვარებელია.
ამ პრობლემებს გაეცნენ ფონდი „სოხუმის“ ასისტენტი და იურისტი. მოგვარების პროცესი უკვე დაიწყო, ადვოკატირებაში აქტიურად ჩაერთნენ დევნილები - მიმართეს ადგილობრივ სტრუქტურებს.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
აპრილში ქუთაისის, წყალტუბოს, ხონის, სენაკის, ფოთის და ხურჩის (ზუგდიდის მუნიციპალიტეტი) ქალთა მხარდაჭერის ცენტრების მობილიზატორებმა საინფორმაციო შეხვედრები გამართეს ადგილობრივ თვითმმართველობაში, დაესწრნენ საკრებულოს სხდომებს.
ისინი აგრეთვე შეხვდნენ სოციალური სამსახურის სააგენტოს წარმომადგენლებს და მიაწოდეს მათ ინფორმაცია ცენტრების საქმიანობის შესახებ. განსაკუთრებით აღინიშნა უფასო იურიდიული და ფსიქოლოგიური კონსულტაციების და ამ კუთხით თანამშრომლობის შესახებ.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
.jpg)
22 აპრილს ბათუმის გენდერული საკონსულტაციო საბჭოს მორიგი სხდომა ჩატარდა. შეხვედრას ფონდი „სოხუმის“ ხელმძღვანელობაც დაესწრო და გაეცნო საკითხებს, რომლებიც ამ ეტაპზე დგას დღის წესრიგში.საბჭოს გადაწყვეტილებით, მისი წევრების უდიდესი უმრავლესობა ჩაერთო გენდერულ საჭიროებათა შეფასებაში, რომელიც ფონდი „სოხუმის“ მხარდაჭერით, ბათუმში უკვე მეორედ ტარდება. განისაზღვრა კვლევის ვადები და შემსრულებლები.
მოისმინეს ინფორმაცია ფონდი „სოხუმის“ თანადაფინანსებით მერიისთვის წარდგენილი პროექტების თაობაზე; ჩამოაყალიბეს საკითხთა ნუსხა, რომელიც პარლამენტის გენდერულ საბჭოსთან დაგეგმილი შეხვედრის დღის წესრიგს განსაზღვრავს.
გამოიკვეთა, რომ იზრდება ბათუმის გენდერული საბჭოს თანამშრომლობის მასშტაბები ადგილობრივ საზოგადოებრივ ორგანიზაციებთან. სხდომას ესწრებოდა ორი ორგანიზაციის წარმომადგენელი, განისაზღვრა სამომავლო თანამშრომლობის პერსპექტივები.
დაისახა კონკრეტული პრობლემების ადვოკატირების გრძელვადიანი სტრატეგია, რომელშიც აქტიურად იქნებიან ჩართული საკრებულოსა და მერიის გენდერული მრჩევლები. ორ ყველაზე მოწყვლად ოჯახს პირველადი დახმარება უკვე გაეწია.
სხდომაზე გაჟღერდა რამდენიმე საინტერესო ინიციატივა. მათ შორის თვითმმართველობის პერსონალის გენდერული განათლების საკითხი.
.jpg)
.jpg)
.jpg)
პროექტი ხორციელდება აშშ სახელმწიფო დეპარტამენტის მხარდაჭერით
ქუთაისის, წყალტუბოს, ხონის, სენაკის, ფოთის და ხურჩის ქალთა მხარდაჭერის ცენტრების მობილიზატორებმა ჩაატარეს სამობილიზაციო შეხვედრები თემაზე: ადვოკატირება, ადვოკატირების სხვადასხვა მეთოდი.
შეხვედრები გაიმართა დევნილთა კოლექტიურ ცენტრებში, სოფლებში: თერნალი (წყალტუბოს მუნიციპალიტეტი), გოჩა ჯიხაიში (ხონის მუნიციპალიტეტი), ხორში (სენაკის მუნიციპალიტეტი), კოკი და ხურჩა (ზუგდიდის მუნიციპალიტეტი).
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)